اللي عنده معلومات عن المعهد او المدينه يتفضل inlingua - fort lauderdale

هلا بك اخوي وتوصل بالسلامه بحول الله

بالنسبه للمعهد .. ما عندي معلومات عنه

بالنسبه لفورت لودرديل .. مدينه صغيره , هادئه , ساحليه
تبعد عن ميامي تقريباً 40 دقيقه او اقل
طبيعه رائعه , الايجارات والسكن يختلف بحسب القرب من الداون تاون
كل ما قربت ارتفعت الاسعار .. المهم تختار السكن بعنايه
التاكسي غاليه .. الباصات محدوده للمواصلات ورخيصه
ما استخدمتها ولكن بحسب ما اسمع
اذا وصلت .. اسكن بفندق قريب من معهدك
وبتقابل سعوديين وبتلقى الكثير من الاجابات على اسئلتك
اذا معك قارمن خذه معك .. بينفعك كثير كثير
بس نزل خرائط امريكا 2011 قبل

واي استفسار تفضل .. وابرد باللي اعرفه
وجيب قهوه وتمر ودله وفناجين .. والباقي موجود ومتوفر
ولا تكثر ملابس .. هنا افضل واجود وارخص

طيب ممتــآز دام فيه باصات ابستخدمها مبدئياً مع اني مادري كيف شكلها ..!

بس وش فيه مولات في المدينه انا حاولت اخذ معلومات عن فورت لودرديل لكن قليل اللي يعرفونها

وهـل فيه مساجد في المدينه لاني جاي على بداية رمضان ومدري كيف الصيام ؟؟ والساعه كم الاذان؟

وهل هي شمس على طول مثل ماسمعت ..آعذرني اسئلتي كثيره بس بأمانه ماصدقت اشوف واحد من فورت وبمسك فيه ^^

ووشكـكراً لك اخوي ... وجزاك الله خــــير

توصل بالسلامة

فورت لدردلا من المدن الحلوة بفلوريدا

يعني ماراح تمل منها وفيها سوق مشهور اسمهsawgrass

انا مو عايش فيها انا ابعد عنها 25 دقيقة شمالا

بس المدينة حلوة يكفي ان المحلات تشتغل الى 11 و 12 بالليل

مو زي ديرتي 8 وكل شئ مقفل

طبعا بخصوص انلقنوا فهو معهد تجاري بحت..يعني اذا فيزتك على هذا المعهد ادرس شهر وحول
لأنه ماراح يضيفلك شئ كثير..واذا انت تتعامل مع مستقبلي لا تدفع للمعهد ولا للعائلة شئ وبالتوفيق

السلام عليكم
مرحبا اخوي
انا بعد بنفس المدينه بمعهد LAL
ودراستي بسبتمبر
واللي سمعته ان المدينة حلوة
والاسعار متوسطة الى مرتفعة
بالتوفيق يارب
وان شاء الله القاك هناك واستفيد من تجربتك
شكراا.

الله يسلمك حبيبي

انا متعامل مع ماسا وصدقني ماهو احسن من مستقبلي بس ان شاءالله يوصل القبول ومايطول

شكراً لك عزو


ياهلا والله اخوي سلطان

ابد ولا تشيل هم بس خلني اوصل ان شاءالله وبعلمك كل شي فيها من المطار للمعهد

مثل ما وعدتك تراني مانسيتك

شكراً لك



ماشاءالله عليك عناوين ومواقع

انا اللي اعتذر منك لو بشكرك لين السنه الجايه ماوفيت بحقك يالغلاً

مشكورين وماقصرتو وفالكم التوفيق

وان شاءالله اذا سمحت الفرصه لا بد نتقابل

اكرر شكري للجميع ...فمان لله

الله يوفقنا جميعاً