جآني القبول وضعت في معهد Talk International

فديتك والله..اخي الكريم اكون معك وآضح انا ضايع حقيقه
لان كثير يقولون ان المعاهد الخاصه التابعه للجامعات احسن
سوى من ناحيه تعليم او من توجه مباشره بعد المعهد للجامعه
ما اخفيك بحثت كثيراً ولقيت جامعات فيها تخصصي ولكن
المشكله انهم طالبين توفل او التيس ارسله لهم وانا ما عندي
لاننا اكلنا مقلب من الوزاره لمى قالت ان محد يجيب قبول لنفسه
وبعدين قالت مافي مشكله اذا من الجامعات المعتمده فـاماخذنا
احتياطاتنا ..كلامي كثير بسس استحملني ..

هل تنصحني اتوكل على الله واجي ادرس المعهد ومن خلاله
اراسل الجامعات لآكمال تخصصي الماجستيري ..وش توجهيك
لي آخ طلآل ..بما انك شفت الوضع بالمعهد ...؟


ويعطيك آالف عآفيه ..~

اول شي عزيزي ترا كلنا اخوان ومثل ما انت محتاج مساعده انا نفس الشي كنت محتاج من يساعدني ...

احب اقولك ان تغيير المعاهد هنا بس توصل شغله ما في اسهل منها ممكن تغير مره ومرتين انت وراحتك بس اهم شي ان كلامك مع مشرفك الاكاديمي يكون مقنع وفي الاغلب انه ما يرفض انت الحين تحس نفسك مربوط ما الومك لأنك ما جيت وشفت الوضع انت بس تجي هنا مع دعاء الوالدين صدقني امورك راح تتيسر ... وارجع اقولك اللي تطلبه مني انشاءالله اني ما راح اقصر معك بس لا تنسى انا ادرس في talk فرع بوسطن بكلية ريجيس بويستن واذا على الجامعات انا افضل انك تجي وتتعرف على الجامعات بنفسك

تحياتي
Talal

وأخيرا ياربي لقيت انسان عربي يفهمني ويطمني عن هالمعهد talk
اخوي طلال الله يوفقك لا تبخل علي بتجربتك
اول شي: كيف وضع المعهد؟ ايش تقيمك لمستواه؟ وش وضعه اذا بتدرس بالجامعه بعد ماتخلص؟ يعني كل شي تعرفه عن المعهد قوله لعليه تكفى؟
ثانيا: وين ساكن اللي عرفته من بحثي ان ويستن ضاحية لاسكن لا مواصلات؟ وان في باص يتواجد في محطة سايد ريفر كل 10 دقائق خاص بالمعهد؟
يعني وش وضع السكن وين ساكن وكيف تداوم كيف الحياة والمصاريف معك؟
انا دوامي يبدأ 14 مارس القادم مع زوجي وطفلة وخايفين ومتوترين من المعه وأزمة السكن وارتفاع مستوى المعيشة

بعد بحث واستفسارت نصحوني الشباب الله يجزاهم خير انه مالي سكن الا ببوسطن قرب المحطة D
فاياليت تفيدني بتجربتك اذا ماكنت عازب وساكن بسكن المعهد....

بارك الله فيك وجزاك كل خير يارب


بإنتظارك لا هنت

الله يسرلك امورك كلها ياشيخ
وربي ريحني كلامك بشكل ماتتخيله..اهم شئ الكلام الملون

اول شي اختي انشاءالله كل امورك تتسهل ..
طبعا انا اول ما وصلت المعهد انا واختي صابتنا خيبة امل لأن المعهد او الكليه اللي فيها المعهد من جد منطقه مقطوعه لأنها تعتبر منطقة استجمام لذوي الدخل المرتفع عندهم والمصيبه اني كنت اول سعودي في المعهد يعني استفتحوا فيني المهم بعد المرمطه لمدة شهر اجرت شقه تبعد عن المعهد 17 كيلو في منطقه قريبه من ويستون اسمها مالبورو غرفتين صاله اعزكم الله حمام مع غرفة طعام بألف دولار مع التدفئه وطبعا بعد الاجار على طووول شريت سياره .. نجي الحين من ناحيتك اول شي لو فكرتي تسكني ببوسطن بوسطن سكنها غالي او خيالي نوعا ما انا من رأيي لو ميزانيتك تسمح انك تشتري سياره من البدايه او اول شهر على الاقل لأن المشكله ان القطار ما راح ينزلك للكليه على طول لأ راح تنزلي المحطه ومن المحطه راح تاخذي الفان اللي يوصلك للكليه لو كنتي في talk فرع ريجيس اللي انا فيه حاليا ونصيحه ترا كل ما بعدتي عن بوسطن كل ما رخص الاجار والعكس كل ما قربتي كل ما ارتفع ...
وانا في الخدمه لأي استفسار

تحياتي

Talal

هههههه أذا عجبتك وريحتك وانا خوك اعيدها لك شدعوه غالي وطلبك رخييييص اختي

نجي الحين من ناحية المعهد والدراسه
المعهد مستواه متوسط لا عالي ولا فاشل وهنا كل المعاهد لازم تعتمدي بشكل اساسي على نفسك لأن غرضها تجاري طبعا معاملة المعهد معاملة حلوه في نفس الوقت ترا الفرع بعده جديد وعدد الطلاب محصور على سبيل المثال الطلبه السعوديين كلنا ست طلاب موزعين على عدة مستويات انا من ناحيتي ومن ناحية اختي استفدنا من تدريسهم وبالذات اختي بسم الله عليها لايكون اطقها بعين .. من ناحية المصاريف انا بالنسبه لي المكافأه مكفيه ولله الحمد لأني زي ما قلتلك انا شريت دماغي وبعدت عن بوسطن ...

واتمنى اني اعطيتك صوره واضحه وسامحيني لو قصرت

وارجع اقولك اي استفسار لا تترددي

Talal

الله يعطيك العافية ويجزاك كل خير
وضع الشقة وتاكليفها طيبة
بس انا يا اخوي ما عندي امكانيات سيارة مبدئيا
اذا سكنت بنفس منطقتك كيف وضع المواصلات
هل هناك قطار او باص خاصبالمعهد
ياليت تفيدني جزاك الجنة
وبالنسبة للسكن هل هو متوفر ولا صعب احصل سكن ؟


بإنتظارك

مساؤكم ورد ياجماعة
انا جاني القبول في ولاية اركنساس في مدينة فورت سميث في معهد إلس واريد التغير الى talk international الي في فوردت لدردال في احد يقدر يساعدني ويرسلي قبول اللغة من المعهد؟؟؟
وايش من الممكن الحل التاني؟؟

عزيزتي تقدري تجيبي لنفسك قبول ومن اي معهد بكل سهولة لكن المشكلة تكمن في الوزارة بترفض قبولك وصارت مع وحدة من صديقاتي
لانهم بيقولولك راجعي المكتب اللي جاب لك القبول اللي هو تجسير لانه هو المخول بتغير الولايات والمعاهد
ما ابي احطمك لكن تجسير مايردون علطول ويضيع اوقت وانتي مو عارفة راسك من رجلك
حاولي تخاطبيهم عشان تشرحين لهم رغبتك بالتغير عن طريق الايميل وانشالله تتيسر امورك

هذا من واقع تجربتي


وانت حاولي الله يوفقك