لا تقربون معهد شارلوت ...اللهم قد بلغت اللهم فاشهد

والله انكم مكبرين الموضوع .. أنا ما حبيت ارد على هذا الموضوع الا لما اشوف هذا المعهد بنفسي وأتأكد من الكلام .. وما حبيت اعلق على ليندا إلا لما تدرسني ...

وهذا رأيي الشخصي //

1- المعهد مادي : نعم أنا أتفق معكم 100 % المعهد مادي جدا .. تخيلو اجار الغرفة الواحدة في سكن الطلاب 925 دولار و السكن عمره 150 سنة .. ومره قديم وسئ جدا و حمامات وانتم بكرامه مشتركه ... الله يعزكم بس .. و لا وفي تأمين جديد للخراب قيمته 100 دولار .. اخترعه الســـيد رودنــــي مدير المعهد المحترم مع التحية ...

2- المستوى الاكاديمي : مع الاسف الشديد أقل من الطموح .. مدرسين غير مؤهلين وانا اتفق معكم في هذا الشي .....

3- نجي للمدرسة (لينــــدا) وما أدراك ...
يوم كنت في السعودية كنت ارتجف وخايف منها وانا اقرأ الموضوع هذا .. واليوم وانا هنا في امريكا .. وبعد ما شفتها و بعد ما درستني بنفسها ,, عندي وجهة نظر مختلفة نوعا ما عنكم ..
ليندا متوحشة : نعم ... هي مدرسة جادة جدا وتتعامل معنا بجدية تامه .. وتعطي كل واحد حقه ..
ليندا واسلوبها في التدريس : مع احترامي لرأي الاعضاء .. بالنسبة لي شخصيا أنا احب الاسلوب الجاد في التدريس خصوصا وأن ليندا الان تدرس المستوى المتوسط ما قبل المتقدم .. ومادتها هي (ssp ) القرامر والقواعد .. اللي هي اهم مادة في الانجليزي ... وتتطلب هذا النوع من التعامل معها .. باختصار تخيل انك تدرس رياضيات او فيزياء أو كيمياء .. المادة تحتاج مذاكرة وتركيز ..

اخلاق ليندا :: بالنسبة لي شخصيا الحمدلله ما عندي اي مشكلة معها .. لكن اذكر موقف صار بينها و بين طالب كوري زميلي في الكلاس .. الرجال التحدث عنده صعب مره .. وهزئته من فوق لتحت الى ان خلت لون وجهه يقلب احمر ..

.................................

** الحاجة الاهم من كل شي ... واللي لابد اقولها واعترف فيها للكل :
اغلب الطلبه السعوديين بما فيهم انا :: بصراحه ما عطين الدراسة حقها من المذاكرة والتركيز .. مثال بسيط ,,

الطالب الكوري : تنتهي الكلاسات الساعة 3 الظهر ... يخرج من المعهد حامل الكتب على طول على المكتبة .. يذاكر .. و ما يرجع الا الساعه 11 أو 12 الليل اللي هو وقت اغلاق المكتبه .

الطالب السعودي : يخلص الكلاسات .. يطلع خارج المعهد يدخن .. وبعد كذا .. أما يطلع غرفته ينام أو على النت ,.,, وفي الليل يرجع مع اصحابه على المطعم عشا .. وبعد كذا يلعب بيلوت .. ويرجع يدخن ... وحط راسه ونام .. وكان عنده واجب جلس الصباح قبل لا تجي المدرسة وحل الواجب من زميله .!!!!!


يعني يا شباب .. قبل ما نلوم غيرنا خلونا نفكر بجد بأنفسنا .. مهما كان المعهد ضعيف
لا بد نهتم اكثر وهذا الكلام أقوله لنفسي أول ... يعني أنا اول ما وصلت انصدمت من مستوى الطلبه السعوديين معهد ELS أسهل معهد وموادهم مره سهل 3 ساعات مذاكره في اليوم تكفي انك تنجح .. ولو تبي تصير دافور .. يوميا من 3 الى 5 ساعات مذاكره تكفي ..


من واقع تجربيتي في هذا المعهد أنا أتفق تماما مع بعض الاعضاء الذين قالوا .. أنه لابد نفكر في التوفل بدل من شهادة ELS وهذا كلام منطقي وسليم 100 % وهذا اللي انا اشتغل عليه الان .. واللي افكر اعمله...

دمتم في رعاية الله وحفظه ..

والله يا شباب ماني قادر اتخيل اللي تقولونه
فرق كبير بين معهد elp في فيلادلفيا واللي انتم تقولونه
والله عندنامحترمين من جد وماذكر يوم طلبت مساعدة الا اخذتها
فاذا فكرتوا تنقلون لا يجي في بالكم غير هالمعهد
بس احذركم مستواه قوي يطورك والهوم ورك كثر شعر راسك بس مفيد جدا جدا وانا مرتاح ومبسوط
واحس اني امريكي لا عنصرية ولاهم يحزنون.

وما اقول الا لكم رب ما ينساكم بس ادعوا وحنا معاكم ان الله يفرج مشكلتكم.
قولوا امين ......................

وعليكم السلام جميعا

على طاري معاهد الـ ELS انا طالب اظطريت للنقل مؤخرا الى احد فروح هذه المعاهد في ولاية فلوريدا .. بصراحه المعهد جدا سيئ .. الغريب في الموضوع انه دام هالمعهد سيئ وش يجمع السعوديين فيه؟
تخيلوا ان اكثر من 90% من الطلاب سعوديين !! والعدد في ازدياد .. طيب ليش؟ ماندري
انا احمد الله اني وصلت لهالمعهد بعد تطوير لغتي .. ولغرض الحصول على قبول اكاديمي فقط لا أكثر .. والله يعين الجميع !

السبب طال عمرك ان مش الطلبه اللي اختارو هذا المعهد واتكلم هنا عن طلاب الدفعه الثانية اللي اختار المعهد هذا هي وزراة التعليم العالي لأن القبولات وصلت عن طريقهم .. والحاجة الثانية معاهد ELS اذا انهيت المستوى التاسع .. فيه جامعات امريكية كثيرة راح تقبلك ..

ولو اتكلم عن وضعي مثلا : انا ابتديت من المستوى الخامس .. واحسبها كل مستوى مدته شهر ,, معناها المفروض في ظرف 4 الى 5 شهور فقط اكون خلصت شي اسمه معهد ELS وانتقلت للجامعه وبكذا اكون كسبت وقت لا بأس فيه ..

عفوا ... لكن يا ليت تفكر في الموضوع من عدة نواحي
1- بالنسبة لمرحلة اللغة في الابتعاث الحد الادنى سنة كاملة .. وبالنسبة لي السنة في تعلم اساسيات اللغة فتره طويلة ..
2- مو معقول اضيع سنة او اكثر في تعلم اللغة في الوقت اللي الجامعه تعطيك مواد لغة انجليزية اصلا . وفي نفس الوقت مفتوح لك المجال لاختبار التوفل مثلا ..
3- انا لم اتكلم عن اللغة بشكل عام وعن طريقة اكتسابها او استخدامها ... انا اتكلم عن معهد ELS واسلوبهم في تعليم اللغة الانجليزية كلغة ثانية

اتمنى تفهم قصدي اخي الفاضل .. لأن كثير من الشباب هنا مو راضي يقتنع ان المشكله فيه ومو في المعاهد ... أهمال طول الدراسة .. واذا سقطو في الاختبارات النهائية قالوا العيب من المدرسين والمعهد .. وراحوا يغيرون المعهد بدون اي فائدة تذكر .. ويستمر نفس الحال ... ومن معهد لمعهد ومن ولاية لولاية واكثر من سنة وبعضهم سنتين ..وهم في المعهد ...!!!!!!

لو سمحتوا ابغى استشارة:
انا كنت محتار بين معهد ELS شارلوت وناشفال ولاية تينيسي
وبعد كلامكم الغيت شارلوت

ابي رايكم في معهد ELS اللي في مدينة Nashville ولاية Tennessee

اتمنى تفيدوني باسرع وقت وشكرا..........

امممممممم

وش رايكم في معهد سليب الا في بوسطن تبع جامعة بوسطن..

اتمنى تفيدوني