جآني القبول وضعت في معهد Talk International

انا في نفس معهد بس في فورث لودريل كم واحد اعطاني رايه في معهد بس مااحد مدح المعهد بصراحه
حتى انا من جد رموني فيه نفسي اغير.

وانا في نفس المعهد في Fort lauderdale

الله يستر

ضحكتوني كلكم على كلمة رموني لحالي هناك ,,, اول شي لو تلاقي معهد كويس مافي احد يتكلم عربي احسن لك بكثير من اي مكان ثاني مليان عربي و سعوديين لكن على العموم انا متاكد انكم ما راح تكونون لحالكم.

Kasb Al6eb : كلامك غير مترابط لكن برد على الي انا فهمت منك. ما فيه شي اسمه معهد معترف في من الجامعات الشي الي معترف في من قبل الجامعات هو اختبار التوفل و في حالات كثير جامعات تعفي الطالب من اختبار التوفل في حال درس في المعهد الخاص بالجامعة لكن المعهد هذا ما يتبع لجامعة. منطقة بريكل من ارقى مناطق ميامي و اغلبها عماير ناطحات و الايجارات فيها غالية. ميامي يكثر فيها شعوب امريكا اللاتينية. انا ما ادري ايش قصدك باللغة الانجليزية الصحيحة انت تقصد اللهجه ولا ايش ؟ شي ثاني اذا انت تخصصك لغة انجليزية لية تبي معهد وتدرس لغة ؟ اذا تبي تخصص معين روح لجامعة تدرس التخصص هذا و الاقل ابحث عنها بنفسك.

الله يعين ..المشكله على ما اعتقد ان المعهد مو تبع جامعه بعد
يعني خلال درستك لازم تدور على جامعة معترف فيها
من اجل اكمال التخصص اللي تبينه ..|
استخيري آختي والله يكتب لكي الخيره ..~

خخخخ شكل التكدس كله في لودرديل كل البشر هناك
اسال الله ان يوفق الجميع ..ويسر امورهم ِ~
اتمنى لك النجاح اخي

انا بنفس المعهد بويستن
وكل ما اسأل محد عمره درس فيه
الظاهر نحن اول دفعه عليه

الله يجيب اللي فبه خير

يعطيك الصحه آخوي وما قصرت ..
كنت آتمنى بآن ادرس بمعهد خاص بالجامعه على قولتك ..
كا تحديد مستوى بعدين نكمل طريقنا بالجامعه لاني كنت
حاط في بالي كم جامعه بولايات معينه ..بس جالس اتاكد
ان لها معهد لغة آو لآ ..وزي منت عارف توزيع المبتعثين
للولايات عشوائي ..فصعبه تكمل وتستقر بمعهد وبعدين
ترجع وتغير وتدور لك جامعه بولايه ثانيه ..يمكن يكلف
الشخص اكثرمن ما يتوقع ..لكن نسال الله الخيره ..والتوفيق
ولا تبخلو علينا بـ اي شئ ..محتاجين توجيهكم لنا ..ما عدمناكم يارب

يمكن نكون احنا اول دفعه نجي لذي المنطقة
ما ادري رح تكملون ولا شفتو شئ افضل
وبتغيرو عليه ..خلونا نفيد بعضنا دامنا مشتتين كذآ
قريت عن وآحد مدري فين ..بس يقول معهد امبسي
افضل من معهد توالك ..بس لآسباب معينه له ما ادري عنها
انا ما ودي اجيب كلام فيه اشاعات او شئ من كذآ بس ودنا
نعرف الكثير عن المنطقه عشان لا نروح هناك وننصدم بالوضع
يعني نخلي لنا خلفيه حلوه عن المعهد وطريقه العيش هناك ..~
اللهم لا سهل الا ما جعلته سهلا ..,

والله يا الغالي بودي افديك بس اذا تحب اجيبلك معلومات اكثر انا في الخدمه انا حاليا ادرس في فرع talk فرع بوسطن وهذا فرع جديد وانا تقريبا من اول دفعه بتتخرج منه