استفساراتكم عن NY

الف الف شكر اخوي فهااد مو مصدقه اول مره اعرف احد رايح لمعهد ال NYU طيب ابغى اعرف كم حاجه , ايش نظام المعهد مستويات والا بالسمستر ؟ لانو انا دراستي كانت كلها بالانجليزي ومااتوقع يبغالي اتعب كثير علشان اخذ التوفل فهل اقدر اخذه من عندهم ؟
وبعدين حطمتني لما قلت القبول صعب في الكليات الطبيه لا ان شاء الله تتسهل ههههه ,,
وفيه حاجه ثانيه من ناحية السكن في منطقه معينه من المناطق اللي قريبه من الجامعه هل تحس بعض هذي المناطق ممكن تكون مناسبه للسكن ؟ مثل union square او Gramercy او east or west village وبالنسبه لل ميد تاون كم تبعد عن الجامعه ؟ انا اعرف انو صعب اسكن في مانهاتن من ناحية الاسعار بس مو مشكله مابغى اروح بعيد

هلا و الله و مرحبا,,
لا صدقي وبعد فيه بنات سعوديات يعني لاتشيل هم, المعهد السمستر الواحد 3 شهور وشوي, والممل في المدة الدراسية الإجازات لأن بين كل سمستر والي بعده شهر إجازة يعني 4 شهور بالسنة إجازة, بس انتي ان شاء الله ما عليك اذا كانت لغتك كويسة, ومن ناحية اختبار التوفل انا والله ما جربت لاني توني مستجد في المعهد بس تقدرين تأخذينة في اي مكان وعلى حساب الملحقية , و السكن اذا في اليونيون أسكوير بتكوني قريبة من المعهد يعني ربع ساعة مشي وانتي في الكلاس, و المناطق الثانية حلوة وقريبة بس لازم تأخذي الترين او الباص.
وأي سؤال أو مساعده أنا حاضر لك ولغيرك,, والله يوفقك ويوفقنا وجميع الطلاب.

مشكوور اخ فهاااد ما قصرت :]

أدري إني نشبهـ -_-
بس أبي أكسبكم أجري -_-
قدمت على بولي تيكنيك التابعة لجامعة نيويورك
و يآآآآآآآآآآآآآآآآريتني ماقدمت عليها
لأنهم كلاب وكذابين..لما رحت لهم قبل التسجيل طلبو مني اشياء معينة و جبتها كلها وبالأخير بعد شهر أنتظار و بعد مادفعت الرسوم حق الابليكيشن رجعو وطلبو مني أشياء غريبة عجيبة و أختبارات خرافية و أنا توني بكالوريوس و ترانسفير بعد !!!
يعني المفروض شروط كثير أعفى منها..
المهم ماأبي أسوي الي طلبوهـ مني ..ماعندي وقت حق هالأختبارات و الخرابيط بصراحهـ..
و أبي اي جامعة قبولها سهل و سريع بلييييييييييييييز تكفون
أفكر في جامعة بيس بس أخاف تكسوي لي نفس الشي و تطلب مني أختبارات سات و خرابيط و ماتعطيني قبول مشروط
وش رأيكم طلاب نيويورك؟

السلام عليكم اختي
ولا يهمك اسالينا اليييييين ما تطفشي هههههه
المهم بالنسبة للمتطلبات فهذا شيء عادي وهذي المتطلبات من كافة الجامعات لانها في نيويورك الجامعات تحت وزارة cuny وهذي متطلباتها شي خرافي ههههه بس لا تخافي كلو يهون
انا قعدت سنة اليين ما قبلوني و انا امريكي كل القصة و ما فيها انهم ما يطلو بدرجاتك كل ما يهمهم انك تعدي اختباراتهم
الله يوفقك و ياريت تديني اسماء الاختبارات عشان اقلك عنهم
و بالنسبة لجامعة اسهل في القبول احاول اشفلك بس يا ريت تديني ايش الجامعات المعترف بها لاني ما اعرف
و ايش التخصص و احاول افيدك ان شاء الله
بالتوفييييق

العفووو coolhabool
و الشكر لله ثم لك حبيبي, وانا في الخدمة لأي واااحد

POLYTECHNIC UNIVERSITY

ابي ادرس هندسه مدنيه بكالريوس

وين تقع هالجامعه

وهل يوجد معهد اول ماتخلص يدخلك الجامعه

ومتى اقرب وقت التسجيل فيه

السلام عليكم
اخوي coolhabool و فهااد شكراء باسمي واسم كل الطلاب الدارسين في نيويورك ع تفاعلكم ومساعدتكم

انا قادم لدراسه في معهد EC New york وهذا عنوانه 1450 Broadway
ودراستي تبدا في 8 نوفمبر يعني بعد شهر.
السوال اريد افضل منطقه للسكن قرب المعهد وتكون رخيصه وامنه وانا راح يجي معاي زوجتي وطفلتين. عندي مرتب البعثه فقط يعني ابي شي حلو ورخيص ههههه قاعد اتشرط. وهل اقدر احجز شقه وانا باقي في السعوديه او لازم اجي واسكن بهوتيل اللين اللاقي شقه

والشي الثاني: انا ماعرف انقليزي كويس كيف بيكون الوظع في المطار خايف والله من التعقيد وهل المعهد ممكن يستقبلنا.

ثالثا: كم لازم اجيب معاااي كاش اللين يبداء الصرف علينا من الملحقيه ومتى عادتنا يبداء الصرف من اول ماوصل او لازم انتظر شهر
رابعاء: وش افضل طريقه للمواصلات في هذا المنطقه.

خامسا: هل لازم اروح لواشنطن دي سي عشان افتح ملف في اللملحقيه بعدين اروح لنيويورك والا كيف

سادساا : وش افضل خط سير من الرياض الى نيويورك ومع اي خطوط

اتمنى مساعدتكم والله يكتب اجركم وتجمعنااا الدنياء ع خير
واسف ع الاطاااله

ولا يهمك اخوي
ارسلت لك ايميلي على الخاص ضيفني و اساعدك باللي اقدر عليه ان شاء الله
بالتوفيق

هلا والله وغلا اخوي السامر نيويورك بتنور بقدومك بجاوبك بلي اقدر علية,,

أولاً: معهدك اتوقع انه في منهاتن, ومنهاتن غااااالية جداً يعني لو تجيب راتبك وراتب عيالك وراتبي معكم ما تجيب شقة في برادواي او قريبة من هالشارع, والشي الثاني اتوقع انه ما تقدر تحجز من الرياض لانه لازم يشوفون الضمان المالي الي من الملحقية وكم شي ثاني يعني معقدين شوي, الله يعينك ع الفنادق و البحث عن شقة.

ثانياً: لا تشيل هم المطار ابداً يعني الامور كلها سهااااله ان شاء الله اهم شي انت عب الاوراق الي يعطونك في الطيارة وطق الابتسامة وكل شي يمشي تمام, انت راسل معهدك عن موضوع الاستقبال وهم يفيدونك, لو معي سيارة ابشر بالي يستقبلك ويعزمك في اليمن السعيييييد بس للأسف ما نستخدم الا الترين.

ثالثا: والله على حسب مصاريفك وسكنك؟؟ يعني جب معك 2500$ كاش وخل بطاقة الصراف ولا الفيزا جااااهزه, لان الملحقية ما يفتحون ملفك الا اذا ارسلت جميع اوراقك يعني يبيلهم مده حتى يفتحون ملفك و الله يعينك عليهم.

رابعا: الترررررررين فقط, لان التكاسي غاااااالية جداً, والسيارة يبيلها راتب لحالها لان كل شي بفلووووس المواقف الشوارع التأمين والبنزين الغاااالي.

خامسا: والله انا افضل وانصح انك تروح لواشنطن وتخلص منهم ولا تطلع من الملحقية الا والضمان المالي والتامين الصحي في يدك, بس تقدر تفتح ملف وانت بنيويورك بس تعب و غثى شوي.

سادسا: أفضل خط مع الخطوط السعودية لانه ما فية ولا وقفه على طول من الرياض لنيويورك والاسعار حلييوه.

أي شي تبيه احنا حاضريييين لك ولغيرك,,
بالتوفيق ان شاء الله للجميع.