تقرير معلومات من تجربتي عن فرجينيا والعاصمة واشنطن دي سي

السلام عليكم جميعاً
انا العضوه ما أشبهم بس حدثت مشكله بعضويتي ! ماعرف سببها فضطريت اسجل بأسم جديد وارسل للإداره ومره وحده ارد عليكم واعتذر على التأخير
بالنهايه الاهم ان المعلومات والردود على الأسئله توصلكم .. وإن شاء الله المشكله تنحل ويرجع اليوزر نيم تبعي

::
أشكر كل شخص رد على الموضوع والله يجزاكم الخير جميعاً

اول شي نبدأ مع اخوي الفاضل tyt
أقرب مدينة لديسي في فرجينيا
هي أرلنتون .. وفيها مناطق حلوه للسكن انصح فيها مثل كلارندون ( بس جداً غاليه ) وفيه بولستن وفريجنيا سكوير وروزلن طبعا روزلن هذي جدا قريبه من ديسي اقرب وحده فيهم ..
وبعد ارلنتون تجي ( إلكسندريا ) واسعارها اكثر اعتدال من أرلنتون لانها تسير ابعد شوي عن ديسي مقارنه بمدينة أرلنتون

asad
عفوا مارديت من البدايه !
بالعكس من يقول ضجيج .. جو فرجينيا وواشنطن جداً هدووووء وكل شي يقفل بدررررررررري
الناس هنا جداً عمليه
بالعكس فيه كثير ناس اعرفهم يحبو البلد الممتعه اللي كل شي يكون مفتوح لين وقت متأخر .. يقولو انها كئيبه لان مافيها شي !
شارع معين وزاروه واسواق كلها كم سوق حلو وخلصت القصة
لانها مدينة حكومية .. فيها الأشياء تبعت الحكومة والشركات اكيد ماراح تكون ترفيههيه بالدرجة الاولى كنتيجة لذالك ماراح تكون ضجيج
الناس هنا تنام بدري *_*
اممم ماعرف هذا اللي انا اعرفه يعني .. لاني اكون بالبيت بوقت جداً مبكر وبعدها ما أطلع ..
فعلاً المترو سهل ينحفظ بس اول شهر الواحد يتعود ^_^
شكرا لك اخوي على كلامك
الله يجزاك الخير

اهلا اختي ام عبد الوهاب

شكرا الله يجزاك خير على الرد
وفعلاً نسيت ميرلاند *_* دايما عندي مظلومه
بس ماعندي اي خلفيه عليها
زرتها مره بالسياره ..! وماحبيتها

اهلين اخوي الدكتور عبد الله
والله شوف واانا اختك
هذي حقيقه
امريكا .. في كل شبر فيها موجود اخواننا ( السعودين )
بدون مبالغه .. بكل قريه .. بكل مدينة ..

بالنسبة للسعودين والمعاهد
مثل ماقلت السعودين ( كثيرين ) مشا ءالله .. بكل مكان وموجودين بكل معهد وكل جامعه
وفي معاهد كثير تقفل فتره وترجع تفتح عندنا ..
بس بالنهايه الشخص هو نفسه يعرف يتحكم بمقدار فائدته ..


بالنسبة للمعهد هذا والله ماعندي خلفيه
بس ممكن اسال عنه ..


بالتوفيق

أهلين اخوي asal

بكل صراحه مثل ماقلت اخواننا السعودين بكل مكان

اعرف كثير بفلوريدا يقولو بننقل وبأكثر من ولايه !! كل مين يبغى ينقل من ولايته عشان فيها سعودين!!
تراهم بكل مكان بالنهايه الشخص نفسه يعرف كيف يستفيد من المكان اللي هو فيه ..

بس السؤال اللي دايما اطرحه ...

ترا انا قليل ما اشوف سعودين بالأماكن العامه !! ( ماعادا التايسون اللي كنه السيف مول بالبحرين مادري هو كذا ولا انا خرفت بالإسم )
يعني اشوف .. بس مش بالمعدل اللي الناس تحكي عنه
ماعرف ليش الناس تقول كثيرين بواشنطن وفرجينيا انا اشوفهم بالمعهد وبالجامعه وعند الملحقيه ! غير كذا اشوف باعداد جدا قليله وطبيعيه ..

شكرا على المرور

اهلين اخوي الفتى المهاجر

ارلنتون هي عباره عن مدينة داخل ولاية فرجينيا ..
ومن افضل المناطق ..على حسب اللي شفته ..

طيب اخوي .. بحاول بقول خطوه خطوه واسألني على اي شي مش واضح بس لاتشل هم بتتعلمها اكثر لما تدخل بالمترو وتمارسه
كل يوم سهل جداً بس بالبدايه بيكون نظام جديد .. وترا فيه عند كل محطه اشخاص ممكن يساعدوك مثل حقون الامن ويحاولو يفهمو عليك لو تكلمت معاهم

نبدأ بان مثل ماقلت واشنطن وفرجينيا .. ولايتين .. بس هم كلهم جنب بعض ! يعني يعتبرو شي واحد
اللي يربطهم جميعهم ببعض هوا لمترو ..
اول شي في بعض المحطات الرئيسيه في مكتب حق تذاكر المترو او بطايقها
طبعا افضل شي انك تشتري بطاقة .. وهي عباره عن بطاقة بلاستك مثل بطايق البنك وكذا
تمررها بالجهاز بكل مره تدخل او تطلع وفي كل محطه حاطين لك اجهزه الكترونيه تشحن فيها ببطاقتك وتقدر اول مره تنادي واحد من السكيورتي هم يعلمومك كيف الطريقه
طبعا البطاقة هذي سعرها 30 دولار .. وتبداً تشحنها اول مره ب 20 دولار .. وكل مره تفضى تشحنها لأنك لو ماشحنتها ماراح تقدر تدخل محطه او تغادر منها

خليني احط لك محطه تبدا منها
مثلاً
محطه اسمها روزلن.. تعتبر من المحطات الرئيسية في فرجينيا
ممكن اول ماتوصل تقول للتكسي يوصلك لها
تدخل تحصل وسطها مثل السوق مرررره صغير يادوب كم محل
تطلع الدور الثاني تحصل على يدك اليمين محل تبع بطايق المترو تدخل تطلب منه بطاقة مترو 30 دولار تشتريها
ترجع تطلع من هلسوق الصغير وتروح لجهة المتروو ( راح يكون قدامك )
تلاقي اجهزه كبيره حقت شحن بطايق تنادي واحد من حقون الأمن تخليه يعلمك كيف تعبيها اول مره عبيها 20 دولار
واطلب منه يعطيك خريطة المترو .. بتلاقيها معلقه بكل جدار وانتا ماشي بس احتياط خذها ورقه وحطها بجيبك

وهنا انا جبت لك صورة الخريطة


نظام المترو
خمس ألوان
أصفر
أزرق
أحمر
برتقالي
وأخضر

النقطة اللي انتا راح تكون فيها هي محطة روزلن .. لونها أزرق تحصل اسمها على يدك اليمين في اقصى اليمين في الصوره
بشكل موازي مع اللون البرتقالي واضح انها محطه رئيسية الدائره عليها كبيره
تدخل المترو

اللحين كيف اشرحلك *_* حسيت اني راح اضيعك بس صدقني تراه جداً سهل
بشكل عام ..
كل لون يوديك منطقة ..
وكل اسم محطه عليها دائره .. شوف كم لون يمر من عندها وتعرف كم مترو يمر من نفس المحطه
ونظام المترو داخل المحطه كل مترو يمر مكتوب عليه اسم اخر محطه يوصل لها
انتا اذا تبغى تروح لأي مكان اول شي طلع اسم المحطه
شوف كم لون يمر من عندها
مثلا احنا للحين واقفين بروزلن اللي على الخط الأزرق
تبغى تروح على محطة الملحقية ..! اللي قريب منها الملحقيه
اسمها FOGGY Bottom
تحصلها على الخط الأزرق

لو تشوف من روزلن على محطة فوقي بوتم
يمر لونين اللون البرتقالي واللون الازرق
وهي تعتبر المحطه بعد محطة روزلن على طول
على كذا تقدر تروح على خطين تقدر تروح بالأزرق وتقدر تروح بالبرتقالي
طيب اللحين اي مترو تستخدم !
راح تحصل اربع انواع مترو يمرو من محطة روزلن
وكل واحد فيهم يوديك على الطريق اللي يوصل بالنهايه لإسم اخر محطة على الخط
يعني بالنهايه راح يكون اسم المترو اللي تركبه عشان توصل لمحطة فوقي بوتم هو ( NEW Caroltton أو ROAD (
وطبعا لما تركب المترو بتنتبه لكل محطه توقف فيها تحصل اسمها مكتوب على الجدار قبل لاتنزل ..

*_* والله ماعرف اذا شرحي كان واضح حسيت ان ناقصني صبوره *_*
ان شاء الله يكون واضح على الأقل اعطتيك نبذه وخريطة

وبالتوفيق بالفيزا .. تراها تتطلع بيوم وليله ^_^
أن شاء الله ربي يسهلك الخير

اهلا اخوي الأمبراطور
اسعار السكن على حسب اللي اعرفه من معهد
ان 950 مع الاكل شهرياً ..

بس فيه طلاب يحصلو عوائل من الإنترنت بأسعار ارخص من كذا ممكن تحصل ب 700
بس لأن على طريق المعهد اكيد بيكون اغلى بسبب العموله ..

LUCENT
شكرا على التشجيع
الله يجزاك الخير

شكرا جزيلا أااااااااااااااااااااااا

هلا والله اختي

يعطيك الف الف عااافيه

والله ماقصرتي وحسيت اني بكون بين اخواني واخواتي

ومشكووووووره

والله يعينك بتعبك معي وانشالله ماتقصري

اناا لحد الان ماطلعت فيزتي وولايمديني الحق على موعد الدراسه وكلمة المعهد يئجل الدراسه لاخر الشهر

وان شالله تطلع الفيزه

انا قريت مواضيع كثيره ان شالله اول ماوصل المطار احصل سائق الملحقيه ويختصر علي المشوار واسكن في فندق دبل تري ومنها الصباح ياخذنا الباص للملحقيه واخلص اوراقي

ومشكووووره على الشرح صح انه حوسه الخريطه بس فهمت منها على ان الانجليزي عندي مرره ضعيف وابي احوس فيهاا هههههههه

بس ياليت تشرحي لي كيف اروح من واشنطن الى ارلنجنون


وشااااكراً لك مقدمااا

الله يوفقك