معاناتي باكمال البعثة او جلوسي بالسعودية والعودة للعمل

هذي فرصة كبيرة وانا اخوك ... لا تضيعها من يدك ...
اعرف ان الغربة صعبة لكن صدقني راح تتعب كم سنه لكن بعدها راح ترتاح طوووووووول عمرك ...
بالتوفيق ...

اخي العزيز

نعم الغربة صعبة ولكن انا اخوك مقعد ومبتعث بامريكا الهمة وانا اخوك وطلب العلم فوق كل شي توكل على الله والعلم ما فيه ندم وانت را ترجع هنا بر اتب ومميزات وترتاح بس انت انس المنغصات

الهمة لله درك والله انا في نعمة ولا هناك غربة تتواصل مع اهل اي وقت تبي وبرنامج الابتعاث ما خلى قرية ولا ريف بامريكا الا وفيه طلاب سعوديين

ارجع وانادي دع عنك الخزعبلات وارفع همتك وحدد طوحك

ابشرك بكرسي والامور زينة توكل على الله واحسن علاقتك به واستخيار والله يدلك على الخير

موفق خير ان شاء الله

احترامي لردك اللي يخليك تشعر با السعاده والتفائل في الحياة وصحيح الطموح ماله حدود

اتمنى لك التوفيق في حياتك

اخوي


صدقني الاهل والاحباب وكل شي في تراب السعودية غالية بس حطها في بالك


خلي تفكيرك بعيد لو احد قالك تبي تعيش اقطف التمر من النخلة اكيد راح ترقى عشان تقطفها واذا انت تبي العيش والزرق ادرس واجتهد

الوقت يمشي ما يعرف وقف ولا لحظة

انت لو رجعت للسعودية راتبك 5000 ريال بعد اربع سنوات كم بيصير اكيد ما يتعدى 7000 الاف ريال


طيب اذا جلست بالدراسة بامريكا وخلصت 5 سنوات اذا جيت السعودية كم بيكون راتبك وكيف بتكون عيشتك


اكيد بتكون مرتاح


خلاصة الكلام انت رجال وعقلك براسك والرجال يتحمل المتاعب

يا تروح عند اهلك وتجلس عندهم وراتبك 5000 ريال لا زواج واذا زواج اكيد بديون والتطور الوظيفي والمادي بسيط

او تجلس بامريكا وتكمل الدراسة وكل شي لاحق عليه وماتدري وش الخيره فيه واذا خلصت الدراسة الراتب والمعيشة حلوه



نصيحتي حطها في بالك بالدنيا هذي فيها كلمتين بس (( يا أكون او لآ اكون )) اختر اللي انت تبيه يكون مصيرك وهي راح تكون دائمة في حياتك ...

اصلا مايبيلها تفكير طبعا ترجع وتكمل دراستك وبتكون سنوات دراستك احلى ايام عمرك واحلى ذكريات وع فكره الايام تمر بسرعه وتركض وبتلقى نفسك راجع وشهادتك معك وبتقول صدق الايام راحت بسرعه وتذكر كلامي هذا وبتذكر انه احسن قرار بحياتك


مووووووووووووووووووووفق

الله يسعدك أحس اعطيتني امل كبير في كل اموري اللي اشوفها بنظرة يأس
وياصاحب الموضوع انت لاحق على جلسة الاهل والرجعه
اهم شي اشتغل لمستقبلك افضلك

عليكم السلام ورحمة الله وبركاته

اخوي تذكر وضعك قبل مايتم إلحاقك كيف كنت تتمنى تصير رسمي ويمشي وضعك كطالب مبتعث من الحكومة !
أنا راح أقولك لاتخلي الثنتين .. قدم على إجازة بدون راتب من عملك .. ورح انت بعد في أول حياتك وخفيف تقدر "تنقز" تدرس وترجع وبنفس الوقت لاقدر الله وحصل ظرف وظيفتك موجودة تقدر تقطع اجازتك وترجع
هذا شوري
ولكن المهم انت تقول لك 3 شهور .. صدقني هذي فترة مو بسيطة أبداً .. ثلاث شهور وأنت معلق هذي اسمها معاناة نفسية
أياً كان قرارك اتخذه إما الجلوس أو السفر ..لا تتعلق وتعلق نفسك عالفاضي
وتذكر الاستخارة دائماً وأبدا
بالتوفيق

---------------------------------
الله يوفقك وييسر لك آمورك مررره ردك يشجع ،،،
آحيان الواحد من جدددد مع الغربه والدراسة يحس إن الدنيا ضاقت عليه
بس هذي فرررصة حلوه الواحد لازم يستغلها ويعيشها بكل لحظاتها
وبالنهايه آخوي كاتب الموضوع صدقني زي ماقال الآخوان بتخلص وترجع السعودية وتسير ذكريات حلوة بحياتك
لو قدرت تاخذ اجازه بدون مرتب عشان بس يخف الخوف ممتاز ولو ماقدرت آنا برآيي فرصة ماتتعوض
وإنت استخير والله يكتب إللي فيه الخير

ياسيدي ترى انت صعبت الامور على نفسك بجلستك الطويلة هذي وصدقني الغربة صعبة على الجميع ولكن ياسيدي بنات تحملو الغربة مو عاد انت ماشاء الله عليك رجل لو حاسس بغربة وتعبان ليه ماتتزوج على القل بتحس ان معاك احد يتفقدك ويهتم فيك وكمان حصن نفسك كويس الناس ماتعطي خير ابدا ....وصدقني ال5 الاف الي عاجبتك الان هي نعمة ولله الحمد بس مادام تقدر تحسنها وتدبلها بشهادة افضل ليه لا ..حتظل طول عمرك تتفتكر انك كان بيدك فرصة وضيعتها
ياسيدي البعثة حلم الجميع وانا قد جربت الغربة واعلم كم هي قاتلة في البداية تروق لك الامور وتشعر بالتجديد ثم تخنقك الحياة المادية وتشعر بالحنين للآذان والصلاة والدين والاهل
استخير الله وسافر وصدقني لو البعثة نصيبك بتكمل وتضحك على هذي الايام ...وفكر جديا بموضوع الزواج ...طبعا ماعندي عروسة هههههه