عرض خاص للقادمين الى بلاكسبيرج فرجينيا

سؤال :

بما إنك موجودة ببلاكسبيرج أبي منك فضلاً لا أمراً تعطيني فكرة عن السكن ببلاكسبيرج من ناحية الأسعار وتوفر الخدمات فيها لأني متزوجة وبعد حوالي 3 شهور حتكون دراستي ؟

أريد صور لها وبعض مواصفتها
أرغب بشراء بعض الاثاث قبل وصولي الى الولايات المتحدة

الي يبي ياخذ الغرفه يراسلني على الايميل او الخاص
ترى فرصه

الي يبي صور يدخل موقع السكن ويشوف الصور
الشقه فخمه وفي اطلق مكان ببلاكسبيرج
والعقد لمده شهرين لحد ماتضبط امورك
يابلاش

ههههههههههههههههههههههههههههههههههههههه

ام اي محمد تحية طيبه
اضحك على اسلوب امل مقتول يعني تطلبين شي وهي تقول شي ثاني

ابتكلم اول شي عن الدراسة في المدينة ....

المعهد وللاسف جداً خايس ادارة ومدرسين يعني ما ينفع وغير كذا المعهد مو تابع للجامعة يعني لو تدرسين وتتخرجين منه مافيه جامعة تقبلك الا بحصولك على التوفل.... او الايلتس ...

المهم المدينة هادئه وتعتبر مدينه صغيرة فيها ما يقارب الاربعة عشر سكن ...

ولكن قد تنحصر رغبة العوائل غالباً على سكنين هما الفوكسدريج وسكن سميث لاند

الفوكسدريج مبانية اغلبها قديمة واحدث العمائر في الفوكسدريج صار لها 12 سنه

السميث لاند هو عمائل جديدة وتصميمها جميل وما صار لها سنتين ..
الفرق بين الفوكسديج والسميث لاند اببختصرها لك ببساطه

اول شي المطبخ الفوكسدريج معزول عن الصالة وكشكل غرفة مستقله
السمث لاند مفتوح على الصالة وما فيه الا كاونتر بين المطبخ والصالة

الغرف بنفس المقاس ولكن في الفوكسدريج تكون معزولة عن الصالة
السمث لاند تكون تفتح على الصالة

دورات المياة الفوكسسدج صغير المقاس
السميث لاند كبيرة المقاس وحلووووه وتفتح نفسك ( هههههههههه )

الامان كلها نفس بعض

اغلبية العوائل الخليجيه بالفوكسدريح

الاسعار اعلى سعر في الفوكسدريج 1100 دولار شامل للماء والمجاري والزيائل ثلاث غرف ودورتين مياة وصالة وصالة اكل ومطبخ ومستودعين وغسالة ملابس ونشافة .

السميث لاند اقل سعر 750 غير شامل للخدمات وغرفة وحده وحمام وصالة .
الغرفتين في السميث لاند بسعر 1045 غير شامل للخدمات غرفتين وحمامين وصالة وبلكونه ومستودع وغسالة ملابس ونشافه .


الاسواق هنا مو ذاك المستوى المامول يعني مشي حالك ولا فيه اي شي للترفية وخاصة للاطفال ...

الحضانات اقل الاسعار 140 دولار في الاسبوع يعني حوالي 650 دولار في الشهر للواحد ...

المطاعم 95 % بالمية منها تعبان و 5% منها مشي حالك


اخر شي هي النصيحه

انا صار لي حوالي السنه هنا وانصحك انك تشوفين مكان ثاني لان المدينه تعتبر غالية والمعهد يعتبر فاشل والخدمات تعتبر شحيحه وهذا كله من وجهه نظري ....

واذا الله كتب وجيتي هنا رايح تتذكرين كلامي هذا كله ...



اخوك البحر

طمنتي يابحر الله يعييينني طيب حمسني جبلي شي يفتح النفس سفري بعد يومين ومااقدر اغير

شلون اجيب لك شي .. مافهمت

اذا تبي شي انا مستعد على اللي اقدر عليه

اكتب وش تبي وانا اجاوب عليك