تجمع طلاب و طالبات Georgia Southern University في Statesboro

July 28th, 2011, 06:27 AM

السلام عليكم ورحمة الله وبركاته
هنا راج يكون تجمع طلاب وطالبات Georgia Southern University
في ولاية جورجيا في مدينة Statesboro



والي راح تكون دراستهم 22 اوقست
وياليت الي يدرس في معهد الجامعة يقول لنا عن قوة المعهد وكيف الدراسه فيه
وهنا موضوع للاخ ابو مالك يتكلم فيه عن المدينه والجامعة


اسم الولاية: Georgia
اسم المدينة: Statesboro
اسم الجامعة: Georgia Southern University


معلومات عن المدينة:
مدينة ستيس بورو تقع في الجنوب الشرقي من ولاية جورجيا. الطقس فيها في الصيف حار وفي الشتاء برد على خفيف. المدينة مبنية على طلاب الجامعة يعني كلها طلاب وكل الي شغالين فيها للطلاب. في مطاعم مشهورة زي شيليز وروبي تيوزداي.
وسوبر ماركت موجود في كل شي من اثاث و اجهزه واكل. بس تعتبر المحلات محدودة مقارنه بالمدن الكبيرة. اهم شي السكن هنا رخخخخخخخيص. سعر الغرفة الواحدة يتراوح من 250 دولار الى 420 دولار في الشهر على حسب فخامة السكن واذا تبغى معك احد في الشقة طبعا اكثر الشقق مفروشة. اقرب مدينة هي سافاناه Savannah المطار موجود فيها وتعتبر اقرب اكبر مدينة من ستيس بورو.
بالنسبة للطيران انا اجي من جدة الى واشنطن في 14 ساعة تقريبا وبعدين من واشنطن الى سافاناه في ساعة ونص وبعدين سيارة الى ستيس بورو في 45 دقيقة تقريباً.


هذا موقعين توضح معلومات عن مدينة ستيتس بورو و سافاناه:
www.statesboroga.net
www.savannahvisit.com


معلومات عن الجامعة:
جامعة جورجيا الجنوبية تأسست عام 1906م وتعتبر اكبر جامعة في جنوب جورجيا. الحرم الجامعي جداً كبير يتضمن كل شي تحتاجه من مطاعم منتشرة في جميع انحاء الجامعة, الالات بيع المأكولات والمشروبات, مسارح, سينما...الخ. الجامعة تتميز ايضاً بعده اشياء منها:
السكن داخل الجامعة جدا رائع. نظام فندقي ونظافة وترفية. انترنت وايرلس في جميع السكن وجميع انحاء الجامعة, بلاي ستيشن, اكس بوكس, وي , بلياردو, تنس طاوله...الخ كله ببلاش. هذا موقع يوضح السكن في الجامعة بأنوعه واسعاره:
http://www.gsuhousing.com/halls/ على اليمين راح تلاقو اسماء المباني والصور والمعلومات.
شي ثاني للمتزوجين. الجامعة فيها داي كير للاطفال من سن 6 اشهر الى 5 سنوات ب 500 دولار في الشهر يتضمن حصص وبرامج تعليمة يشرف عليها دكاترة وبروفسورات في تخصص التعليم المبكر.
من اروع الاشياء ايضاً الجامعة فيها مركز رياضي كبير جدا جدا. من ملاعب كورة, طائرة, سله, تنس, كمال اجسام, فنون قتالية, تسلق.... كل شي تتخليوه موجود. وهنا ممكن تشوفو قليل من المعلومات عنه:
http://services.georgiasouthern.edu/cri/


الجامعة تعتبر من آءمن 25 جامعة في امريكا:
http://www.thedailybeast.com/blogs-a...fest-colleges/


طبعاً الجامعة تعتبر من افضل 100 جامعة في امريكا ومن افضل الجامعات في البزنس والكمبيوتر. نسبة السعودين فيها 8 اشخاص انا منهم. اهل المدينة طيبين والحمدلله مافي مشاكل. لايوجد فيها مسجد بس في واحد عنه بيت كبير نصلي فيه وان شاءالله ربنا يقدرنا ونفتح مسجد.


التخصصات:
الجامعة فيها تخصصات كثيرة وهذي التخصصات المعترف فيها من الوزارة:
http://ru.mohe.gov.sa/univ.aspx?uc=s...0&SectionName=


هذا الموقع يوضح كل تخصص بعدد الساعات والمواد وشرح:
http://www.georgiasouthern.edu/majors/



اي استفسار انا جاهز .الجامعة تقدم قبول مشروط لطلاب البكالوريوس. الي حاب يقدم بنفسه في الاسفل المواقع. والي يبغاني اجبله القبول يراسنلي على الخاص. اهم شي تكون نسبة الثانوية 70% على الاقل والي اقل من كذا ممكن اجبله قبول اذا كان متخرج من الثانوية على قبل خمس سنوات او اكثر.


موقع الجامعة الرسمي:
http://www.georgiasouthern.edu/


التقديم للجامعة:
http://admissions.georgiasouthern.ed...ional_freshman


التقديم للمعهد:
http://academics.georgiasouthern.edu...ages/index.php



المصدر: http://www.mbt3th.us/vb/forum8/threa...#ixzz1TM102b6l

واي واحد عنده اضافه ياليت يفيدنا بها

• نشر عبر تويتر
• نشر عبر فيسبوك
• نشر عبر جوجل