خمس شهور في مدينة فلادلفيا ( Phildelphia )

سلام اخوي

وصل لزوجتي قبول بمعهد امباسي بوسطن ميريماك

وش رايك اطلب تغيير من المكتب
تددري بوسطن غالية

وكيف الوضع عندكم تنصحني اغير

والحاضنات وش سعره

وال شكر اخوي

السلام عليكم

اخوي عظيم الصمت شكرا على مجهودك

حبيت اسالك عندي قبول في جامعه دريكسيل للجامعه نفسها ويبداأ برنامج الماستر بدايه شهر يناير وحبيت اشوف الاماكن القريبه
والجيده للعوائل من منطقة دريكسيل والشقق الجيده والقريبه واسعارها طيبه وآمنه
او تحددلي المناطق الجيده وياليت تتكرم وتكتب لي بعض اسماء الشقق واكون لك من الشاكرين
فيه مشاركه في بدايه الموضوع لكن مافيها الا ثلاث شقق

هلا اخوي وعليكم السلام

ماشاءلله الله يسهل اموركم في الباقي

بوسطن معك غالة ولا تنقرب ولكن الشباب اللي اعرفهمويدرسون هناك يسكنون بضواحي بوسطن وهي تكون اقل وارخص من بوسطن

وفيه واحد من الشباب يدرس هناك اخذ شقة غرفتين 1450 $ تقريبا بالشهر وانا اشوف ان سعرها ممتاز ومناسب وهي اسعارها مقاربة لأسعارعندنا.

اما الحضانات فما عندي خلفية عنها هناك ولكن بالنسبة لأسعارها في فيلادلفيا فهي مختلفة وتتفاوت على حسب رقي الخدمات المقدمة في الحضانة ولكن المتوسط من 750 $ بالشهر تقريبا وطالع.


والله انا أنصحك تستخير رب العالمين قبل أي خطوة لأن بوسطن كثير يمدحونها ولكن اصدقك انا ما جيتها ولاشفتها.


وبالله التوفيق،،





أخوك/
*عظيم الصمت*

وعليكم السلام ورحمة الله وبركاته


ما سويت الا اقل من الواجب

ماشاء الله تبارك الله موفق بحول الله

بالنسبة للمنطقة الافضل للسكن اشوف تجي للستي افينيو واللكنون جرين هو المفضل للعوائل السعودية واذا حبيت تشوف الموقع عن طريق النت
Lincoln Green / Address- 4000 Presidential BLVD Philadelphia PA 19131

كتبت لك اسم المجمع وبعده العنوان واذا حبيت ممكن تتواصل معي على الخاص اوضح لك بعض النقاط حول السكن.

هذا اللي انا اعرفه لأني ساكن فيه ولا اعرف والله غيره.



وبالله التوفيق،،





أخوك/
*عظيم الصمت*

السلام عليكم ورحمة الله وبركاته
حبيت استفسر عن UNIVERSITY OF PENNSYLVANIA ابغا اعرف ايش اسم المعهد تبع الجامعه ؟
وماهو نظام المعهد اكاديمي او تجاري ؟ وهل يحتاج اختبار توفل او لا ؟
وكيف دراستهم ممتازه ولا لا؟
وشكرن

عندك فكرة ياعظيم عن فرع معهد كابلان بفلاديفيا ؟
مستواه الدراسي وعدد الطلاب السعوديين ؟

ماشاء الله تباك الله

الله يوفقك ويسهل امورك



والله وانا اخوك ما عندي اي معلومة عنها

واتمنى ان شاء الله انك تلاقي احد يفيدك فيها

وفيلادلفيا مدينة في ولاية بنسلفانيا

واعتذر منك اخوي لاني دورت عليها ما لقيت علومات تفيدك وانا الفترة هي وقتي ضيق ولكن ن شاء الله باقرب فرصة احاول افيدك بشي.



وبالله التوفيق،،





أخوك/
*عظيم الصمت*

وعليكم السلام ورحمة الله وبركاته

حياك الله

اسم المعهد معهد جامعة بنسلفانيا واسمه

English Language Program

واختصار اسم الجامعة UPENN واسمع المعهد ELP


هو معهد تابع للجامعة ولكن ما يؤهل لدخول الجامعة ولكنه قوي ويدرسك مواد اكاديمية اذا حبيتي في المستويات المتقدمة ويعطي كورسات توفل.

والجامعة لو قريتي بالردود في اول الموضوع انها تطلب توفل 100 / 120 اذا بتكوني شادة حيلك الله يوفقك لأن الحين ما شاء الله فيها مجموعة من شباب اعرفهم وبنات يدرسون فيها سعوديين.

ومن ناحية الدراسة فهو من وجهة نظري وبكلام اللي درسوا فيه انه ممتاز جداً ولكل انسان وجهة نظر مختلفة ولكن الاغلب متفقين على جودته العالية.



وبالله التوفيق،،





أخوك/
*عظيم الصمت*

هلا اختي

هو معهد تجاري وحطي تحتها اكثر من خط

ولكن اذا جاية على حسابك تقريبا هو من ارخص الموجود عندنا في فيلي مشي امرك فيه لحد ما تلحتحقي في البعثة

ولكن اللي درسوا فيه يمدحون فقط من ناحية جودتة في تأسيس التحدث فقط وغيره ما فيه لا قواعد ولا كتابة ولا قراءة

ولكن هو متميز بالجيمات والجي آر إي والتوفل لأنه يعطي كورسات فيها وهي خاصة للمتقدمين باللغة.

أما عدد الطلاب السعوديين مش بطال فيه.

ولكن اكرر هو معهد تجاري وتعاملهم لك عليه مو ذاك المرن.

هذا حسب ما سمعت لأني والله ما جربته ولا درست فيه.

ولكن فيه ناس تمدح فيه وهم قلة ترى.


والله يخيرك الخيرة المباركة.



وبالله التوفيق،،






أخوك/
*عظيم الصمت*