حوار الى كل مبتعثه ..استحي على وجهك ..استحي على وجهك

الله يعطيك العافيه يا اختي .....

انا صراحه مؤيد لك في كلامك ...وفي كل نقطه قلتيها ....

وانا لا امنع المرأه من السواقه لا في امريكا ولا في السعوديه ...وفي نفس الوقت انا ما أأيدها ....

لكن كل انسان خصيم نفسه ...ويعرف كيف يتصرف ..(( وواثق الخطئ يمشي ملكا ...))

والله اني اعرف بنات معهم سيارات ويروحون ويسافرون ويجيون ...ولا عليهم من اي كلام فاضي ...(( انا اشجعهم لاني ما رايت منهم اي خطأ ))

انا اعرف وحده مبتعثه كبيره وام عيال وبناتها في الجامعه .....واذا جاء يوم الجمعه اخذة معظم صديقاتها وتتصل عليهم وتقول لهم الي تبي تروح الملحقيه او السفاره تجي انا رايحه لواشنطن ....

يعني عرفة وين تستخدم عقلها ...وكسبت الشي الطيب بين الناس حتى وهي في الغربه ......

فالبنات الي تحتاج سياره في امريكا ...(( اعطيهم 40 % من البنات )).. اسبابها كثير منها ..مثل ما قلتي ..زوجها او محرمها تعبان ...او بعد المسافه ...او المحرم في معهد وهي في معهد ..

فالحالات الشاذه كثير ولو تكلمنا عنه ما راح نخلص ولا راح نتفق .....

لكن يا ليت انكم نفهمون ان موضوعي ماهو رأأي في السواقه ....

الموضوع شكر الله على نعمه ثم منها حب وولاء للوطن ...

السلام عليكم
بالنسبه للطالبات الي بالمعهد والي اثارو اعصابك كان تتحاور معهم توجه لهم الكلام وخاصه الكلمه الي استحي ع وجهك <ع انه هالكلمه مو مكانها ،أنا اعتقد بان الطالبات الي تناقشو مع المعلمين بالمعهد اكيد هما سألوهم شيء طبيعي لان هالقضيه صارت حديث الكل سواء هنا او هناك وخاصه المراءه تتناولها القضيه وبالمقام الاول بينطرح عليها هالسؤال من قبل الغرب لان في تصورهم المراءه تعاني من قيود والحمد لله هي عكس ذلك وعذرا اخي لا تتمسكون بالقشور وتتركون الجذور المعنى مو كل بنت سعوديه يصدر منها فعل او قول يصير شيء سيء بنظركم
مجتمعي العزيز ارحمو المراءه التي اصبحت هاجسكم
الخلاصه وصلت رسالتك لنا ياأخي العزيز وصدقني لا تخاف ع تحصيلك العلمي ماراح ينزل او يبخسون حقك بسبب حوار بين طالبه وأستاذها واتمنا للجميع التوفيق

ناوي الفراق..
أنا ضد قيادة المرأة للسيارة...
وأنا أشكرك أخوي على غيرتك وكلامك...
والله يهدي كل من عرضت بلدها للإساءة...

تحيتي::
شموخ

رغم ممارستي للتصعلك إلا أني
لم أرتق بعد للصعلكة!

واكتشفت مؤخرا بأن الصعلكة عدوى
والبعض يدعيها
والبعض يقلدها
وهناك آخرون (……)!!!






جميلة هذه الصعلكة

تحمينا (ربما) من قيودنا التي تحظر علينا ممارسة "الفكر"

السلام عليكم انا بس ابي اقول ترا طال الكلام على سواقة المراة واشغلتو خلق الله وسويتو لنا سالفة مع الغرب بس حاب اذكر كل بنت وكل رجل طلع على اليوتيوب او اي موقع على الانترنت وشهر في السعوديين انه كل واحد او واحدة يضل عن الاسلام يكون له او لها من وزرها وذنوبها ولا تقولون حنا مالنا دخل في الكلام هذا اقول فكرو بعوافب الي تقولون فالي تتكلم عند الاجانب وتقول السعودية موسامحتلنا بالسواقة اقولها يمكن يكون هذا الاجنبي معجب بالاسلام او احد الموجوديين بس يبي يشوف المسلمين وانتي اوهمتيه ان الاسلام دين مو عادل فيعدل عن رايه وايضا الي تطالب بسواقة المراة اقولها انتي تتحملين وزر كل وحدة ظاع مستقبلها وشرف اهلها بسبب سواقتها ولا تقلولون كيف اقولك يمكن تكون البنت تسوق في منطقة خالية من العمران ويجيي واحد ولد حرام ويحدها ويطلعها عن الطريق ويسوي فيها مالا يرضيها ولا يرضي احد واخيرا اقول كل واحد محاسب على كلامه فحاسبو لما تقولون

ليش انتوا متحسسين من الموضوع مره ..
الامريكان صريحين ويناقشون قضاياهم بصراحه وبصوت مسموع مو مثلنا كل شي نعتبره عيب وسر ومانبغى احد يعرف كاننا عايشين في كوكب لوحدنا ..؟
هم عندهم قضايا حساسه وماعندهم مشكله لما نسالهم فيها وهم يعرفون انها غلط بس عادي يجاوبون بصراحه ويقولون رايهم وانه شي غبي وهم مو راضيين عنه ..

مثلا سالفه التفريق بين البيض والسود موجوده عندهم ومعروفه والتيتشر قبل امس كانت تتكلم عنها بكل شفافيه وان في ناس الى الان ماتحب السود وتعتزلهم وكانت تتكلم بوسيطه وبدون حرج ولاقالت لاتفشلونا ولا تسالون عنا .. مره كمان كانت تتكلم عن سالفه البوي فررند والقير فرند وتنتقدها وتقول انها شي سيء لكن موجود ومو كل الناس ترضى انها بنتها تكون مع صاحب .. وكانت تتكلم بتقزز قدامي رغم انها تعرف اننا شعب مسلم محافظ لكن كانت تتلكم عادي جدا كانها تتكلم مع شخص من نفس البلد ..

ليش احنا ماعندنا ثقه في نفسنا ونستحي ان الناس يسالون عنا وضعنا عادي احنا بلد وفيها السيء وفيها الحسن واللي احنا ننقله هو اللي يثبت في عقولهم لكن اللي يسمعونه في الاخبار ينسونه ..
ياليت ننتبه لتصرفاتنا ونشوف احنا اش نسوي هنا وكيف اشكالنا الخارجيه بعدين نناقش ونتكلم ..

الله يصلح الحال بس ..

هذا الموضوع اكبر من الجدال الي يحصل فيه لو الدولة شايفة في خير سمحت لكن الموضوع يبغى له دراسة وماراح تسمح الدولة الا بعد فرض قوانين تحمي المرأة
ارجوكم لاتجادلوا فيمالاعلم لكم فيه الموضوع مو خلاص يالله بنسوق ترى أكبر من كذا الحكومة وعلماء الدين لهم الحق في اتخاذ ماهوخير للشعب ...........................
والله يوفقكم انتبهوا على الدارسة ترى الحياة فيها مواضيع اهم من السواقة

السلام عليكم ورحمة الله وبركاته جميعا
اخي اشكرك على غيرتك ولكن لو اخترت كلمات افضل و اسلوبا اجمل وارق ..خصوصا وانه موجه لاخواتنا،،
فاضنك تريد النصح والدين النصيحة بالحكمة و الموعضة الحسنة وبالتي هي احسن..
تمنيت ان تتطرق للشرع و للدين وللعلماء فهم اساس مجتمعنا الصامد فهذا هو الواجب والاجدر بنا..
الغلو في تراب الوطن و ولاة الامر ليس بالمقنع عقلا ودينا فولاة امرنا لم يدفعوا من اموالهم شي وهذا هو واجبهم تجاهنا بل نحاسبهم على كل شي وهذا حق شرعي..
والنقاش في هذه الامور امر شخصي بحدود شرعية،،
عموما لست مع قيادة المراة الابشروط يضعها العلماء الراسخون في العلم،،
تقبلوا وجهت نظري بصدر رحب ،،
< الراي المستقل >

ههههههههههههههههههههههههههههههههههههههههههاي يعني المدرسين عطوك درجه شينه انت واخوياك عشان سوااااقة المرأه اقول العب غيرها وعلق فشلك على شماعه ثانيه

وكل واحد حر هم سألوهم وناقشوهم خليهم يجاوبون
اي صح المرأه ممنوعه من السواقه في السعوديه والبلد الوحيد في العالم اللي يمنع السواقه
يعني مبتعثه سالتها المدرسه تبيها تقول اي مسموح كل يوم وانا طاقه السلف تكذب عشان ترضيك

واللي يفشل صدق هم المبتعثين اللي يوزعون فلوس الحكومه على السكر والبارات ويسقط بالمواد
مو بنت سألوها وجاوبت
سبحان الله اي شي يخص البنات واقفين لهم مراقبينهم حتى بره الديره
وصااااااااااااايه مدري لمتى ومن اعطاكم الحق فيها اصلا

ياخي عشان تتكلم بمووضوع تقول استحي على وجهك اسمحلي لو فيكم شوية حياء وغيرة على بنات السعودية بالفعل كان منعتو السواقين وسويتو عليهم حمله مش معقولة حرمة ورجال بسيارة لحالهم ياخي استحو انتم وخلو الحريم يسووقون احشملهم

والحين وزراة العمل بصداد تنزيل قرار بالسماح باخذ تاشيرة سائق من غير اذان ولي الامر وخاصه للمطلقات والمعنسات والارامل (شوف كيف قمة المسخرة و...حريم محرومات يجبولهم رجال لبيوتهم وهذا مقابل ايش ان الحرمة ماتسوق ياناس حسو لو تسوق المرئة احشملها من انها تجيب سواق)