LinkBack URL
About LinkBacks
وش ذا الموضووووع
ياخي اهدأ شوي
بسألك
ماتقدر تاخذ روميت امريكي..؟
7 " ياخي اهدأ شوي
بسألك
ماتقدر تاخذ روميت امريكي..؟
شرح مدينة بولينق قرين-كنتاكي-bowling green
شرح مدينة بولينق قرين-كنتاكي-bowling green
تنبيه: هذا الموضوع قديم. تم طرحه قبل 4907 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
-
-
- بسالك اخوي عن اسعار الشقق بالنسبة للمتزوجين7 "
واسعار الحاضنات وجزاك الله خير - 7 "كيف حـآلك اخوي محمد .. اسف على قصر الموضوع ولكن انـآ كتبت اللي كنت ابحث عنه قبل لا اجي وكتبت اللي ما لقيته في الموقع واذا عندك اي شيء تبي تعرفه اكتبه لي وانا ان شاء الله ابحاول افيدك فيه ...
بخصوص الروميت الامريكي من ناحية الريجستري صعب انا اول ما جيت قبل لا اوقع العقد قالوا فيه روميت انت وقع وبنشوفلك الروميت ... قلت اوكيه وقعت ودفعت يوم خلصت قالوا مافية الا سعوديين .. وش تبي تقولهم خلاص انت وقعت العقد في عيال بعدي عطوهم وفيه اناس واجد ما عطوهم ...
اما من ناحية السكن الجامعي (الدورم dorm) بتلقى واجد من الاجانب بس وضع المعيشة مهب ذاك الزود حمام الله يكرمك لدور كامل وغرفة صغيرة فيها سريرين وطاولتين وطولاب صغير ..
والا بتروح لسكن بعيد ما اقدر افيدك فيه لاني ما رحت له بصراحة بس يسولفلي واحد انك تشترك بباص ويوصلك للجامعة يمر كل ربع ساعة في موقف خاص قريب لسكن وكله اجانب بس هو ما ارتاح فيه ما ادري ليش .. واذا تبي الراحة ابعد عن الريجستري وراح ترتاح وتستفيد اكثر ..
اسعار الريجستري 409 دولار (غرفة وحمام خاصة صاله وغسالة ملابس ومطبخ مشترك مع 3 غيرك )
الدورم مادري بالضبط بس اتوقع 350 والا 300 ونظامه ذكرته لك فوق ... واي استفسار اخوي ثاني انا حاضر وسامحوني على التاخير في الرد ..
والله ياخوي متفاوته الاسعار على حسب موقعها والمنطقة اللي فيها بس 460 (غرفتين وصاله بيت صغير ) وفيها اكبر من ناحيتك اخوي نواف وضع المتزوج حلو هنا ولا تخاف بالعكس الاخوان اللي هنا مهب مقصرين بتلقاء ناس يبون منك بس الدعاء بيساعدونك بكل ما يقدرون واكثر من ناحية المساعدة ..لا تخافون
واسعار السكن متفاوت زي ما قلتلك من 460 الى 1000 او1100 طبعن كلها تكون ماهي ماثثه البيوت انت اللي تأثث البيت طبعن معدل التأثثيث المبداي يمكن يكفيك من الاثاث المستعمل بـ 1200 الى 2000 دولار .. وبصراحه هذي الديرة افضل شيء للمتزوجين صغيرة ويقدر يخلص اشغال اهله بسرعة علشانها ضغيرة ورخيصة وعلى كلام واحد متزوج يقول تقدر توفر حدود 2000 ريال شهرياً وهذا مبلغ حلو بس في البداية راح تنظغط علشان السيارة والبيت وان شاء الله بتتسهل ...
يا اخوان اللي لقاء في شرحي شيء ما فهمه يسأل انا مستعد اعيد وازيد فيه اي شيء تبي تسال عنه حتى لو تافه اسأل وانا ان شاء الله ابحاول افيدك فيه ...
انا ما كتبت هنا الا ابي افيد اخواني وياخذون فكرة صح عن الديرة وعن اللي هم يبغونه ... ولا ابي منكم غير الدعاء في ظهر الغيب ..
ودمتم .. - الله يعطيك العافية ويوفقك يارب7 "
- آميـــن يــآ أخوي محممد وأي خدمــة أنــآ حــآضر .. أنــآ ودي احط ايميلي علشان لا بغيت شي ترسلي على الايميل بس مدري عن نظام الموقع هل هو يسمح والا لا .. ولا ادري من اسأل ؟7 "
- الله يعطيك العافيه هذا ايميلي7 "
dl3.551@hotmail.com - اهلن7 "
انا معع زوجي راح ندرس في بولينق قرين بكنتاكي في اواخر شهر رمضان ان شا الله نوصل
و سمعنا عن قوة الجامعه و عشان الجامعه قويه لازم نصبر ونبذل قصار جهدنا ا لحتى نطلع من هالمرحله
و ندرس بالجامعه الي خاطرنا فيها هو محاسبه و انا صيدله
و اللله يوفقك بس حبيت اقول (الي يبي الدح دح ما يقول اح )= يعني يصبر عشان يوصل للي يبيه
عندي سؤال عن احوال الجو عندكم حار بارد مممطر عواصف سيول رياح غبار
و هل المعهد ملاين عرب
و حنا - هلا و غلا اختي7 "
انا تبدا دراستي معكم
المدينه حلووه ومناسبه للعائله على حسب ماسمعت عنها
والجو بارد شتاء ومعتدل صيفا - 7 "حياك الله اختي واسف على التاخر في الرد بس كان عندنا ويكند ولا شيكت على الجهاز ... اول سؤالك تتكلمين عن الجامعة الجامعة تعتبر من اقوى 400 جامعة في المجالات الطبيه .. وانا اشوفها احسن شيء لدراسة انك ما تروح لجامعة قوية مرة هذي كويسة ..لان لو بتروح جامعة قوية لازم تكون لغتك قوية وبتتعب عمرك اكثر لما تروح لجامعة قوية مهب شارحين كل شيء بتفصيل لانهم يتوقعون انك ما جيتهم الا وانت عندك بعض المعلومات والمصطلحات المستخدمة في التخصص...اهلن
انا معع زوجي راح ندرس في بولينق قرين بكنتاكي في اواخر شهر رمضان ان شا الله نوصل
و سمعنا عن قوة الجامعه و عشان الجامعه قويه لازم نصبر ونبذل قصار جهدنا ا لحتى نطلع من هالمرحله
و ندرس بالجامعه الي خاطرنا فيها هو محاسبه و انا صيدله
و اللله يوفقك بس حبيت اقول (الي يبي الدح دح ما يقول اح )= يعني يصبر عشان يوصل للي يبيه
عندي سؤال عن احوال الجو عندكم حار بارد مممطر عواصف سيول رياح غبار
و هل المعهد ملاين عرب
و حنا
ولا تحرصون على موضوع الجامعة الحين انتم في مرحلة اللغة الحين احرصوا على المعهد .. وانا ذكرة عن المعهد كل شيء اذا كنت ضعيف يبيلك تضغط على نفسك ... وانا قلت لكم عن الديره انها افضل شيء للمتزوجين ..
ومن ناحية الجو الحين في الايام هذي حنا في الصيف وصيفهم حلو يعني الاجواء متقلبه يعني مافية برد بس فيه مطر فانتم لا تحرصون على الشتويه خذوا معكم بس لا تكثرون كثروا القطع مثل التيشرتات والبلايز كثروها لان في الشتاء يمكن تلبس زي البجامه الثقيلة وفوقها تيشيرت وفوقها الجكيت .. وبتجون هنا وتتقضون بس انا والله ما فريت السوق حقهم علشان اقولك فيه محلات بس ترى المول حقهم مهب ذاك الكبير بس بتحصلون فيه لبس وبتحصل محلات برى ولكن بتلقون ان شاء الله هنا وصح انه بيكون غالي لما تحسبه بالسعودي ولكن يعيش وانا اشوف ان هذي الديرة اسعارها معقولة وقريبة من اسعار السعودية ...
اما عن المعهد فهو نسبة السعوديين هي اللي غالبه في المعهد ... بس مع كذا تتقدر تكسب لغة من المحيط الخارجي لا بعد الواحد عن الريجستري بيلقى اللي يبيه
انا الحين ادرس في كلاس كله سعوديين واشوف نفسي اني استفدت بس مهب ذيك الفايدة انا احفظ كلمات واحاول انقش مع المدرس واشوف نفسي اني ماشي بس طبعا غير لما تكون في عايلة او لك صديق امريكي او اجنبي ..
وان شاء الله اكون افائدتكم واي اساله انــآ حاضر ....
July 8th, 2011, 02:01 AM
بسم الله الرحمن الرحيم ...السلام عليكم ورحمة الله وبركاتة ...
أخواني وخواتي اليوم انا حاب اعطيكم صورة كاملة عن الوضع اللي في المدينة وللمعلومية
<<~هذا رأي الخاص ومن وجهة نظري انا~>>
اول شيء ابتكلم بصورة عامة عن نقطتين او شخصين :
الاول ما عنده اساسيات اللغة ولا يعرف شيء مرة .. فهذا انا اعتقد ياخذ دورة قبل لا يجي ويتقن الاساسيات علشان يمشي ..
الثاني عنده لغة وهذا ان شاء الله اوضاعة في السليم ..
والحين نجي لتفاصيل :
المعهد ELSI :
نظام المعهد بالسمستر السمستر اللي عندهم 4 شهور عادتــأً الا في الصيف فيكون شهرين ..
والاربع شهور ما هي زينه لنا لان لا قدر الله وسقطت بمادة تعيد اللفل كله ...وهذي نقطة مهمه ..
من ناحية تدريس انا اعطيهم وطبعاً كل مدرس او مدرسة يفرقون عن بعض بس كعامت التدريس انا اعطيه من ناحيتي 30% واقل
والباقي عليك يعني انا اتكلم عن نفسي احس مافيه طريقة لتوصيل الفكرة عند البعض من المدرسين يعتمد على طالب يترجم والا في بعض المواد مثل القواعد (grammar)المفروض يكون فيه توضيح اكثر وتفصيل على الصبورة لان الفكرة ما ترسخ الا اذا وثقتها بوقتها بالكتابة ... ويكرفونك واجبات على قل سنع يعني مرة عطتنا اربع صفحات والثانية مدري كم عطتنا ما يمديك تحلها بنفسك كود تستعين بعم قوقل وغير الاختبارات يحسسونك ان يومك 98 ساعة مهب اقل من 12 ... بس كون اللي معه لغة فهذا معهد تبع جامعة ويدخلك الجامعة على طول مندون توفل ولا ILS ...
الوضع الاجتماعي :
انا من ناحيتي اشوف ان عقب من اسبوع كرف ودك تنفه عن عمرك باي وسيلة ومنها تمارس اللي كسبته وهذا صعب تلقاه في مدينتنا الا اذا سكنت في السكن الجامعي (DORM) والا في معك سيارة تروح لسكن ثاني واللي ما حبيته في الديرة ان مالك خيارات تقدير تروح وتسكن في اكثر من سكن كلها مرتبطه بالسيارة وانا ما طلعت من السعودية وجاي اسوق سيارة هنا ابي سيارة لا جيت اسافر بس مهب كل يوم متمغط بالسيارة رايح للمعهد ..
الريجستري :
ازفت مكان وهو اللي خلاني اكره الديرة بجد ..
يسكنونك في غرف زبالة ما عندهم مشكلة اما الامريكي ما يسكنونه الا في شقة عليها الكلام اما انت سعودي غصبن عليك بتسكن عندهم ..
وغير كذا العقد مدة لا تقل عن سنة واذا تبي تطلع لازم تدفع حق باقي الشهور اللي عليك ..
وكله سعوديين قبل لا توقع العقد بيقول لك ابشوفلك امريكان والا سكنت سحب عليك من توقع وتدفع الفلوس خلاص يطلعلك الوجهة الثاني ..(الله لا يوفقهم )
والله اني اطلع من البيت ابي اقول good morng ما تقدر تقول صباح الخير ...
وفي الويكند وين تروح المالك الا المقهى والا تاخذ تاكسي وتروح لمولهم الخايس والا البولينق والا السينما .. هذا اللي فيها بس
وعقب الضغط الدراسي ودك ترفه عن نفسك علشان ترجع لك نفسيه كويسة ومستعد لدراسة ..
ومن ناحية ممارسة ما اقدر امراس بكثافة علشان مافية مكان تمارس فيه الا اذا بتروح الدورم وبتختلط وبتقط وجهك بتمشي امورك ..
واما الوضع في المعهد كله الصف سعوديين (في صفي وفي اغلب المعهد يمكن تتعدى 90 % )
وهذا تقريري انا واي سؤال انا حاضر ... ومن ناحية مواصلات لا تحلم الا بالتاكسي والا بسيارتك الخاصة ...
وغير رجت القطار اللي كل يوم يمر عندنا ...
الميزة الحلوة اللي شفتها ان الديرة امان وتصلح للمتزوجين ... علشانها رخيصة وصغيرة ...
وهي تعتبر ثاني اامن مدينة في الولايات ...
والمعهد تبع الجامعة فيعتبر حلو بنسبة للمعاهد الاهلية وغيرها انا طبعا ُ اعطية جيد الي جيدجداُ للي ما عنده لغة ويمكن ينتج اذا تجنب الريجستري والاختلاط بالسعوديين وشد حيلة في المذاكرة اما اللي عنده لغة فهو جيدجداُ له (اقصد في اللغة انه تاسيسة حلو من السعودية يعرف معنى الفيرب انه فعل ومن هذي الاشياء والقراءة حلوة عنده وعنده كلمات بيمشي )
ولتذكير هذا هو رايي انا ويخصني انا وهذا من نظرتي الخاصة والوضع اللي شفته في بعضهم من الطفش صار تكيته في شقة مع سعوديين وين يروح ووش يسوي ماله الا كذا وكلنا نجي متحمسين ونتحطم اذا شفنا وضع الولاية ...
واهم شيء الراحة النفسية لا ارتحت بتنتج اما اذا كنت شايل هم مثل هم السكن نفس حالتي والوضع اللي عشت فيه ما راح تنتج صح
وهذا اللي اذكرة الحين عن الديرة واي سؤال انا جاهز ...
ولا تنسوننا من دعواتكم ...