استفسار Stetson university.. Deland

ما احد عنده فكررررة؟؟؟؟

انا كلمت الجامعة بنفسي ردت علي موظفه قلت لها عندكم معهد تابع للجامعة؟؟؟ قالت فيه معهد els تعترف فيه الجامعة لكن مو بنفس المدينه في مدينه اسمها سلبريشن

طبعا Stetson University لها مكانيين

الاول واسمه main campus يعني الحرم الجامعي الرئيسي ويقع في مدينه de land

والثاني Stetson University Extension ، واللي هو فرع من الجامعة ومكانه في مدينه سلبريشن( Celebration )هذا هو اللي في معهد els


طبعا سلبريشن موقعها جنوب اورلاندو و دي لاند شمال شرق اورلاندو ( شوفي قوقل ماب او قوقل ايرث )


هذا اللي عندي بخصوص الجامعة

واي احد عنده معلومه لا يبخل علينا لإني افكر ادرس فيها ماجستير محاسبه

بالتوفيق

أنا طالب في هذه الجامعة لي سنة تقريبا .. وزي ما قال رائد الجامعة تأخذ ليفل 12 من معهد els وفيه معهد لكن في المبني الاخر للجامعة في مدينة سلبيريشن شمال اورلاندو ..!

مبني الجامعة الرئيسي في مدينة ديلاند اللي تبعد عن اورلاندو تقريبا 35 دقيقة و دايتونا بيتش 20 دقيقة ..!

وتعتبر مدينة صغيره ، وايضا تعتبر مدينة جامعية ، وحرم الجامعة جميل جدا والسكن رخيص جدا ..!

اخيييييييييرا حصلنا واحد في هذه الجامعة يارجل بحثت النت كله حتى العم قوقل عجز يحصل لي احد يدرس في هذا الجامعة

اخوي الثامر لا هنت

بالنسبه للجامعة هل هم استقعاد بالنسبه للقبول؟؟؟ ( طبعا اقصد القبول النهائي مو المشروط) ، امس كلمت مساعدة مسؤول الدراسات العليا كلية البزنس وكانت جدا متعاونه وطيوبه وسألتها عن القبول في ماجستير المحاسبه

طبعا قالت لي انو ماجستير المحاسبه موجود بالفرع الرئيسي فقط ( ديلاند) اما بالنسبه لفرع السلبريشن مافيه ماجسيتر محاسبه ، المهم قلت لها فيما ما معناه مالكم داعي صراحه ما عندكم معهد في ديلاند ، قلت لها انا ابي انقل من ولايتي اللي هي اوهايو عندكم بس المشكله ما عندكم معهد فهذه مشكله ، وكثير من السعوديين المبتعثين يعانون من هذه المشكله ، قالت لي موضوعك محل الاهتمام وراح نرفع اقتراحك للأداره ، واخذت ايميلي وقالت اي شي راح يصير بنعطيك خبر

اما بخصوص القبول لماجستير المحاسبه
قالت لي نطلب التوفل 550 ، والجيمات 520
قلت لها طيب انا عندي خبره 3 سنين في مكتب من البيج فور هل هذا الشي يعوض لي لو ما جبت الدرجه المطلوبه في الجيمات قالت لي لا .

الزبده اخوي ثامر هل هم صحيح متشددين من هذا الناحيه ولا مجرد واجهه لهم انهم يطلبون درجه عاليه في الجيمات علشان سمعة الجامعة؟؟؟؟؟؟؟؟؟؟؟؟؟

والشي الثاني كيف طبيعة الشعب هناك؟؟؟؟ قريت واحد كاتب في منتدى ( يكثر فيها الرد نك الغير ودودين ) وطبعا ما اعطى اي معلومات ثانيه ما صحة هالكلام ؟؟؟؟

تحياتي