استفسار Tampa,Fl

يا الحبيب انت في اورلاندو ايش اللي عرفك بتامبا الله يسعدك
يعني اكثر من 400 سعودي عايشين في منطقة جامعة جنوب فلوريدا هم في خطر
هذا انا في نفس المنطقه و ما علينا شر باذن الله و لنا اكثر من سنه بفضل الله و المنطقه امنه و الحمد لله و ما احد اشتكى من اي شئ و بالعكس بحكم ان المنطقه مليانه عرب غير السعوديين فالحريه افضل من الداون تاون , و المنطقه فيها ثلاث مساجد اثنين منها هي الرئيسيه في تامبا
و في وجه جامعة تامبا في موتيل الاسبوع 222 دولار و اكثر من نص الموتيل طلاب سعوديين و ما فيه اي احد اشتكى
يا جماعة الخير لا تتبعوا الاشاعات المدينه زي اي مدينه في السعوديه و الامان بالله لكن فيه اماكن خطره هي اماكن مشبوهه من الاساس يعني مثل جده ولا الرياض الثنتين امان لكن الثنتين فيهم اماكن خطره في اوقات معينه

الفائده للجميع يالحبيب
و يا بخت من نفع و استنفع
و الاجر لك ان شاء الله بحكم انك انت اللي بدات الموضوع

مرحبا..
ملك الطيبة ممكن خدمه ...لو اتكرمت..
ممكن اعرف اسماء لمساكن جيده وتنفع للبنات ..((يعني ممتازة من ناحية الامن))..وتكون قريبه من جامعه جنوب فلوريدا ..
وبكم تتراوح اسعارها .؟؟
وشكرا

اوكسفورد قريب من الجامعه و يمر قريب منه باص المدينه
لودج اقرب الي الجامعه و يمر قريب منه باص المدينه
كامبريدج وود ممتاز و يمر عليه باص الجامعه
ايجل بوينت جيد و يمر عليه باص الجامعه
لكن الافضل انك لما توصلي تكلميني عشان اوريك كل واحد و ايش مزاياه
و غيرها كثير و كل واحد له مزاياه
الله يسهل امور الجميع

اهلن اهلن يا ملك..

كلامك صحيح حبيبي ودي كلنا نستفيد ونفيد بنفس الوقت ولكن لو صار الموضوع خرابيط وكل واحد يسأل عن ليلى ضاع الموضوع ولا استفدنا شي!!
فمن الافضل ان كل واحد عنده استفسار لشي معين يفتح له موضوع عشان الي محتاج جواب لهل الاستفسار يلقى جوابه فيه..
المهم يشرفني مرورك يا طيب

بالتوفيق للجميع,,

الشرف لي يا ابيض الوجه و الله يكتب الخير للجميع

انا عن نفسي ساكن في سكن يبعد عن USF تقريبا 5 دقايق بالسياره
وعن الـ UT تقريبا 25 دقيقة الى 30 دقيقة

بس انا ادرس بالـ UT وساكن في النورث عند الـ USF ارخص واحسن يعني

بالنسبه للسكن لاتشيل همه في مجمعات سكنيه مليان وتفرق السرع والحجم وزي كذا

يعطيك العافيه يا بطل..

ياليت تقولي اسم السكن وهل هو مفروش ولا لا وبكم سعره في الشهر والعقد على سنه او 6 شهور وهل اقدر اسكن مع احد ولا لوحدي؟؟ يعني هل هي شقه فيها غرف منفصله بدورات مياه منفصله والصاله والمطبخ مشترك؟؟ ممكن توصف اذا ما عليك امر.. انا صراحه بمشي من ميشيغان خلال يومين ان شاء الله وبتجه لتامبا والدراسه زي مانت عارف تبدأ في 12 فبيكون وقتي مضغوط بين اني اقعد ادور لي سكن ولا انتبه لدراستي..

واذا عندك اسامي اسكان حلوه واسعارها ممتازه مقارنه في المكان اتمنى انك تضيفها هنا..

يعطيك العافيه وبالتوفيق للجميع,,

السلام عليكم ..انا انتقلت الى تامبا ليه 3اسابيع تقريبا في تامبا ..راح ادرس في معهد جامعة usf..الحمدلله لقيت سكن يبعد عن الجامعه 20 دقيقة تقريبا بالسيارة طبعا!!..ولقيت حضانة لولدي في نفس الجامعة مررره كويسة بس غالية شويتين ..المدينة حلوة وكل شي فيها متوفر الحمدلله لاتشيلو هم ياللي جايين ..وان شاء الله افيدكم باللي اقدر عليه ..

للأسف ما لقيت احد جوابه شافي وكامل..

كل واحد دخل على الموضوع قال في اسكان حلوه وقريبه من الجامعه واسعارها حلوه والمشكله انهم ماذكرو اسم واحد لأي سكن وصفوه..

يا جماعه يا اخوان الموضوع هذا فيه فايده لي ولغيري..

اتمنى اي احد يدخل على الموضوع يكون عنده ترتيب للمعلومات ووضوح مانبي امور مبهمه...كلنا ندري ان تامبا حلوه وفيها اسكان على مستوى عالي بس ياليت تذكرون الاسم عشان تكون الصوره اوضح..

انا صراحه ابي ادور بالنت قبل لا اجي عشان اقدر اركز على كذا مكان فياليت يا اخوان ويا اخوات تذكرون اسامي الاسكان الي معروفه بين الطلبه والي امانتكم ترجحها لأخوانكم واخواتكم عشان يسكنون فيها..

بالتوفيق للجميع,,