استفساراتكم عن NY

وعليكم السلااام
اهلا فيك اخي و شكرا على معلوماتك و اذا عندك زيادة لا تبخا عاينا
اما بالنسبة لجامعة فيها هندسة الجامعة هي وحدة city college of ny Civil Engineering Department
هذا لنك الهندسة المدنية
و بالتوفيق نورة الصفحة بوجودك
و ان شاء الله نتقابل

اخوي فهاد حبيت اسئلك عن السكن في منهاتن مع عائله انا جاي بعد شهر بإذن الله ,, وحاب اسكن مع عائله تكون قريبه من المعهد .. انا راح ادرس في المعهد التابع لجامعة بيس

يا ليت يكون بينا تواصل لاني تعبان كثير من التفكير في السكن

الله يوفقك يارب

بالأول السلام عليكم
و ثانيا عسى الجميع بخير,
بغيت اسألك أخوي عن جامعة بيس في نيويورك سيتي؟ كيف مستواها صعبة ومعقدة ولا سهلة؟
و تخصص المختبرات هناك اذا عندك علم كيف قوي ولا ؟ و يعطون قبول مشروط؟ يعني عندهم معهد لغة تابع لهم؟
و كيف المنطقة حوالينها؟ حلوة و تصلح اسكن فيها كبنت لحالي ولا منطقة بي ريدج اأمن؟
و اذا تقدر تقارنها لي مع جامعة بولي تيكنيك قسم العلوم موب الهندسة.. و مين افضل منهم؟
و مشكووووور في كل حال,,

السلام عليكم
اولا و انت بخيير
اوك جامعة بيس حسب ما اعرف جامعة حلوة و قوية في القانون
اما بالنسبة للمعهد فهو اما في منهاتن او في شمال منهاتن نسييت ايش اسم المنطقة صراحة اشوف و اقلك
اما السكن ففي المعهد اللي بمنهاتن السكن حلو و امن بس غالي 5500 دولار بالسمستر و اذا حابة تسكني ببي ريدج انا ساكن هنا و المنطقة امن و كلها عرب و اذا تبي ادورلك سكن
و من ناحية التخصصات فوالله ما ادري لكن اديكي اللنك حق جامعة بيس Pace University in the City of New York and Westchester County
و اديكي لنك السكن التابع للمعهد في منهاتن Pace University - Housing and Residential Life - 55 John Street (Manhattan)
و بالتوفيق و ان شاء الله اكون ساعدتك وانا جاهز لاي استفسار

هلا وغلا اخوي coolhabool الله يعطيك العافية وتعبتك معي, وان شاء الله اي زيادة عندي راح اضيفها وان شاء الله نتقابل عن قرييب
بالتوفيق للجميع

حياك اخوي والله السكن مع عائلة وفي منهاتن اتوقع صعبه شوي لان اغلب العوائل الي بمنهاتن مو محتاجين لاحد عشان يسكن معهم او يدفع لهم, واذا كنت تبي عائلة راح تحصل في بروكلن او كوينز او نيوجرسي, واذا تبي بمنهاتن اسكن يسكن المعهد بس بيكون غالي او دور على سكن مع شباب يعني بيت او شقة مشتركة يصير ارخص في السعر وتكون بمنهاتن وشف هالموقع ان شاء الله بيفيدك وتشوف الاسعار الي تبي craigslist: new york city classifieds for jobs, apartments, personals, for sale, services, community, and events
بالتوفيق ان شاء الله

تسلم وبالتوفيق

هلا اخوي
مشكور على الرد مرررة
بس أنا ابي جامعة متساهلة و تعاملها مميز و حلو مع الطلاب الانترناشونال و تعادل لي اكبر عدد من الساعات لأني ترانسفير ستيودنت و معاي ساعات كثير و ماابيها تضيع مني..
و سمعت ان جامعة بولي تيكنك ماتعادل كثير ساعات و صارت صعبة من بعد ماضموها لنيويورك يونيفيرستي :@ ماالت عليهم بس
و نصحوني الناس في جامعة بيس و قالو انها متساهلة مع الطلاب الاجانب و انها تعتبر سهلة نوعا ما في دراستها و راح اجيب معدل عالي و كذا..
شرايك أخوي فهالكلام؟
وكأن قالولي ان جامعة بيس قريبة على البريدج مابين مانهاتن و بروكلين يعني موب بعيدة عن بروكلين بالسبواي..صح؟

السلام عليكم
بالنسبة للتساهل مع الطلاب الاجانب فهذا بتحصلييه بكل الجامعات لا تخافي خاصة بنيويورك انا فصلي بالجامعة ما فيلوو ولا طالب امريكي كلو مكس من بلدان عربية و اجنبية هذا و احنا بالجامعة مو بالمعهد و ان شاء الله يتساهلون معك
بالنسبة لجامعة بولي تكنك فوالله ما سمعت عنها كثير و ما قد شفتها ما اقدر افيدك فيها بشي متاسف
بس في جامعة city college of ny هذي رائعة ونصها سعوديين
اما للمكان جامعة بيس فهي بعيدة عن منهاتن بالسبوي 35 دقيقة و عن بروكلين 59 دقيقة يعني ساعة
بس لا تاكلي هم الوقت المواصلات متوفرة بكثرة و انا جامعتي تبعد عني ساعة و ربع اتعودت خلاص
و بالتوفيق ان شاء الله

الله يعطيك الف عافيه ويوفقك .. موضوعك جا في وقته

انا معيده في قسم اداره الخدمات الصحيه ومحتاره بين بنسلفينيا _بتسبرغ بالتحديد_ ونيويورك اش تنصحني ؟
وهل تنصحني بمعاهد كابلان ؟
وازا تعرف مناطق تواجد معاهد كابلان في نيويورك ياليت تفيدني ؟ ومين افضل منطقه فيهم ؟
وهل تعرف جامعه معترف بيها في نفس تخصصي ؟

بالنسبه للسكن والمصاريف كامله كم ممكن تكون في الشهر الواحد ؟
وهل بتشوف ان المدينه كويسه للدراسه ولاكبيرة ممكن الواحد يتشغل فيها لان مرافقي انشاء الله بيدرس معايا وموصيني يبغى مكان هادئ ينفع للدراسه ..

اتاسف جدا على الاطاله .. جعلها الله في ميزان حسناتك