استفسار حول السكن في فيرجينيا خصوصا من الاخ dr_ss

هلا بك اخوي وشاكر لك على سؤالك واتمنى اني افيدك

اولا مبروك القبول وبالتوفيق يارب

بالنسبه للسكن ... في خيارين بشكل عام ... اما انك تسكن في واشنطن نفسها .. او في فيرجينيا ...وبما انك سالت عن فيرجينيا
في صوره اخذتها من google maps وعدلت عليها يمكن تفديك راح تلقاها بالبروفايل حقي اتمنى ان الصوره تكون قدامك وانت تشوف الموضوع هذا ...

الاماكن اللي تعتبر ممتازه من ناحية الامان ... النظافه ... القرب من جامعتك ... توفر المترو ...المدارس .. التسوق ..
راح تحصل حولها دائره زرقاء :
1- Mclean
2- vieana
3- arlington
4-fairfax
5-alexandria
6-falls church ( مو كل السكن كويس فيها ... في اشياء نظيفه .. واشياء لا )

طبعا انا ما اعرف بصراحه نيتك حول المواصلات لكن كل المناطق هذي يوصل لها الميترو بمسافات مختلفه

شي اخير ... راح تلقى خط اسود في الصوره هذا يمثل المسافه بين fairfax و وسط مدينة واشنطن
طبعا اخترت فيرفاكس لانها الابعد وتقدر تستنتج الباقي ... المسافه من fairfax وواشنطن تقريبا 20 كيلو

يعني ماراح تكون بعيده ... ارجع اقول يمكن المواصلات تحدد رايك وتساعدك بالسكن لكن زي ما قلت لك اخوك هذي الاماكن
ممتازه ..

انا شخصيا ساكن في alexandria وتاخذ 40 دقيقه عن وسط واشنطن ....
بالنسبه لشقه معينه انصح فيها مافي .... لكن بالسعر اللي انت حاطه ماشالله بتحصل شي نظيف وانت مرتاح
طبعا في مواقع كثيره لكن انا ارتاح للموقع هذا لانه مرتب جربه يمكن يعجبك
Apartments Arlington, Fredericksburg, Stafford, Spotsylvania - ApartmentShowcase.com
عن طريق النت شف لك 2 او 3 شقق تعجبك واذا وصلت بالسلامه خلك في فندق كم يوم وشوفهم بنفسك واللي ترتاح لها
خذها وموفق يارب
اتمنى اني اكون افدتك اخوي واذا في اي شي ثاني حاب تستفسر عنه لا تتردد

الله يعطيك العافية اخوي
والله ما قصرت كفيت ووفيت
مترو واشنطون جربته وطلقته بالثلاث
لذلك راح استخدم سيارتي والله يعين على المصاريف

هههههههههه انا مدري ليه كل احد زعلان على المترو هاليومين

لكن ما الومك انا معي سياره لكن ما اروح فيها للدوام
بالنسبه للسياره تقريبا راح يكلفك الموقف من 100 الى 200 دولار فوق ايجار الشقه
وطبعا اذا بتوقف السياره عند مكان العمل او الدراسه اظن راح تحتاج موقف شهري هناك وراح كلفك كمان من 100 الى 200 دولار بالشهر
يبقى البنزين وراح يكلفك تقريبا اذا معك سياره مثل الاكورد او تويوتا او نيسان تقريبا 150 دولار بالشهر

اتوقع انك عارف الاشياء هذي بس حبيت اذكر فقط وعموما بعض الشقق تكون فيها المواقف مجانيه ... وبالتوفيق