مساعدة ماهي أفضل معاهد اللغة في واشنطن أو فيرجينيا ؟

يااخوان اشغلتو الادمية هي سالت عن المعهد اللي يقبلها بسهوله وتحول منه بسهوله.وعلى فكره مش كل المعاهد تحول منها بسهوله.انا جابولي الوزارة قبول على كابلن ديسي الله لايوفقهم ولايوفق مكتب تجسير ولا الوزارة اللي ترسلنا على معاهد تجاريه وتعبانه بعد.
انا الى الان اوراق التحويل موقفه من شهر سبعه في المقريشن.وقاعد ادرس في نوفا بدون اي توني .معطيني صورة طلب التحويل اللي قدمته لهم الين تنحل مشكلتي مع كابلن .
لكن معهد زي انلنقوا يحولك في نفس اليوم.وانا اتفق معكم في الفائدة من المعاهد.المعهد سواء كان قوي اوي ضعيف نسبة الفايدة منه لاتتعدى 25% الباقي علينا حنا تقرا تسمع تكتب تذاكر تجيب اللغة .تفلها وتقول صبولي اللغة مع راسي عمرها ماتجي.صحيح ببتعلم لغة الشارع لكن ماراح تفيدك اكاديميا.
الشاهد يانورة قدمي من الان على المعهد اللي تبينه القوي لانها تكون فل قبل الدراسة حاولي تلحقين التقديم.وخذي اي توني من معهد تجاري عشان وقت التحويل يحولونك الى اي مكان تبينه.
انا الان ادرس في نوفا ماناسس.وقبله درست في انلنقوا شهر عرفت الضماير وبعض الاشياء المهمه فعلا في الحياة اليوميه وين وكيف اطلب واعرف العناوين زي كذا..

بالتوفيق وكل واحد يصلح سيارته.

خالد يارجال الله يوفقك بالمعهد هذا صدقني اتمنى لك التوفيق بس لاتوهق غيرك فيه ..واذا قصدك على الشاشه اللي بالصاله ههههه باقي عايشه

ابيك ياخالد انت اللي تجي وقت ما تكون فاضي تشوف الفرق بين نوفا وبين معهدكم ..ونوفا اقيمه ممتاز مو قوي لكن معهد متعوب عليه وفي مدرسين وربي مدرس واحد بس

ياشيخ يدرس لك اللي عندك كلهم اولهم كوخان مدير المعهد ..اللي حاب أقوله يا خالد مو لنوره لك أنت واللي معاك بالمعهد جرب وشوف الفرق

بأفصل لك ياعزيزي وأنت أحكم براحتك عندنا ثلاث كلاسات استماع ومحادثه كلاس واحد وقراءة مع كتابه مع قرمر كلاس اخر الكلاس الثالث اضافي اللي هو فوكابلري مفردات

من غير مكتبه كبر معهدكم كله .. زيادة على معمل كمبيوتر فيه مراجعه لكل اللي تدرسه بكل الكلاسات ..واضافه على كذا معاك ٣٠ دقيقه محادثه مع شخص امريكي و٣٠ دقيقه كتابه اكاديمية مدرس مختص

اكاديمي تدري ما أبي أكثر عليك بس هذا اللي أنا شغال فيهم لتطوير لغتي وماخفي كان أعظم تدري تعال شوف بعينك بس ياليت تقارن بعد التفصيل هذا معقول ماراح أتعلم أفضل من تعليم معهدك فل برايت

وأنا معاك اللغه راح تعتمد عليك أنت يالشخص نفسه بس مع كل اللي قلته توقع تعليمي راح يكون نفس تعليمك من ناحية اللغه !


صدقني نصيحة أخ وترى الفتره محسوبه عليك الا هل بلغت اللهم فأشهد .

يا شباب انا جاني اي تونتي من معهد جورج تاون الدراسة تبدا في يناير وتنتهي في مايو هل هذي الفترة كافية حتى اتقن اللغة واحصل على درجة عالية في التوفل او انه بعد شهر مايو هناك تحضيرات اخرى من قبل معهد جورج تاون . الصراحة انا استغربت جدا ان مدة الدراسة بس اربعة اشهر يعني هو هذا الترم الواحد اربعة اشهر بعدين ادخل على الترم الثاني وزي كذا ولا هيه بس اربعة اشهر وبس . افيدوني مشكورين

هم يعطونك قبول للترم الواحد وبعدها تقدم عاللي بعده...اما توفل في اربعه شهور احسها صعبه والله يوفقك

معليك ما كلامهم رحى بس المعهد الي قال عنه الدكتور خالد معهد حلو ونظامة شهري صديقتي تدرس فيه وتمدح لي كثير .

خلود ترى الدعوه مو عناد ..؟

السؤال صديقتك جربت تدخل معهد أكاديمي قبل هالمعهد ؟

سلامات انت محامي منتدي مبتعث ، انت عطيتك رئيك وخلاص ما لك دخل في الناس ، تبغي تسوي فيها الاب الحنون على الطلبه

وانا كمان راح انقل للمعهد هذا ، ما لك علاقة في الناس ، انت حط ريئك وتوجيهاتك وخلي الناس يختارون ، مو تجي تقلي عناد ومو عنااد

مداخلة بسيطة للجميع ونورة بالخصوص...
شي مهم لا زم تحطون بالكم عليه....لا تخش معهد بس علشان تعدي التوفل....بعض المعاهد تريحك بعدين براستك....

اوضحها على وضع نورة لو سمحت لي....اذا المستوى ضعيف الى حد ما....لاتضيعين وقتك مع تاون....روحي معهد مستقل مثل ماقالو الابطال اللي فوق زي ILI او Nova بعدها روحي لتاون....

نظام تاون مختلف حبتين (انا مادرست فيه بس سالت بشكل شخصي عنه لاني في جامعة جورج واشنطن) نظامهم انقليزي اكاديمي مو لغة كلام يومي او قواعد او بس كيف تعدي التوفل....يعلمونك اللغة بطريقة تفيدك بكتابة البحوث ،التلخيص المخاطبات الرسمية.....وصدقيني تري هالشي مره مهممم بعدين ،،، من قوتهم بعض المستويات اللي يدرسونهم دكاتره في اللغة....

اهم شي لا يصير تركيزك على التوفل بس....

اي شي ثاني انا بالخدمة.....ابراهيم

خلود .. وراك معصبه ههههههههاي ولا لإنك خلاص راح تنقلين للمعهد هذا الا تبين يكون المعهد ممتاز خلاص معهدك أفضل معهد بأمريكا كلها ومعهدك هذا بس تخلصين أخر ليفل راح تدخلين جامعة جورج تاون ع طول هههههههههههههههه ... قسم بالله بعض الناس عقليته ع قده ع العموم الله يوفقك بالمعهد تبعك صدقيني أتمنى لك التوفيق بس تذكري كلامي وأنا مو محامي لمنتدى مبتعث ولا أب حنون أنا أنسان جربت وشفت بعيني وحاب أنقل التجربه هذي لغيري وسوري أخت نوره لأني طلعت عن لب الموضوع

أخيراً : أنا اللي عندي قلته وهذا من واقع تجربه وأتمنى التوفيق للجميع وكثر الكلام مافيه فايده خلود

سوري للمره الاخيـــــــــرره نوره