قرۈب ڷطڷآب مَڊِينة ۈيڷگِڛ ..PA..

مساء الخير لكل طلبة ويلكس
في البداية ارحب فيكم واقول لكم الله يحيكم في البرد والتلج
انا مرافق مع زوجتي وزوجتي قبولها في جامعة سكرانتن تبعد عن ويلكس 20 دقيقه بالسياره وانا باقيلي التوفل واكون معاكم في ويلكس
طبعا احنا ناقلين من ولاية تانيه اسمها ديلاوير بس اعرف معلومات كتير عن ويلكس وسكرانتن
في البدايه السكن يعتبر السهل الممتنع بسبب قلة المجمعات هناك وكثرة الطلبة...يعني اول ماتلاقي شي عجبك امسك فيه.
في مطعم اردني في ويلكس ومطعم لبناني في سكرانتن
في بقاله عربيه في ويلكس
في مسجد في ويلكس ومسجد صغير في سكرانتن
سكرانتن تعتبر بلد جبليه ويلكس تعتبر اوديه
المناظر الطبيعيه جدا رائعه فيهم مع قلة الحركه في المدينتين
في عدد طيب من الطلبه السعودين
واللي يبغى اي استفسار انا جاهز بس رجاء حار لحد يسأل عن اي تخصص يدخل على موقع الجامعه ويشوف
لكن اللي بيسأل عن سكن او اسواق او اي شي انا جاهز

الله يحيك اخويه emperor في ويلكس
اولا السكن في ويلكس متوسط السعر يعني تلاقي من 700 الى 1200 حسب عدد الغرف والمجمعات الموجوده.
الجو في الصيف يكون معتدل ماعندهم حراره بس مايكون جدا بارد
وعدد الطلاب السعودين طيب يعني ممكن يتعدى ال50 مابين ويلكس وسكرانتن
واتمنى اكون افدتك.

أخويه saar ارحب فيك في ويلكس
ولاتخاف في مجموعه كبيره بتدرس في الجامعه سواء بكلوريوس او ماجستير
يعني اول ماتوصل حتلاقي اجابات ...وأقلها في مشرف على النادي السعودي ممكن تتواصل معاه ويعطيك كل اللي تبغاه...لأاتشيل هم.
وبالنسبه للاسعار تعتبر من متوسطه لعاديه...يعني مافيها الغلاء الفاحش ولا تعتبر ولايه رخيصه زي اوهايو مثلا....يعني من متوسطه الى اقل من المتوسط...يعني اسعارها مريحه بالنسبه لنا كمبتعثين.
والله يوفقك انشاء الله