الى مبتعثين تخصص التمريض ..

هلا اخوي انا تخصص تمريض في جامعة اركانساس بمدينة جونسبورو ..

كل طلباتك متوفره في هالجامعه الا شيئين الاجواء غير معتدله يعني حار صيفاّ بارد جداً شتاً .. والشي الثاني المدينة كئيبه نوعاً ما بالنسبة لي يمكن تناسبك انت ..

وبالتوفيق لكـ

انا احد مبتعثي التمريض لتخصص التمريض
القبول صعب جدا جدا في التمرض بامريكا
وجود اربعه اختبارات اثاء الدراسه وبعد التخصص واذا ما اجتزتها الله يخلف عليك ش1
طبعا المعدل له دور كبير اضافه الى انهم ما يعادلولك اطلاقا في مواد التخصص خلاف ما يحصل في استراليا والدول الاخرى ويطلبوا منك تدرس عدد ساعات كثير قبل ما تدخل البرنامج هذا اذا قبلت ان شاء الله بعد انتهاء المتطلبات نظرا لكثره المتقدمين خصوصا من الامريكان

باختصار اذا تبي الهم ووجع الراس ويشيب راسك وممنك تنتهي مدة البعثه حقك ولس ما انتهيت البرنامج تعال امريكا
تبي الراحه والقبول واهم شي الحصول على بكالوريوس بغض النظر عن الدولة روح استراليا ارحم لك ولو يرجعني الزمن كان رحت استراليا

في حقظ الله

اخواني احساس عاشق وممرض جديد .. شكرا لكم على تفاعلكم وعلى المعلومات المفييدة اللي اتحفتوني فيها ..
انا قبولي على نيوزلندا بس نصحوني الشباب هناك بتغيير الدولة لان الدراسة معقدة وطلباتهم كثيرة ..
وهذا اللي شجعني على البحث عن جامعة في امريكا .. واللي اتضح لي ان امريكا نفس نيوزلندا بصعوبة الدراسة ومتطلبات دخول الجامعة وعدم معادلة المواد ..
انا معدلي كويس ومعي ايلتس واعتقد انك نصيحتكم بمحلها افضل خيار متاح لي هو استراليا ..
مودتي

قبول مرحلة البكالوريس سهل مو زي الماستر

انا افضل النيرسينق في امريكا

وعلى فكره استراليا مو مرررررره صح سهل القبول والدراسه بعد بس شهاداتها ما صار يحبذونها زي اول

والدليل كانوا مقفلينها هي وبرطانيا في المرحله الخامسه لكل التخصصات

اختي رومي ..
ياليت ترشح لي كم جامعة حسب خبرتك تكون الدراسة فيها مو صعبة ..
وشكرا على تفاعلك ..
تحياتي

العفو اخوي من ناحية السهوله والصعوبه بصراحه ما عندي فكره

وترا التخصصات الطبيه مهي سهلة الدارسه في امريكا

ومن ناحية الجامعات انا ما عندي خلفيه عن البكالوريس لأني طالعه ماستر

بس سويتلك بحث وهذي افضل ٢٠ جامعه في التمريض(بكالوريس) على مستوى امريكا
What are the Top Undergraduate Nursing Programs in the United States?


ان شاءالله تفيدك راح تلقاها في جدول
على فكرة انا شفت انك سئلت عن بنسيلفانيا في موضوع ثاني وفي اللينك اللي فوق في ٣ جامعات فيها وتعتبر من اقوى الجامعات

واي استفسار انا حاضره

اختي رومي ..
اللي يوفقك ويسهل امورك ..
جهد كبير وعاجز عن شكرك ..
بشوف الجامعات واكيد مالنا غنى عن ارائك الله يطول بعمرك
مودتي
ياسر