حالة ضياع .. ماجستير قانون

السلام عليكم
اخواني 22 مشاهده ولو في رد حتى بالنسبة للمنطقه ؟
انا بحاجه للمساعده
اتمنى شخص يساعدني

والله ياخوك كل الولايات فيها امان بس فيه بعضها نسبة الجرايم فيها عالي زي اتلانتا جورجيا بس انت خليك بعيد عن الداون تاون وتسلم

من ناحية التخصص ماعني خلفية صراحة

اما السكن ف تلاقي جامعات سكنها حلو ونظيف وبعضها مخيس الله لا يوريك بس الامان في سكن الجامعة عال ال عال
بس اذا تبغا لغة سريع سريع خليك مع عيلة افضل لك

والله الموفق

مرحبا
اغلب الولايات الشماليه الشرقيه امنه
مدينة بوسطن تتمتاز بالمواصلات والقطارات والباصات فلا تحتاجي لسياره
الجامعات التي تقدم LLM في بوسطن حدود 6 جامعات ان مقبول في واحد منها

يعيطيكم العافيه اخوي دكس واخوي ماجد
بس عندي سوال لاخوي دكس ... بالنسبه لكسن الجماعه عندهم صج في حفلات وشرب ؟
واخوي ماجد .. في موقع اقدر بحث فيه عن الجامعات الي تقدم تخصص ال llm + ولاية بوسطن ما تعتبر غالية و اغلا من فلايدلفيا ؟ بس هل اهيا أأمن ؟

هلا أختي

وعليكم السلام ورحمة الله وبركاته

بالنسبة لموضوعك أقدر أرد عليك من ناحية فيلادلفيا ولي موضوع كاتبه عنها من فترة تقدرين تدخلينه وتشوفين اللي فيه عن فيلي وأتمنى تلاقي فيه شي من اللي تدورين عليه وهذا رابط الموضوع

http://www.mbt3th.us/vb/forum39/thread200351.html


أما تخصصك موقع التعليم العالي عندكم ما يزودك بالتخصص وبالجامعات المعتمدة عندهم لأن فيه بعض الجامعات القوية تكون مو معترف فيها من قبل التعليم العالي فا انتبهي للنقطة هذي لأنها مهمة جداً عشان مايضيع تعبك وجهدك هباء منثوراً وحتى ما يصبك الإحباط.

وبالنسبة للسكن هذا امر راجع لك من ناحية السكن الجامعي ولكن فيه حاجات اقولها لك من خلال ما شفته بالسكن الجامعي.

الغرفة مترين ونصف في مترين ونصف تقريباً وبدون مبالغة + دورة المياة والكرامة لكم مشتركة + المطبخ مشترك + اي صوت برا الغرفة ينسمع بوضوح.

أما مجمع اللنكون جرين بنظام الكمباوند أنا ساكن فيه ومريح جداً وفيه نسبة عوائل كبيرة أو أغلب العوائل يفضلونه.
وفيه نظام سكيورتي وبوابة وبالليل تتسكر الساعة 11 بالليل تكون مسكرة والسكيورتي على الساعة على البوابة.

وإذا قررتي تجين أقدر اساعدك من ناحية السكن اذا حبيتي احجز لك فيه ما عندي مشكلة.


هذا اللي اقدر افيدك فيه من ناحية فيلادلفيا لأني متواجد فيها من قترة وبغيرها ما احب افتي من غير علم.



وبالله التوفيق،،






أخوك/
*عظيم الصمت*

انا ان شاء الله طالع ماستر وستفدت من هالمواقع كثير

هذا موقع يعطيك جميع جامعات امريكا حسب الولاية الي تقدم ماجستير القانون l.l.m
LLM GUIDE - Master of Laws (LL.M.) Programs Worldwide

وهذا موقع يعطيك ترتيب كليات القانون في امريكا
Law School 100 -- Ranking the Best Law Schools in the United States
و
Top 2010 Law School Rankings

عاد انتي حددي خياراتك من ناحية الولاية وبعدها شوفي الجامعات الي فيها والتخصص الي تبينه

اتمنى اني افدتك

السلام عليكم
صراحه اخوي عظيم الصمت و عبدالرحمن يزاكم الله الف خير
والي يقدر يتواصل معاي بالمسنجر لانه وااادي اسأله محيرتني يدزلي ايميله بالخاص
وشكرااااااا
واخوي عبدالرحمن انته تخصصك قانون ؟

ابعدي عن فلوريدا اذا تبين الامان
يعني نصيحة شيلها من القائمة اذا كانت لديك
هذا الشىء الوحيد الي اعرفه بامريكا

ما قصرت يالغالي ..