أفيدوني بأفضل معهد مع ذكر المدينة لدراسة اللغة في فلوريدا ..

والله احترت الناس يقولون ماراح تستفيدون بميامي شرايكم بس بهذي النقطة

هل ابستفيد باللغة في ميامي ؟ أو لا؟

انا موجود حاليا في فورت لدرديل بينها وبين ميامي عشر دقايق بالسياره بس وقريت عن هنا الوضع غير امن ولكن لمى جيت
ساكن الحمد لله مع زوجتي وطفله والوضع امان جدا اوليومين كنت متخوف من الكلام بس الحين تعودت على الوضع والكن قريب جدا
لكن المعهد ماانصح فيه لذلك انا قررت اغير المعهد ومن خلال بحثي شفت جاكسن فيل جدا ممتازه حتى المعهد اللي فيه بس بقى اتأكد
اكلم احد هناك واوشف ايش يقول على الوضع وايش العيوب والمميزات لانه انا هنا يهمني التعليم والامان والمستوى المعيشي والشعب بحيث يكونو فرندلي

زملائي و زميلاتي (هوى المحبة كنت احسبك بنت بس شكلك طلعت رجال ما شاء الله) اول شي الواحد لما يكتب رد يحاول يبني على تجربه و يحاول يكون محايد و غير متحيز على شان تعم الفايدة للجميع. انا اعطي رأيي بناءً على رأي شخصي و تجربة شخصية يعني ممكن احد يخالفني الرأي و هذا شي متاح و كل واحد يدلي بدلوهه على قولتهم.

هوى المحبة : اذا انت تسال عن الموقع المعهد فاا المعهد يقع بمنطقة حلوه و راقية و تتسم بالهدوء بشكل عام. نعم اذا اعطوك قبول بالجامعة ما راح تحتاج اختبار توفل ولا شي بس تعدي المستوى الخامس وتدخل او اذا تبي تقدر تختبر التوفل سوا النسخة الخاصة بالجامعة او النسخة التجارية. الدوام على حسب خبري كان من 9 الصباح لين 3 المساء اذا انا مو واهم و عندك بريك ساعة للغداء. هذي ما اذكر والله بس اتوقع كانت gramer , conversation, vocabulary يمكن انا مخطي لاني ناسي والله.

ديم1 : احس ميامي ما تناسبك لاسباب راح اذكرها و انتي اتخذي قرارك بنفسك على شان ترتاحين و احب اقولك شي وين ما تروحين راح تستفيدين بأذن الله. اول شي انتي جاية على حسابك ودي اسالك سوال هل انتي جاية تبين ضم للبعثة ولا جاية دراسة اللغة و الترفية ؟ اذا لغة و ترفية تعالي ميامي(على فكرة ميامي مدينة المعيشة فيها متوسطة مائلة للغلاء), اذا لا روحي مدن ارخص على شان تكفيك فلوسك مده اطول و تكوني مرتاحه لين يجي الضم بأذن الله لان حتى اسعار المعاهد في ميامي غالية. انتي جاية انتي و زوجك راح تحتاجون شقة غرفة نوم وحده و اقل سعر لشقة مقبولة راح تكون بالف دولار بالشهر, اذا بتسكنين انتي و زوجك مع عائلة ممكن يكون لها ترتيب اخر ما اعرف صراحه. معهد جامعة ميامي من وجهه نظري ممتاز لكن حطي بعين الاعتبار ان قسط المعهد غالي جدا اذا على حسابك. اذا العائلة تتكلم لغة انجليزية و انتي تكوني مرتاحة معهم راح تكون فيه فائدة كبيره ان شاء الله بس في ناس تسكن مع عوائل ما ترتاح معهم فماا تخالطهم ولا يستفيدون(يجب نحط في عين الاعتبار ان العوائل هذي تنظر لك منظور تجاري يعني هوما زي الاوتيل الي يأجر لك شقة المكان يناسبك اسكن المكان ما يناسبك رح و يجي غيرك انت جاي تتعلم لغة و جاي تمارسها و تستفيد روح كون لك صداقات و مارس اللغة مع اصدقائك لانه مو معنى انت ساكن عندي انت صديق لكن في عوائل طيبه و تحب تفيد و تساعد فاا الله يعينك تدورين على عائلة تناسبك و لما تلقين لا تتركينهم, بالنسبة انهم يتكلموا انجليزي او لا ترى فيه عوائل كوبيه في ميامي ما تتكلم انجليزي و تسكن طلاب عنها للفائده المادية بس). احب اذكر وين ما تروحي ان شاء الله راح تستفيدي بس خالطي الناس.

mj331 : تذكر الي ما يناسبك ممكن يناسب غيرك و اذا انت تبي مدينة فيها ترفيه ليه رحت ديتونا ؟

لولوة عمور : قريت ردك مرتين ما اعرف كيف بنيتي رأيك لكن ميامي ما تفرق كثير عن اولاندو بوجهه نظر شخصية. انا لما قلت متحرره نقطة معروفه عن المدن الساحلية الدافئه بس انتي حكمتي عليها من غير ما تجينها فاا احب اوجه لك دعوه لزيارتها و اقولك الي ما يناسبك ممكن يناسب غيرك. المدينة امان بشكل عام ما فيها مشاكل و العصابات على شان ارد عليك رد منطقي انتي ما تشكلي لهم هدف مغري ابدا من جميع النواحي للعلم فقط.

ارجوا ان الرد كان كافي و اذا ما كان كافي بلغوني

أنا أبي لغة .. ويمكن ترفية ,, حاليا ماافكر بالترفيه ,, بس يمكن اذا جت السفرة وحسيت بالغربة يمكن يصير ودي ترفية عشان مايضيق صدري واجد

والضم للبعثة يمكن انضم للبعثة عشان المكافاءة بس دراسة الجامعة مااتوقع وأنا أقدر أنضم أن شاء لله للبعثة ..

تتوقع اذا جبت قبول للجامعة وبعدين اخذت التوفل وغيرت رأيي وقلت برجع للسعودية ماابي اكمل ماستر يصير شيء ؟؟يعني غرامة أو شيء كبير ؟؟

يعني بغض النظر عن الفلوس نبي نقدر نستفيد من دراسة اللغة في ميامي ؟

شكرا لهتمامك بس لحد الحين مو عارف جامعة ميامي ايش تكون لانه دخلت على موقع الوزاره منطقه ميامي
جامعه وحده المعترف فيها وميامي شورت جامعه وعده اقدر اعرف اسم الجامعه بالزبط وهل هلي في ميامي
او شور ميامي فيدنا بها النقطه وياليت موقعها على النت وشكرا

ديم1 : ماني فاهمك والله شوي انتي ما تبين مدينة غالية و التكاليف و الفلوس تشكل لك عنصر اساسي عندك و شوي الفلوس مو مهمه, اثبتي على رأي على شان اعرف ارد عليك و افيدك. تقدرين تنضمين الله يقويك و يوفقك. سوالك الاول وجهيه لواحد يشتغل بالملحقية انا ما اقدر افيدك. سوالك الثاني جاوبتك فيه بالرد الاول و الرد الثاني و الثالث و الحين بجاوبك نفس الجواب والله ما راح يتغير, الفائدة موجوده في كل مكان بس فيه اماكن ممكن تستفيدي بشكل اكبر ايه جائز. بعطيك مثال بسيط انتي لو تدرسين لغه في معهد بالسعوديه و تشدين حيلك بتتحسني تحسن ملحوظ و انتي في دولة لغتها الاولى عربي و تخالطين نفس مجتمعك, طيب هل استفدتي لما درستي بالسعودية؟ ايه واضحه الاستفادة, طيب هل فيه اماكن ممكن لو رايحه لها تستفيدي بشكل اكبر؟ ايه موجود. يا رب يكون هذا الجواب, ترى انا ما اقدر اختار لك المدينة.

هوى المحبة : ميامي فيها جامعات كثير بس الجامعات الي اعرف انو فيها سعوديين مبتعثين هي الجامعات التالية
barry university
Florida International University
University of Miami و هذي الي انا اقصد.

معليش يمكن ما وضحت بكلامي آسفه

أنا أقصد فلوس المعهد محلولة عندي بس فلوس السكن ما ودي تكون موازية للمكافاة لو انضميت

معليش انا الغلطانه ماوضحت من ناحية الفلوس لان أمس بليل أرد ونصي نوم

انا كلمت معهد يجيب لي قبول في هذي الجامعه (جامعة ميامي )

قالو مانتعامل مع هذي الجامعة ؟

هل اروح مكتب ثاني

أو أغير المعهد ؟؟

أيش رايك

ديم1 : وضحت نقطة اسعار السكن لك قبل كذا, اذا انتي تبين تجين معهد جامعة ميامي انا اجيب لك القبول لا تشيلين همه, اذا تبين تروحين معهد ثاني براحتك بس انا نصحت بالمعهد هذا بواقع تجربة. للعلم ميامي بشكل خاص و امريكا بشكل عام تحتاج سيارة.

لولوة عمور : اشكرك على ردك و اعتذر عن سوء الفهم اذا وجد. اكيد من حق كل شخص يخاف على نفسه و اهله لكن للتنبية حنى مو هدف للعصابات. بالنسبة للاجرام و المجرمين ميامي امان بشكل عام خصوصا المناطق الراقية. بالنسبة للتحرر (انا ما راح اقول تحرر زايد) ما اشوف انه في اختلاف كبير عن باقي مدن امريكا الكبيرة بالنسبة للبس و لانها دافئه اكثر شهور السنة هذا يخلي اهلها يلبسون ملابس صيفيه في فصل الشتاء.

ايه الله يعافيك ابي قبول لي انا وزوجي

يعني اقول للمكتب خلاص ماابي قبول معهد ؟؟ أعتمد عليك ؟؟

وبسالك خلال كم يكون القبول عندي

شكرا جزيلا ..