قرۈب ڷطڷآب مَڊِينة ۈيڷگِڛ ..PA..

ههههه
الجوكر ترا اول مرة لما كتبت مادري شصار ورجعت كتبته مرة ثانية وانصدمت الحين لما شفته
سوون الحمد لله ع السلامة وعقبالنا

والله سالفة هالقبولات الحين اللي عطونا حق المعهد ولا الجامعة ولا اثنينهم سواا
ياويلي ياويلي الله يعينا ع الموت وما بعد الموت << شالسالفة ؟؟!..

فاطمة المفروض انها للمعهد والجامعة سوا

انا ماقدر أضمن لك 100% إلا ادا رسلتي لي صور من قبولك عشان أقراهم أتأكد<<أو يكفي الآي تويني الصفحة الأولى تشوفي مدة الدراسة المكتوبة 5 سنين أو كم بالضبط

وقهرتيني على سالفة عيد ميلادك :@
توك منتبهه يا عبقرية زمانك :@

أنا لم طلعت شهادتي الثانوية قعت أقراها حرف حرف ورقم رقم عشان أتأكد انها سليمة تماماً وأكثر من مرة
وكان فيها غلط سخيف جداً في رقم من أرقام تاريخ عيد ميلادي
طلعوا ليي بدلها في 10 دقايق من مبناهم في الدمام
لكن انتي الحين شوفي وين شهادتك يا دكية آآآآآآآآآآآآآآآآه والله قهرتيني هالأشياء ماياخدوها قبل مايقروها ألف مرة مباشرة بعد استلامها

الله يعينك بس وان شاء الله سهالات


ومفروض قشعريرة هي الي تستلموها بالبيض مو انا <<لأن سالفة هالبيض ماجت الا لانها مرة قالت (أعتقد في الخاص) إن حتى البيض ماتعرف تسويه لووووووووووول<<فضحتها مسكينة وين توني وجها (نصيحة تعلمي بيض وسافري عشان ماحد يقدر يعرفك هناك)


سوون
الحمد لله على السلامة مانا مصدق انك سافرت وحشتنا لوووووووووووول
طيب سعر الفندق في الليلة؟؟
أو بالأصح كم كلفك الجلسة في واشنطن مدة ليلة؟؟
وإدا ممكن اجرائات المطار بتفصيل أكثر!!

وهل الملحقية استقبلتك ولا وش صار وياك؟؟



شخصياً ماشتركت في قروب مضر بلا أسباب

وصحيح وين قشعريرة لا يكون احد زعلها :@


وإلي قال انه يجيب قبولات نبشره
كلنا بكلريوس ومافي أسهل من جيبة قبول بكلريوس أسهل من شرب الماي
أما ادا انضم لينا ماجستير فممكن اي

مستعجل لستاد جايني الحين

بالتوفيق شباب

يسلموو الي ردوا علي بخصوص موضوعي مع الآيفون >> ونعم القرووب المتعاون
تسلمون واجد

اهلين ،
انا الحين في الرياض >>> سياحه داخليه


ما ادري ويش سالفه القروب و الله كان شغال تمااام


لي عووده ،،،

aljokar

الله يسلمك .. اي و الله ثلج .. الله يعيين بس
لا ماراح اغيره عاجبني كذا ... ابغيره بعد التخرج ان شاء الله ...

musicm7

الله يسلمك ..
هههههههههه و الله وصار لي وحشه

سعر الفندق .. ناسي كم رجع لي بس اعتقد بحدود الـ 70 دولار ..
اجراءات المطار ..
اول ماتوصل الطياره بالسلامه .. بيكون فيه موظف بيقول اللي بيدخل واشنطن يركب الباص و اللي ترانزيت يروح من هنا .. عاد انت اركب الباص مع العالم ..
اذا وصل الباص .. بيكون فيه درج تنزل تحت .. طبعاً فيه لوحه يعلمك مكان ختم الجوازات ..
اذا كان زحمه بيكون فيه موظفين المطار يرتبون الطوابير .. اذا جاء دورك
بتروح لموظف الجوازات و تعطيه جوازك و الـ I-20 و I-94 و ورقه زرقاء يعطونك اياها مع الـ I-94 بالطياره .. و بيسألك اول مره تدخل امريكا ولا جاي من قبل .. بتقوله انها اول مره .. بيعطيك جوازك و بيقولك رح للشباك رقم كذا و تروح للشباك و تعطيه الاوراق و بيقولك اجلس هناك فيه كراسي .. راح يدخل بياناتك و بعدها بيناديك و بيطلب منك تحط اصابعك على جهاز البصمه و بيقولك اوقف قدام الكاميرا .. و بعدها ويلكم ... بتاخذ شنطتك و تروح للبوابه اللي مكتوب عليها Exit .. و بيستقبلك واحد مصري معاه لوحه مكتوب فيها الملحقيه الثقافيه السعوديه عطانا ارواق نعبيها .. قالنا اللي مبتعث و اللي طالع على حسابه ومعاه امر اركاب بناخذ اوراقه اليوم .. و اللي طالع على حسابه و ما معاه امر اركاب بكرا ...
اللي مبتعث و اللي طالع على حسابه و معاه امر اركاب بتجي الملحقيه للفندق الساعه 12 الظهر مايحتاج انه يروح للملحقيه
و اللي طالع على حسابه و ما معاه امر اركاب يكون متواجد عند بوابة الفندق الساعه 8:30 و بيجي باص يوديه للملحقيه ..

هذا كل شي حتى الان ..
مراسلكم من واشنطن S o o N

Fatimah Al-saeed

الله يسلمك ..

عقبالكم ان شاء الله

sooooooooon
والله ماقصرت يسلموا على التفاصيل<<هذا الي كنت أحتاجه
جزاك الرحمن ألف خير ان شاء الله ويارب قريب تبشرنا بانضمامك للبعثة


شباب/بنات
http://www.mbt3th.us/vb/forum134/thread246924.html

باراسل صاحب الموضوع بكرة بطلب منه تفاصيل اكثر لووول
وباوصيه ادا وصل واشنطن يعطينا تفاصيل عن الي نحتاجه بالضبط والي بصير معانا ان شاء الله


يالله موفقين
ولا تقطعنا soon وتقول مشغول<<انتبه لدراستك ولا تشغل نفسك فينا لكن على الاقل عطينا أب ديت كل كم يوم

حبذا لو تحط لينا صور لووووووووول
ولو بعد تمر على الفندق العزيز رامادا ودي أشوف حالته الصحية هع هع
وجيب ليي عصير بعد في طريقك <<يعني حسيت نفسي كثرت طلبات

موفقين

صوره اوليه لواشنطن




كان ودي اعطيكم صور اكثر لكن لظروف الطقس اخذت صوره وحده .. طبعاً المبنى البني هذا فندق دبل تري ..
اخذت الصوره وانا رايح لـمحل Best Buy علشان اشتري افياش كهرب ... لأنها تختلف عن الموجود في السعوديه وهذا ما عرفته للاسف بعد ما انتهت بطارية اللاب

ابحاول اجيب لكم صوره واضحه للأفياش ..

musicm7


ولو حاظرين باللي تامر فيه ..
ان شاء الله اول ما اوصل ويلكس اباخذ صوره لرامادا ..

يقولون ان ويلكس ابرد من واشنطن .. الله يعيين بس ..


بالتوفيق ان شاء الله

مرررررحبا
ميوزك لاتطلع حرتك لايدق لك عرق بس مو مني من الاغبياء اللي بالفندق لما رحت لتدقيق اوراقي قالوا لي انهم مايعتموا الا للتاريخ العربي ومو مهم الميلادي عشان كذا سكت عن الموضوع ولا لو قالوا في اشكال اجلت موعدي ورحت الوزارة يعدلونها بس منهم مو مني وبعدين انا شدراني اني باروح امريكا انا درست سنة قبل وماحطيت في بالي هالشي من شان هيك يعني ماطلع الترشيح الا العالم سكرت ..

سوون اذا وصلت لرمادا بالسلامة تأكد ان الشقق فيها افران اما اذا مافيها عز الله ماكو اكل وفطسوا من اكل المطاعم خخخ

الى اللقاء