جامعة UCF بفلوريدا الله يجزاكم الجنة افيدوني على استفساراتي

يا شيخ قول امين ربي يسعدك ويوفقك ويحقق لك كل امانيك دنيا واخره وترجع من امريكا ومعاك شهادتك وتتوظف بوظيفه اكبر من اللي تتمناها.
صراحه انت وفيت وكفيت رد وافي وكامل بيض الله وجهك وللعلم انا موظف وراح اخذ اجازة بدون راتب لمدة 3 الى 4 اشهر وراح اطلع في البداية على حسابي واذا الله يسرها خلال هالفترة والحقت بالبعثه فالحمد لله واذا لم الحق بها بارجع عملي لاني ما اقدر على تكاليف الدراسة بس عندي بعض الاستفسارات عن مدينة ملبورن يا ليت صدرك يتقبلها مثل الرد السابق:
1- ما هو اسم الجامعة اللي انت فيها في ملبورن واش اسم معهدها وهل هو تابع للجامعة او لا وهل دراسة الجامعة صعبة او معقولة يعني نفس مستوى UCF او اسهل؟
1-اسم الجامعه Florida institute of technology المعهد تبعها معهد ELS هو يعتبر نوعا ما تابع للجامعه لانو اذا انهيت اللغه عندهم تشيل الجامعه عنك شرط اللغه. الدراسه هنا تعتبر نوعا ما معقوله يعني في كل تخصص بالكثير تلقى دكتور ولا دكتورين اللي يجيبون الغثا والباقي ممتازين. نعم هي اسهل من ucf بالاضافه انها جامعه اهليه وتقريبا رسوم الترك الجامعي فيها = ١٥ الف دولار
2- كيف اجواء المدينة هل هي نفس اجواء اورلاندو؟
٢- الجو نفس اورلاندو بالضبط.
3- كم تبعد عن اورلاندو وميامي وواشنطون؟
تبعد عن ميامي تقريبا 3ساعات بالسياره وعن واشنظن ساعتين بالطياره. شوف الرابط هذا سويتو عن طريق جوجل مابس، راح يوضح لك بالضبط مكان كل مدنيه والمسافه بينهم
http://maps.google.com/maps?saddr=Orlando,fl&daddr=Melbourne,+FL+to:Maiam i,+Florida&hl=en&sll=27.166695,-80.749512&sspn=4.944684,10.777588&geocode=FeB1swEd XEAm-yl3vM3-2HPniDGev6U8BrLDCg%3BFauFrAEdkwQy-ylNmXFHLA7eiDGo0gypVLLNiw%3BFSmCiQEdedc3-ykRwcgOorDZiDFlT63dcfKW_w&vpsrc=0&mra=ls&t=h&z=7
4- كيف حجم المدينة وكيف اماكن التسلية والترفية فيها هل هي كثيرة والا لا وبشكل عام كيف جو المدينة لاني اذا اخترتها راح ادرس المعهد والجامعة فيها ان شاء الله ولو كانت كئيبة راح يقفل جو الدراسة عندي؟
٤- المدنيه نوعا ما صغيره واماكن الترفيه محدوده. الترفيه يرجع للشخص نفسو بشكل كبير، يعني بصراحه انا ماراح تسير كل تخرج لاسباب كثيره منها الدراسه والتكاليف. يعني كل فتره اطلع اورلاندو ولا ميامي وبكفايه هذا بالنسبه لي انا. في شباب يقولو انو المدينه كئيبه وفي ناس لا بهذي بصراحه ماودي اعشمك علا ي ويكون غير اللي في بالك لانو كل شخص له مقياس للمدينه اذا كانت كئيبه او لا.
5- كيف مستوى الامان فيها بالذات مع العوائل؟
٥- المدينه امنه وفي عواءل كثير وانا انشاءالله زواجي اخر الترم وراجع مع زوجتي.
6- هل الجامعة والمعهد معتمده في التعليم العالي؟
٦- المعهد والجامعه معتمده ولكن زي ماقلتلك اول فيها تكدس طلاب سعوديين ومانعين احد ينقل عليها من المبتعثين لكن بالنسبله للي علا حسابهم مادري اش الوضع بالضبط لاني انا كنت ادرس في معهد مقفل والتحقت بامر الملك قبل سنه. اعرف ناس كانو في معاهد مقفله والتحقو وناس قالولهم غيرو قبول الجامعه، المشكله انو مافس نضام واحد ثابتين عليه واذا سالت يقولوك ٣٠ ساعه النظام اللي من قبل ٣٠ سنه. اخر معلومه اعرفها هي انو اللي يخلص لغه ويجيب قبول نهائي (غير مشروط) تجيه البعثه علا حسب كلام العيسى.
7- كيف القبول في المعهد والجامعة هل هو سهل؟ وخلال كم يجيني الرد؟
٧- قبول المعهد سهل وسريع جدا ولو تبغا اقدر اخدمك فيه واذا حاب تسوي بنفسك مافي الا ابلكيشن سهل جدا وصوره جواز و ١٥٠ دولار رسوم الابلكيشن وكلها ٤ ولا ٥ ايام والقبول صادر. بعدها ب اسبوع يكون في السعوديه. قبول الجامعه ياخذ من اسبوع ل ٣ اسابيع ونادرا ماياخذ شهر ( كل اللي اعرفهم جاهم رد في خلال اسبوع وانا منهم)
8- كم لك عايش في ملبورن؟
٨- لي تقريبا الان حوالي شهرين.
9- هل الجامعة تعادل ساعات دبلوم التسويق من الكلية التقنية علماً بأن معدلي 4.71 من 5 ولله الحمد يعني اقل تقدير +B
٩- اللي اعرفها ١٠٠٪ انو الجامعه ماتقبل اي شي اقل من c+ ولكن لهم نظام معين بالنسبه للمعادله ويعتمد لو كانت دراستك انجلش ولا لا، وعلا حسب الشرح حق الماده. يعني الشغله ماهي واضحه وهذا حال اغلب الجامعات يقولك قدم وادينا اوراقك ونشوف ونقولك،طبعا انا اقصد المعادله.
10- اذا ممكن ترسل لي ايميلك عالخاص اكون لك شاكر ومقد لان مشاركاتي ما تسمح لي ارسل لك ايميلي عالخاص واذا مو ممكن عادي جداً.
١٠-انا اضفتك بس ترا هذا شي ضد قوانين المنتدى وترا جاني تنبيه اكثر من مره لايزعلون علينا المشرفين هههههههههه
11- هل فيه شهور معينه في السنة لازم التحق فيها للدراسة في المعهد مثل نظام بعض المعاهد والا اي وقت اقدر اجي لأني اذا انهيت اموري من بدري ابي اجي خلال شهر ونص من الان ان شاء الله.
١١- المعهد كل شهر تقريبا لهم يكون ترم. انا واحد من الشباب جاي مو الشهر هذا اللي بعده ودراسته راح تبدا في 5 December
12- اضافات تقترحها علي.
١٢- اذا انت من اهل الرياض انشب للموسى و روح له انشاءالله ٥٠٠ مره ولاتطلع الا ومعك امر اركاب لانو هذا يعني انضنام للبعثه بمجرد وصولك لامريكا. اذا عندك واسطه مع اني ضد الواسطه واعتبرها ضلم،لكن هذا حال ربعنا في الملحقيه اذا ماتعرف احد يعطلونك.شغله اخيره انا ماعندي اي فكره زي ماقلتلك فوق عن مزاج الملحقيه في الالحاق لو كان المعهد او الجامعه فيها تكدس طلاب سعوديين. واذا تبغا الحق كل المعاهد فيها تكدس مافي معهد اسمع عنو او شي الا وفيه اقل شي ٣٠ سعودي وسعوديه، ولايه ميسيسبي معهدها فيه سعوديين يعني لو ترفع حجر يمكن تلقا سعودي من طلاب المعهد.طبعا الشغله تعتبر نسبيه ،يعني عدد السعوديين كثير بالنسبه كطلاب. الجامعات بصراحه كثيره جدا في امريكا وفي منها جامعات غير معترف فيها و الاغلب معترف فيها ولسا في جامعات مافيها ولا سعودي واحد وهذي الجامعات اللي ابدا ابدا ابدا لاتروح لها ،لانك بتتورط في اشياء وفي دكاتره ممكن تطر تنقل بسبب هالشي و اسال مجرب . الجامعه اللي فيها سعوديين يسهلون عليك امور كثير ويعطوك نصايح والدكاتره الكويسين حتى لو كان مافي الا دكتور واحد يدرس الماده وسيء، اقلها تعرف وتخلي الترم نوعا ما سهل عشان تتفرغ للماده هذي وللدكتور هذا.
تحياتي ابو سلمان

بالنسبة جزئية الفترة الي ياخذونها علشان يردون عليك انا بدون اي مبالغ او لي تقريباً خمس شهور وانا وهاذي الجامعة مراسلات (عن طريق واحد من الشباب عند لغه) كل اشوي ايميلات بالمطلوب وطلعت قبل تقريباً شهرين فاهم غلط وهم بعد فاهم غلط !!!

انا اريد قبول مشروط والي يريد قبول ما يحتاج يعبي الابليكيشن حق الجامعة وإضافة للمتطالب الثانيه مثل الاهداف الشخصية والاهداف الاكاديمة ومقاله (طبعاً اتكلم عن الماستر) مجرد فقط شهادة بنكية وسيرة ذاتيه والتخصص المطلوب دراسته فقط !!!!!

المهم ارسلت لهم المطلوب وردو علي قبل فترة قالوا لي التخصص الي تبيه ما نعطي فيه قبول مشروط ولا سبق اننا عطينا احد قبول مشروط فيه !!! تخيل بعد 5 شهور مراسلات وإيميلات وكتابة اهداف الخ..

بالنهاية قالوا لي ما نعطيك قبول مشروط !!!!!!!!!!!!!

زبدة الكلام قبل اي شي اسألهم اذا عندهم بالتخصص الي تبيه انت قبول مشروط ولا لا علشان بس ما تتعب زي وبالنهاية تطلع خالي الوفاض !!!!!!!!