University of central Florida

هههههههههه وش يعرفني !!! اليوزر بإسم امل وتبيني اقولك (( اخوك )) . !!
بصراحة بالنسبة للبكالوريوس ما عندي علم والله .. لكن برأيي اطرح سؤالك في حساب النادي السعودي ب UCF عالفيس بوك وراح يجاوبونك الشباب هناك ان شاء ﷲ

هههههه استوليت على اليوزر >>> فيه عرق سوداني عجزان يسوي له يوزر


لاني كلمت واحد من ربعي في امريكا يجيب لنا منهم قبول مشروط والشغلة طولت ويقول انهم يسفطونه ومايردون عليه
وانا مادري يانه هو موعارف لهم ولا هم فعلا معقدين وتعاملهم بطيء ،، المهم طفشت وتركت الموضوع وجبت قبول من جامعه بولاية
ثانيه

بس اتوقع ان فلوريدا بشكل عام جامعاتها قبولهم فيه تعقيد وشروط
وحت دراستهم صعبة نوعا ما بالنسبة لباقي امريكا

بالعكس .. حسب ما سمعت من واحد من الشباب يدرس هناك الحين ... ان الجامعة مرة متعاونه ومتفهمين كثير .. واعضاء التدريس من ابدع ما يكون !!
اذا لغتك كويسه ارسل لإيميلهم واسألهم اذا عندهم قبول مشروط للبكالوريوس .. راح يردون عليك بنفس اليوم ان شاء ﷲ بدون ما تتعب خويك يا اخووووووووي هههههه

بصراحة طفشت من شغلة القبول الجامعي لي اكثر من شهرين ومشغل لي اثنين من اخوياي في امريكا يجيبون لي قبول ولا جاني شي
كل واحد تطلع له مشكله ، مادري المشكلة منهم هم ولا الجامعات معقدينها او مهملين في التعامل مع الطلبات
بأجلها لمن اطلع امريكا واجيب القبول بنفسي او بروح لي مكتب واتحمل مغثته ونصبه ومشاكله بشرط انه يجيب لي قبول مشروط باسرع وقت ويريحنا من هذا المرض الي اسمه قبول جامعي ،، غير كذا مافي فايدة

انا الحين ابي قبول وبس انشالله من جامعة في الاسكا بس عشان افك عمري من طلبات الوزارة عشان فتح الملف
انا غلطت غلطة المفروض اول شي اسويه مكلم لي اكثر من واحد ومكتب عشان اجيب اكثر من قبول
حت اذا ماضبط هذا يضبط ذاك ،،، نفس شغل اول ايام المرحلة الاولى لبرنامج خادم الحرمين الشريفين اول مافتحت البعثات

74 aml انت وضعك نفس وضعي واخرتها بسوي زيك اكلم مكتب واتحمل نصبه بس يجيب لي قبول ماستر لأن اكتشفت ان قبول الماستر معقد جدا خاصه للي معدله اقل من 3.. والوزارة اللي يهديها مايحق لك تفتح ملف دراسة الا اوراقك كلها جاهزه .. انا حاب اسئلك واسئل الاخوان عن معهد اللغة لهالجامعة كيف ممتاز او عادي وهل راح استفيد باللغة اذا درست فيه !؟

اكيد الماستر صعب حصول القبول عليه والله يعينك

افضل شي اذا خططت تدرس في الخارج حط حسابك على مالايقل عن ٧ شهور للبحث والحصول على القبولات والفيزا

حسب توصية وزارة الخارجية الامريكية ان اذا تبي تدرس في امريكا ابدأ قبلها بسنة وراسل لك مالايقل عن ٥ الى ١٠ جامعات
وطبعا الماستر اصعب من الباكلور

الحقيقه ان المشكلة هنا سببها الرئيسي قوانين الوزارة مع احترامي لهم الي هي قوانين
غير منطقيه والي بكل صراحة مافي فايدة منها لا لهم ولا للطالب

لايوجد سبب مفهوم لاصرارهم على انك توفر هذي الطلبات وتفتح بهم الملف قبل ماتسافر
كذا تصير القوانين غاية لذاتها وليست طريقة للوصول للشي المطلوب

وهذا شي مستغرب على وزارة يفترض ان كوادرها والقائمين عليها دكاترة واكادميين ولهم باع وتجارب في هذي المواضيع
خصوصا ان اكثرهم خريجين جامعات امريكيه واوربية ومعايشين هناك النظام والتحضر وايضا
شافو بعينهم المشقة والتكاليف اللي يعانيها الطلاب

السلام عليكم

شباب انا عندي سؤالين اللي عنده معلومه يفيدني الله لا يهينكم

السؤال الاول عن معهد الجامعه شغله ممتاز ولا يسلكون لك ومالدينه بعد كيف امورها ؟

السؤال الثاني انا عندي قبول ماستر في جامعه ميدل تنسي ستيت مشروط والمعهد حقه متكدس ولا جبت فيه قبول والمعاهد اللي حوله لك عليها واحد منها قبوله متأخر وكنسلتهم
لو اجيب قبول بمعهد سنترل فلوريدا وقبولي بجامعه برى الولايه الملحقيه بتاخذ اوراقي واصف سرا مع اللي يبون ابتعاث ولا يشرطون المعهد من نفس الولايه ؟


وشكرا