أفيدوني بأفضل معهد مع ذكر المدينة لدراسة اللغة في فلوريدا ..

انا عايش في ميامي. اذا انتي تفكرين تجين على ميامي تعالي ادرسي في "معهد جامعة ميامي" انا برأيي انه افضل معهد لغة في ميامي بشكل عام. طيب الحين اعطيك شوي معلومات عن ميامي. اول شي ميامي اكثر ناسها من لاتن اميركا فاا اللغة الدارجه هنا هي اللغة الاسبانية و ممكن تصادفين ناس ما يتكلموا الا اسباني مع الاسف بس مو كثير. الشي الثاني ميامي مدينة جوها جداً معتدل على مدار السنه اعلى درجة حراره توصل 39 في الصيف و اقل ما توصل 10 في الشتاء يعني مره مناسبة. الشي الثالث ميامي مدينة سياحية و كبيرة و مترابطة يعني ممكن تناسب عوايل بس في تصوري انه في مدن اخرى اكثر تحفظ من ميامي فاا ممكن تكون احسن للعوائل لان ميامي مدينة متحرره بشكل عام. المعيشة فيها متوسطة مائلة للغلاء لكن فيها كل الخيارات الي تبين بالنسبة للسكن يعني ما راح تنجبرين بس ممكن تدفعين اكثر. و يا عزيزتي المحادثة بالاختلاط اختلطي مع ناس تتعلمين و تتحسنن بتجلسين تختلطين مع عرب و تتكلمين عربي ما راح تتعلمين بس.

شكرا أخوي ..

أنا كنت أفكر كثير بميامي .. لكن الناس كثير يقولون ماراح تستفيدين لانهم اسبان

وسمعت ان السكن يوازي المكافاة كاملة

وفكرت بديتونا بيتش


وومكن توضح كيف متحرره المدينة ؟؟ يعني هل تتوقع يمكن ماتناسبنا ؟

أنا لازم أقرر هاليومين ياريت تساعدني

وانت كم لك في ميامي ؟ وهل استفدت ؟

قلت لك اللغة الاسبانية هي اللغة الدارجة بس يتكلموا انجليزي بس ممكن في حالات تتقابلي مع احد ما يتكلم انجليزي و هذا محدود مثل ما قلت لك. موضوع انك ما راح تستفيدي هذا كلام غلط بس ممكن في اماكن ثانية تستفيدي بشكل اكبر اتوقع ايه. السكن جاوبي على اسالتي و اعلمك وضع السكن انتي جايه بعثه ولا على حسابك ؟ و انتي عائلة ولا لحالك ؟ كم عددكم اذا عائلة على شان اعرف كم غرفه تحتاجي. متحرره انها مدينة ساحلية و دافئة اقصد اللبس بس هذا مو شي كبير مره نقطة حبيت اقولها و هي في كل مدن فلوريدا اتوقع, و ترى في عوائل سعودية مع اطفالهم عايشين في ميامي و يطلعون و زوجاتهم يلبسوا حجاب و يتغطوا بعد. تناسبك او لا ما ادري عنك ما اعرف معاييرك. ديتونا بيتش ما عندي معلومات عنها صراحه جيتها مره زمان و جلست فيها يومين بس.

انا ارشحلك اورلاندو في معهد جامعة وسط فلوريدا ومدة الدراسة فيه سنه زي ما انت حابه
والمدينه بشكل عام الكل يمدحها من جميع النواحي
بالتوفيق لي ولك يارب

انا موجود في فورت لدر ديل وهم نفس الشي اسبان لكن ماارشحها لاني ناوي افكر اغير الى جاكسن فيل قريت عنها بس لسى السؤال عنها قائم

زميلاتي احب اقول شي ولاية فلوريدا كل ما اتجهنا شمال كل ما زادوا البيض و قلوا اللاتينو و زادت العنصرية لان فلوريدا تعتبر ولاية جنوبية و الولايات الجنوبية معروفة بالعنصرية و العنصرية تاخذ اشكال ابسطها التجاهل او الرد برد غير طيب و اشدها التعرض للعنف و القتل فاا كويس انو انتم تسالوا عن المدن الي انتم رايحين لها و لما تسكنوا في اي مدينة مهما كانت امنة و ما فيها عنصرية او العنصرية فيها ما تشكل ظاهره الا ما يصير فيها مشاكل و يكون فيها ناس عنصريين على شان كذا الواحد يسكن في الاماكن الامنة و يحاول ينتقي الناس الي يسالهم او يتعامل معهم. على فكر مدينة جاكسنفيل هي المدينة الي فيها القس الجاهل عدو الاسلام و المسلمين الي هدد بحرق القران بذكرى احداث 01 لكن ما عندي معلومات عنها اقدر افيدك فيها مع الاسف.

ممكن تفيدنا بموقع جامعة ميامي والدراسه باللغه الانجليزيه هل بعد ماتخلص كذا مستوى تقدر تنضم الى الجامعه
ام كيف وكم ساعه في اليوم الدراسه وايش الحصص يعني
gramer , speking , conversation, lisining , vocabulary ,writing

فيدنا اكثر

أنا بجي على حسابي

حنا عائلة مكونة من شخصين أنا وزوجي فقط

حسابي بيكون بحدود المكافئة

وانت رايك أدرس في معهد جامعة ميامي ؟

وانت ماجاوبتني على اسئلتي

انت كم لك واستفدت او لا ؟

وايش رايك بالسكن مع عائلة ؟

نصيحه من قلب
لاحد يجي على ديتونا بيش بتكره نفسك واليوم الي اتولت فيه المدينه ملل مررررررررررررررره وتحس ان المدينه عليها غضب انا لي 6 شهور
فيها واحس اني بتجنن لا واعرف طلاب كثيير جاتهم حالات نفسيه والله وهي مافيها غير معهد واحد تابع لجامعه امبري ريدل