hartford

السلام عليكم ورحمه الله وبركاته

كل عام وأنتم بخير

أشكرك أخ محسن على المساعدة , الله يجزاك خير

أنا جديد على المدينة , وساكن بمدينة Shelton بالقرب من New Haven بس متوهق في الاكل والمواصلات

1- عندك أسامي أو أرقام مطاعم للأكل الحلال وعندها خدمة التوصيل؟ , هل التوصيل مجاني ولا بفلوس؟ , هل تعطي موصل الوجبة بقشيش؟
المشكلة أنا بعيد عن نيو هيفن 30 دقيقة فما أعتقد أنهم بيوصلون لي بس على أمل -__-'

2- كيف أعرف أن الوجبة أو الاكل اللي بشتريه فيه أي من منتجات الخنزير؟ , لأني سمعت أنهم يحطون منتجاته على أشياء كثير مثل الكيك.
3- مطعم Burger King , هل عنده أكل حلال؟ <=== أدري سؤال بايخ , أستحملني .-._.-.

4- كيف أعرف أن الباص يوصل لمكان معين مثلاً لنيوهيفن؟ , شو شكل الباصات اللي توصل؟
5- ممكن تعطيني أسعار الباصات , والتكاسي أذا ممكن
6- قريت في أحد الردود أن ليسن السعودية يمشي في كنيتكت, طيب الاماراتي يمشي ولا لا؟ <=== أدري أن أحتمال كبير ما يكون عندك خبر , بس تعرف الامل |-_-.|

أتمنى ما أكون ثقلت عليك , و أذا ثقلت عليك جاوب على اللي يريحك , وتسلم لي ^_^
ولو حد ثاني يقدر ياساعد , بكون شاكر له.

اول شي و انت بخير ان شاءالله و عليكم السلام
ثاني شي انا من يوم ما قريت ليسن عرفت انك اماراتي و النعم فيك والله و ثاني شي والله المدينه هاذي ما اعرف عنها اي شي اللي هي shelton اي شي عن هارتفورد اخدمك فيه بعيوني والله بس المدينه هاذي ما اعرف عنها اي شي للاسف و الليسن الاماراتي يمشي مده سنه و بالنسبه للاكل الحلال او ما فيه خنزير اذا طلبت من مطعم اسآله is it beef or is it chicken ?
because i cant eat it if its a pork or ham او اي اسم له التاكسي يبدى من ٣ دولار الباص بدولار و ربع و الباص يسير مكتوب عليه وين بيروح و بالنسبه للبخشيش اي عطه دولار او دولارين على حسب الوجبه المهم ان البخشيش يكون معقول مو مثلا وجبه ب١٠٠ و تعطيه دولار انا بالنسبه لي ما ازيد البخشيش عن ٥ دولار اذا كانت الوجبه ب٥٠ و فوقها لاكن اذا ب ١٠ او كذا اعطيه ولارين و برجر كنج ما عنده حلال لحد علمي لاكن عنده اكل بدون لحم خنزير اذا كان هذا قصدك

مساء الخير يا شباب ...وكل عام وانتم بخير بعد الزحمه ...

عندي استفسار بسيط في جامعة هاردفورد ...انا طالب بكالوريوس ..وابي قبول مشروط من الجامعه ...انا انحين ادرسل لغه في معهد اكاديمي ...بس ما ياهلني ادخل الجامعه ...ولكن انا احاول اختبر ielts وجبت 4.5 وان شاء الله الجايه اكثر ...

بس يا ليت اذا عندكم خلفيه عن قبول الجامعه هل هو صععب او لا ..وخصوصا باكلوريوس الهندسه الطبيه ( Biomedical Engineering‏ ) ..

موفقين باذن الله

القبول في اختبار الايلس اتوقع انه لازم يكون 5.5 اقل شي لاكن اذا تبي اسآل لك بكره ان شاء الله و ارد لك

والنعم فيك أخوي محسن
مش مشكلة أذا ما تعرف عن المدينة , لكنك أفدتني كثير, أنا كنت فاكر أن نيوهيفن وشيلتون والمدن المجاورة داخل هارتفورد.
بالنسبة للدجاج أو الحم البقري , أعتقد أنهم ما يذبحونه بطريقة أسلامية , وهذي المشكلة الاساسية عندي , لكن لحم الخنزير ممكن أعرفه من خلال الكلمات اللي عطيتنياها Pork or Ham , وسمعت بعد يستخدمون Bacon كدليل على وجود لحم الخنزير , مثل ما توقعت برجركينج ما عنده حلال.
بالنسبة لليسن (أدري أنتو تقولون لها رخصة) , ريحتني الصراحة , بكرة بروح أستأجر سيارة.
لأن التكاسي هنا غ الية , والعداد ما يرحم , والباصات مواعيدها سيئة , قعدت أنتظر باص ساعة ونص وما جاء ولا مر تكسي واحد, ولو بعتمد على الباصات لازم أركب ثلاث باصات عشان أوصل للمكان اللي أريده.
البخشيش , أنا شاء الله بسوي نفسك , أهم شي ما يعصب ويقلب خلقته ولا أريد أظلمه, ترى نحن في بلادهم ولازم نحترم عاداتهم.

مشكور وما تقصر , والله يوفقك.

امين وياك و على فكره اخوي التاكسي ما يمر كذا لازم تتصل عليه و هو يجيك !

أيوا ، زين خبرتني ، لأني مش لاقي تاكسي في المنطقة.
مشكور

السلام عليكم اخوان

حبيت اشكرك اخوي على افادتنا وان شاء الله بميزان اعمالك
واذا سمحتو لي حبيت ارد على الاخ الكريم الي سأل عن الاكل الحلال (وانا اقصد بالحلال المذبوح اسلاميا) ان في موقع ممتاز جدا دائما استخدمه في امريكا اسمه ذبيحه Halal Restaurants and Markets - zabihah.com - your guide to halal eating
تدخل الزيبكود ويطلع لك المطاعم وفي ناس تقيمه بس طبعا انا ماعتمد ع التقييم دائما لان الناس أذواق وغالبهم يحطو الرقم والعنوان فانا زيادة اطمئنان كنت اتصل واتأكد اذا كان حلال لان بعضهم يكون بس لخم او دجاج الحلال
وبالنسبه لبرجر كنغ عنده وجبة فيجي برغر وبصراحه اعتبرها ممتازه لان تحس كانها برغر وليس خضار
اتمنى افدتك ولو شي بسيط

يعطيج العافية أختي على المساعدة

بالفعل تصفحة الموقع ولقيت مطاعم كثير داخل نيوهيفن ، حتى أن الموقع يساعدك في البحث عن المساجد المجاورة والبقالات الحلال.
وفي برنامج بنفس الاسم على الايفون ، بعد يساعدك في البحث عن أقرب مطعم.

أنا رحت برجر كنج ، وكليت من عندهم Big Fish ، طعمه ما كان حلو ،مش نفس اللي في الامارات.
المشكله ما أعرف نظامهم ، طلبت البرجر وبس ، جابوه بدون طماط وجبن وكتشب ، واضح أني لازم أخبرهم شو يحطون لي.
هل فيجي اللي تقولين عليه عبارة عن خضار، يعني عادي أكله؟
زين خبرتيني ، الله يوفقج ويوفقنا كلنا أن شاء الله.

ايوه ياخوي الفيجي حقهم صراحه جربته انا من قلوريدا وكان طعمه كويس وطبعا اكيد عادي لانه خضار يعني مضمون
وبالعافيه مقدما واذا انت من الناس الي تحب تاكل سندوتشات خضار عندك مقهى اسمه بانيرا بريد يبيع اشياء ممتازه
انا مادري فين محله بالضبط بس تقدر تغوغله لانه موجود في كونتكت انا اكلت منه لما كنت عايشه بولاية فيرجينيا وكولرادو

وموفق