مارايكم في WESTERN KENTUCKY UNIVERSITY

السلام عليكم ورحمة الله وبركاتة

بعد التحية

يااخوان انا عندي قبول معهد وقبول مشروط في WESTERN KENTUCKY UNIVERSITY

بس ياليت احد يفيدني بالتخصصات المتاحة في الجامعة

وهل تنصحوني ادرس بالجامعة ولا ادور جامعة اقوى

شكرا ....

التخصصات الموجود بالجامعة


قسم المحاسبة
> قسم الاقتصاد
> وزارة المالية
> قسم نظم المعلومات
> إدارة الشؤون الإدارية
> قسم التسويق والمبيعات
> برنامج الماجستير في إدارة الأعمال



كلية التربية والعلوم السلوكية
> قسم شؤون الطلاب والإرشاد
> قسم من تربية القيادة الادارية. والبحث العلمي
> قسم العلوم العسكرية
> قسم علم النفس
> كلية المعلمين



شركة أوغدن كلية العلوم والهندسة
> وزارة الزراعة
> قسم من التصنيع وعلوم الهندسة المعمارية
> قسم الأحياء
> قسم الكيمياء
> قسم الهندسة
> قسم الجغرافيا والجيولوجيا
> قسم الرياضيات وعلوم الحاسب الآلي
> قسم الفيزياء والفلك

كلية الصحة والخدمات البشرية > من الحلفاء وزارة الصحة
> قسم اضطرابات التواصل
> قسم الأسرة والعلوم المستهلك
> كلية التمريض
> قسم الترفيه ، وعلم الحركة والرياضة
> إدارة الصحة العامة
> قسم العمل الاجتماعي

بوتر كلية الآداب وخطابات
> الدراسات الأفريقية الأمريكية
> قسم الفن
> قسم الاتصالات
> قسم اللغة الإنجليزية
> الدراسات السينمائية
> قسم الدراسات الشعبية والأنثروبولوجيا
> قسم التاريخ
> كلية الصحافة والإذاعة
> قسم اللغات الحديثة
> قسم الموسيقى
> قسم الفلسفة والدين
> قسم العلوم السياسية
> قسم علم الاجتماع
> قسم المسرح والرقص




احلى مافي الجامة والمدينة مافيها سعودين كثير مثل اورقين ولا اكلاوهما ولا ارزونا وبرضى احلى مافي المدينة انها بالولايات الشرقية يعين المدن الكبيرة مثل واشنطن ولا نيويورك قريبه بس موو ذاك القرب بس مقارنه باورقين ولا باقي الولايات الغربية والاحلى من كذا المدينه رخيصه وصغيره يعني مدينه درااسه وهاذا اهم شي لان مارحنا وتغربنا الا لغرض الدراسة << تكفى الحين الى طالعه فيزتك

الجامعة في ناس كثير مامدحو المعهد بس انا اشوف الغة بشكل اساسي تعتمد على الشخص وقدرته على الاجتهاد وفهم الغة

السلام عليكم ..
اخت اجواد .. بارك الله فيك .. ويعطيك العافيه .. اخذتيني جوله شبه كامله ..للمدينه .. واثريتيني بمعلومات قيمه جدا .. الف شكر
ولكن .. لي سؤال ؟
شنهو المعيار اللي حكمتي فيه ان الدراسه ماهي ممتازه ؟
هل المدرسين ما يأدوا وظيفتهم ؟
هل المدرس ما يهتم بالطالب ؟

يا اخوان .. اكرر ..
انا مدرس في احد المعاهد الموجوده في السعوديه (معهد يتعلق بالبترول .. ماهو معهد انجليزي!) .. كل الطلبه يمدحون المعهد .. ليه؟ لان سهل .. المدرسين متعاونين .. الخ .. لكن نسبة الفائده للطالب 20% .. بالنسبه لي كمدرس نظامي مختلف .. الطلبه المجتهدين يعتبروني افضل مدرس .. والطلبه اللي غياب .. ويذاكر قبل الاختبار بيوم .. هذا يكرهني !! وانا اسوأ مدرس !


من جانب آخر .. معهد منافس.. كل الطلاب يهربون منه .. والكل يذم فيه .. بالرغم اني شخصيا زرت المعهد .. وشفت منهجهم وطريقة تدريسهم .. والفسلتيز المستخدمه .. كلها افضل من المعهد اللي اشتغل فيه!!


وجدت ان رأي الطالب يعتمد على ((((( هــــــــو ا ه ))))))

عموما ..
بأذن الله اليوم صباحا بروح لفيدكس بستلم الشبمنت وبشوف شفيها ؟؟ وان شاء الله يارب .. يكون الجواز والفيزا مطبوعه !

واذا هذا اللي صار ..بمشيئة الله .. بكون بتاريخ 13 جينوري في باولنغ جرين .. واستكشف المعهد بنفسي ..

بالتوفيق للجميع .. ودعواتكم لي

مصطفى الله يعطيك العافيه انا برسلك ايميلي عالخاص
واضفني

السلام عليكم جميعا .. حمداً لله حمداً كثيرا ,, .. بتوفيق وتسديد من الله عز وجل وبركات اهل البيت عليهم السلام
تم استلام الفيزا .. في غضون سبعة ايام .. من القنصليه الامريكيه بالظهران ... والسفر بأذن الواحد الأحد .. يوم 10 جينوري ..

بالتوفيق للجميع ..

الاخبار تسر الخاطر يا اخوان .. الفائض من ميزانية المملكه العربيه السعوديه لهذا العالم .. ما يقارب 40 مليار !!! وحسب كلام المسؤليين والقرار الصادر .. بأن سيخصص جزء كبير للتطوير والتنميه في مجال التعليم .. وخلق وظائف للشعب السعودي ..
أستنتاج شخصي ..
100% سيكون هناك مكرمه او تساهل كبير في الانضمام للبعثه ..

وفق الله مليكنا .. وأمده بتمام الصحه والعافيه ..

الى الهنا
لا استطيع رؤوية الرسائل الخاصه .. لم أبلغ الثلاثين مشاركه بعد !
في حال اكتمال ثلاثين مشاركه ستتم الاضافه ..

في انتظار تعقيب اخت اجواد ..

الله يعافيك استاذ مصطفى
صحيح في تناقض بالآراء في جودة المعهد
لكن كما قلت سابقا يعتمد على الطالب
لكن من ناحية اني قيمته انه ليس بدرجة الامتياز لانهم مايتبعوا استراتيحة متقنه في التدريس
يعني كمثال في كلاس writting المفروض في البداية بعد عدة خطوات في طريقة كتابة مقال او قطعة ان الاستاذة تطبق الخطوات وتكتب لنا مثال كقطعة مثلا بالسبورة , ماصار قالت اكتبوا واعطتنا درجات حتى ماقالت ليش هذا غلط مثلا
لكن اللغة اولا واخيرا تكتسب من الممارسة انا بس تمنيت انه يكون في شيء قوي يجذبنا في الكلاسات فقط لا غير وكلمت المدير بالشي اللي نحتاجه احنا الطلاب عشان نستفيد من حضور الكلاس فقط
وانا فاهمه رايك في تقييم الطالب على اي سااس انا كنت مدرسة سابقاً وبعرف متى يقولوا واو ممتازة المدرسة وكما ن يقوول so bad .

ومشكور على اضافتك وتوضيحك لراي الطالب من منظور مختلف لكل شخص منهم .
ومبروك على الفيزا والله يحيك في بولينغ غرين وبالتوفيق ان شاء الله

اخت اجواد
بسالك الله يعطيك العافيه
انتي من وين فتحتي حساب بالبنك
ووش البنك اللي تفضلين انا نفتح الحساب منه ومن وين نفتحه
ووش يطلبون وكيف اخلي الملحقيه تحول المكافاه عليه
ولا عليك امر
ابيك تعطينا بعض المعلومات بخصوص هالموضوع
واسف اتعبتك باسالتي

هلا اخووي
الله يعافيك وماتعبتني ولا شيء
في اكتر من بنك لكن الاهم في بولينغ غرين ( us bank , bb&t, bank of emerica , pnc bank )
الافضل : bb&t,bank of emerca,us
المعظم فاتح في بنك bb&t وانا بعد
ايش نظامهم بس انك تعبي استمارة فتح حساب , يكون معك اي اثبات زي الجواز مثلاً , ويكون لك عنوان او ممكن تحط عنوان المعهد اذا لسه ماااستقريت بسكن ,وتحط مبلغ بسيط عشان يفتحوا الحساب يعني 5 دولار او 10 و20 دولار زي مااتحب بس شي رمزي عشان يكون في مبلغ بالحساب , وطبعا البطاقة الصراف ماتستلمها على طول وانت واقف زي السعودية يعني بالكتير اسبوع وتستلمها , اطلب انك تاخذها من البنك , كمان في هذا البنك يشتغل مغربي يتكلم عربي هو بيساعدك في الاجراءات . ويعطوك دفتر شيكات وحسابك اللي في موقعهم بالنت عشان وقت ماحبيت تشيك على حسابك وبس , لكن هم بطاقاتهم زي البطاقة الائتمانية يعني لو خلص حسابك مافي ولا مبلغ تقدر تسحب بعدين لما ينزل راتبك ياخذوا اللي سحبته بس انا مانصحك ينزل عن المبلغ في حسابك لانهم ياخذوا بعد اسبوع من سحبك عن كل يوم 6 دولار , فاصرف على قد المبلغ الموجود بحسابك .
البنوك التانية نفس الاجراءات فتح الحساب بس كيف نظامهم في الصرف مدري
كمان us bankمرره سهل اجراءاته ومعاملته .
الملحقية :
طبعا بعد ماتخذ الشيك ويكون انت فتحت ملف في موقع الملحقية بس تفتح النت على موقع الملحقية وتدخل رقم الطالب ورقم السري وينفتح ملفك وتروح على معلومات البنك تكتب بيناتك وتاخذ شيك من دفتر شيكاتك وتكتب فيه اسمك ومحل المبلغ تكتب Cancel وتوقع وطبعا تكتب الى الملحقية بالانجليزي .وتعمل له اسكان وفي نفس الصفحة البيانات في تحت تحميل وبعدين تعمل ارسال .ويصير هم بعد اويصل الشيك اللي اصلا موضح فيه رقم حسابك يصلك ع ايميلك انهم استلموه بعدين تنزل المكافة كل شهر على حسابك .
وبالنسبة للتعويضات السيفس ورسوم الفيزا بنفس الطريقة من موقع الملحقية او كمان في ايميل ترسل فيه النسخ للملحقية.بعد ماترسل الشيك وعندهم رقم حسابك طبعا ترسل طلب التعويض
وهاذي الملعومات كلها وزيادة حيقولوها لكم لما تروحوا المحلقية ان شاء الله يكون تاني يوم وصول لكم بامريكا بالسلامة حتى فتح الملف كمان وكل شي ولا تشيل هم ابد
والله يسهل لكم امركم ان شاء الله

الله يوفقك يعني ان شاء الله سهله الامور
طيب الحساب افتحه من واشنطن ولا بولينغ غرين؟؟؟؟؟؟؟
بالتوفيق
انتي كيفك الحين وكيف اجازة الكريسمس معكم؟؟؟؟؟؟؟؟؟؟؟؟