مبتعث مجتهد Senior Member
الولايات المتحدة الأمريكية
ebbo , ذكر. مبتعث مجتهد Senior Member. من السعودية
, مبتعث فى الولايات المتحدة الأمريكية
, تخصصى oria h3
, بجامعة not yet
- NOT Baltimore, Kingston
- السعودية
- Aug 2010
المزيدl November 17th, 2011, 08:42 AM
November 17th, 2011, 08:42 AM
بسم الله الرحمن الرحيم
مدخل ..//
الجامعة University Of Maryland - Baltimore County
UMBC
المعهد ELI >> وهو تاآبع للجاآمعة
( ميريلاند - بالتيمور )
شوف الصورة.. عشان تعرف موقع الجامعة والملحقية وتاوسون الخ
upload pics
طبعا اغلبية الكلام حيكون بالعامية .. 
بس ان شالله بحاآول اكتب المفيد عن المعهد والجامعة والمدينة ..
اهم شي لا تنسى كوب الشاهي جنبك ومشاهدة ممتعة لوول
الموضوع احفظوا عندك.. محى تستوعب كل الاشياء دحين,, في اشياء حتحاجها وقت الوصول ,, واشياء بعد الوصول والاستقرار المبدئي,,
نجي للمدينة اول شي ..
طبعا سكان الولاية بصفة عامة يعتبروا شوية مرفهين ..! ومثقفين وكتيير موظفين بوظايف حلوة وكتيير فقراء..!
والاغلبية فرندلي طبعا .. ومالهم وماآل العنصرية ابدا .. ويحبوا المسااعدة ..
اما المدينة هاآدئة .. وراآيقة .. واآماكن الفلة بشكل عام في الولاية مش مرة كثيرة هدى احد الاسباب اللي يخلي السعوديين يشردوا منهاآ ايضا .! لانها تعتبر دراآسية اكثر من انها سياحية ( ازا نقارنها بـ نيويورك او لوس انجلوس مثلا)
اما مقارنة بمدن تاانية كتيير في ولايات الطلاب ,, بالتيموووور احلى
فيها اماكن فلة كويسة ومولات وسينمهات وصالات ترفيه للالعاب المعتادة .. ليزر قيم .. بلياردوا .. بولينق .. الخ .!
ومع انو بالعكس هدي بتعتبر ميزة لانك بتركز على دراآستك .. بعيد عن الزحمة والدوشة والصجة ووو
وفيهاا كافيهات عربية ووو..
وفي نفس الوقت هيا موقعها حلو .. لانها قريبة من نيو جيرسي ونيويورك .. تبعد عنها تقريبا تلاتة ساعات بالسيارة .. وفيلاديلفيا ساعتين.. وفرجينيا و واشنطن دي سي تبعد 30 لـ 45 دقيقة ..!
يعني في حاآجات بتعوض عليك .. وتقدر تفلها في الويك اند وتنبسط ..
وغير انو مطاآر واشنطن IAD يبعد ساعة
والجامعة تبعد عن السفارة والملحقية اقل من ساعة .. !
اسعاآرها غالية شوية.. يعني المكافأة بالقووة تكفي
والسكن متوفر وعلى سبيل المثال بامكانك تجد عائلة في حدود 850 شهريا مع وجبتين في اليوم الخ .. س قليلة العوايل هنا
وتوجد شقق قريب من الجامعة مثلا مكونة من تلاتة غرف وحمامين بمعدل 1600$ شهريا.. وتبعد دقيقتين بالسيارة ! او انك تاخد باص الجامعة او باص المدينة!!
ومعدل الغرفتين تقريبا1200$
الغرفة 1000$
انا طبعا ما اقدر احدد اش افضل نوع سكن ,, لانو كل واحد لو رأيوا وكل واحد يروح المكان اللي يلاقي فيه احتاجاتوا,, كل مجمع شقق لو ميزة حولو
او سكن الجامعة كحل اخير .. مع اني ما افضل لانو يكون شوية غالي .. !!
عدد السعوديين كان جدا قليل في السنوات الماضية, لكن اليومين دي العدد زاد والمعهد شبه مقفول! لكن اللي اصلا عندهم قبول من قبل ما يقفلوه يعني ان شالله اوكي وضعهم ةهما اللي حيعدوا بتجربة المعهد الممتعة والمرهقة
وعشان كداآ اكييد المعلومات لسا قليلة في المنتدى هنا ..!
وعارف اغلب اللي بيدوروا معلومات عن الجامعة تعبوا وهما يدورا وفي النهاية طلعوا بكلمة او كلمتين .. وسلبية كماآن .. لانو الامور مش متضحة ..!
وحتى السعوديين في المعهد للاسف بيتناقلوا الكلاآم .. بدون مصدر موثوق او بدون توضيح للامور !
وانا عن نفسي قبل ما اجي الولاية كنت مخطط في اول كم اسبوع احاول انقل .! مع الكلام اللي قريته في النت .. لكن الان الاموور اختلفت الان بعد اتضحت الامور .!
لاني الحمدلله طحت في جماآعة وضحولي الامور .. وبدات اتعمق في الاسئلة لغاية ما اخدت فكرة كاملة عنها مع الايام .. وخصوصا انهم من مواليد الولاية ! وفي من ضمنهم واحد شغال في البوليس ديبارتمنت
صحيح انو في جراآئم .. لكن اغلبيتها في المنطقة المش محبوبة - في بعض اطراف الداون تاون - الموجودة في بالتيمور سيتي .. والجامعة في بالتيمور كاونتي ..! لانو فيه فرق !
وزيهاآ زي باآقي الولاآيات .. يعني لاتخرج في الليل وابعد عن الاماكن المشبوهة واتوكل على ربك .. وان شالله مافي الا كل خخير ..
نتكلم عن المعهد ..
English Language Institute
عشان تعديه وتتطلع للجامعة لازم تعدي الليفلات الخمسة ازا كنت بكالوريوس .. وبالنسبة للماستر فهي ستة
الليفل الواحد= 4 شهور
بس فيه حرركة حللوة,,
من ليفل 1 الى 3 ,, في نص الترم اذا درجتك طيبة يمديك تطلب اختبار تجاوز المستوى بحيث انك تتطلع للمستوى اللي اعلى منو
في كتييير طبعاا استفاادوا من الحركة دي,, مثال: جو المعهد على ليفل 2 ومع اختبار تجاوز المستوى خلال ستة شهور انتهوا من الرابع كمان وطلعوا الخامس
المعهد في رأيي طريقة تدريسو حلوة
والمدرسين ولا أروع .. ما اقوول كلهم مثاآلين .. لان كل مكان فيه النوعين .. بس الاغلبية كويسين
ولاننسى انو المعهد يديك الزبدة ويوصلك المعلومة .. وانتي عليك الباقي وتحاول تمارس الحاجة دي .!
المعهد مشدد ويزيدوا في القوانين,,
زي مثلا على نهاية المستوى الخامس,, عشان تطلع الجامعة لازم تجيب A or B + تاخد اختبار الميتشقان تيست وتجيب درجة يحددوها هما كل مررة ,, بس العادة حول السبعين
( بس الماستر اللي ياخدوا ليفل سكس,, ماعندهم الكلام دا,, يغلقوا لغة ويخشو على طول جامعة)
بس المعهد يعني بصرااحة يعللم صحح وما يعديه الا واحد خلاص اوكيه في اللغة
وغير الخدمات المميزة اللي بيقدمها المعهد ..!
رحلات مجانية لبعض الولايات ..
والخدمات المجانية الكثيرة داآخل الجامعة او برسووم اضافية للترفيه وكدا
وبالاضافة للتامين الصحي طبعا لازم لو ماعندك بعثة وعلى تامين الملحقية
وفي نظام حلو كمان من برامج المعهد في نظاآم الـ conversation partners .. نظام المحادثة والتعارف .. المعهد بينسق مع طلاآب الجامعة بحيث انهم يتطوعوا ويساعدوك في اي شي تحتاجو عن الجامعة او برا الجامعة .. يعني نظام تعارف لاجل طلاب المعهد وتفيد الحركة هدي على اساس تقوي المحادثة عندك وبتكون في الاساس على شكل ساعة في الاسبوع او بعض الاحيان الطلاب ينسقوا ويتقابلوا كل يوم ..
انا عن نفسي علاقتي كانت اوكي بيني وبين البارتنرز اللي جوني,, انا جوني اتنين قبل سنة بالضبط,, وليوومك متواصل معاهم ونخرج سوا ولعب وفلة سوا الخ ,, يعني على حسب انت لو حاب تستفيد من البرنامج دا وتاخدها كصداقة حقيقة يمديك تسويها
والتسجيل فيها بيكون اختياآري .. وبناءً على هواياتك وملفك الشخصي حيجيك الطالب لانو شخصياتكم متقاربة طبعاآ ..
( مررة مفيدة هدي الخطوة )
وفي حاجة حلوة كمان في المعهد.. لما توصل ليفل فايف.. في كلاس الليسننق والسبيكنق بتكون مجبور تحضر كم كلااس جامعي مع الطلاب وتلخص المحاضرة بعدين .. لانو جزء من المنهج عشان تعديه
خطووة مررة حلوة لانها بتديك فكررة عن الجاامعة وتشيل القلق من رااسك
وبمجرد قبولك في المعهد .. تتم معاملتك على اساس انك طاآلب اكاديمي منتظم! ليك نفس خدمات طلاب الجامعة والباص المجااني,,
البااص المجاني اهم شي,, لانو كتير بيعتمدوا عليه في اختيار مكان السكن وجاي فيها تحت بالتفصيل ان شالله ( على خفيف )
**** على حسب علمي انو المعهد مقفول حاليا,, طلاب كتير فيلو بس سمعت انو فيها استثناءات طبعا اتواصل مع الوزارة او الملحقية واتاكدت منها
المواصلاات,,
طبعا المواصلات هنا مش بطالة,, ولو اتعودت عليها يمشي حالك,, واحلى شي فيها التوفيير
اولا: يمديك تستخدم باصات الجامعة في التنقل والزيارة الخ,,
طبعا الحلو فيها انك تركب مكان ماتبى وتنزل مكان ماتبى,, يعني مو شرط تركب من الجامعة او تنزل في الجامعة!
في ابلكيشن موجود عالايفون اسمو Transloc يمديك تتابع الباص في يمشي في الخريطة وتعرف مكانو,, في النادر الابلكيشن ما يشتغل صح والباص يكون متاخر في الخريطة,, تقريبا مرة في الشهر تسير واحيانا ازا الشبكة ضعيفة ما يشتغل كويس
( حتستخدم الايفوون كتيير هنا ينفع,, براامج باصات واشياء تانية) وحتحتاجها كتيير,, هنا مررة مو زي السعودية .. لو واحد بيوصف ,,
( رووح سييدا سيييدا ,, وخد يميين وتاني يميين,, ومع الاشارة يساار وبعدين تحصل بقالة عم علي !!)) هنا في امريكا مررة ماينفع الكلام دا,, الكل هنا بيمشي بـ GPS
واحيانا تستخدموا وتضيع,, سوا بسيارتك او بالباص ,, المهم,, نرجع لموضوعنا,,
خدمة المواصلات الجامعية المجانية مقسمة على عدة باصات اهمها,, واظن كلها فيها واي فاي
Arbutus Line
Catonsville Line
BWI and Mark station Line
Halethorpe Line
Arundel Mall Line
نبدا بـ Arbutus Line
بس انا انصح الطلاآب الجدد في البداآية انهم يسكنو في المناطق القريبة من الجامعة بحيث الباص المجاني الخاص بالجامعة يقدروا يستخدموه ويستفيدوا منه ..
وفي نفس الوقت لانو الباصات العامة بتكون متوفرة في هدي المنطقة ويقدروا يروحوا المولاآت ..الخ
على الاقل لغاية ما ياخدولهم سيارة واحوالهم تستقر ويتعرفوا بنفسهم عالاجواء والمكان .!
في الصورة انا موضوح مسار سيروو,,
image upload
الدوار معناها الاماكن المححدة للباص يوقف فيها,,
واغلبية شقق السكن موجودة على مسار الباص,,
يشتغل طول الاسبوع ( تقريبا كل ساعة يطلع من الجامعة لغاية 11 في الليل)
Catonsville Line
free photo hosting
يشتغل طول الاسبوع
( جدولو قريب من اللي قبلو)
Halethorpe Line
upload
يشتغل طول الاسبوع بس مو على طول ( يعني ممكن ياخد لفة الساعة تمنية الصباح واللفة التانية العصر)
ويعدي على محطة قطار بنفس اسمو ( هيلثورب )
Arundel Mall Line
photo storage
في مول يبعد تقريبا 20 دقيقة ,, الباص يروحلو لكن يشتغل بس ويك اند
BWI and Mark station Line
هدى يروح على محطة القطار اللي جنب المطار,, ومن محطة القطار في باص مجاني للمطار,,
وتحت بتكلم عن فايدة القطار,,
upload pic
بس يشتغل ايام الدوام ( الاثنين - الجمعة )
الجدول موجود على موقع الجامعة.. UMBC Transit
او لو حاب تعرف عنو بزيادة,, روح الموقوع وشيك على قسم الترانزيت
تانيا,,
يمديك تستخدم باصات المدينة نفسها,, تابعة لشركة MTA واغلبية باصاتها تقريبا شغالة 24 ساعة
سعر التيكيت ( 1,60) للون واي ,, لو تباها لليوم باكملو بـ 3,50 وطبعا اووفففر لو بتستخدم الباصات كتير,,
على حسب مكان سكنك حتبدا تستخدم الباصات لو ما عندك سيارة,,
في اماكن تاخد منها الباص رقم 10 وفي 46, *35, 77,99, 23
وتتنقل مسلا من سكنك للداون تاون**,, عالمطار ,, محطات القطار,, مولات وباقي ارجاء المقاطعة
(10 + 23 + 46 + 35 ) هدي بتكون في اماكن السكن اللي يمر عليها باص الجامعة وتروح الداون تاون
المسافة تقريبا من الجامعة للداون تاون بالباص ( 30 دقيقة لانو يوقف )
*ميزة 35 انو يعدي برضو على الجامعة ويوقف فيها
**من الدااون تاون يمديك تنتشر لكاافة ارجاء بالتيمور,, ومنها يمديك تطلع على تاوسون ( مديينة حلوووة وفيها مول حلو ومطاعم عربية وكافيهات الخ)
مثلا لو حاب تطلع تاوسن حتاخد باصين,, اي باص وديك الداون تاون وبعدها تاخد باص 8 او 48 وعلى تاوسون
والمسافة برضو تقريبا 30 دقيقة
شوف الصورة عشان توصل اكتر
pic hosting
طبعا يمديك عن طريق موقع MTA تشيك ع الجدااول وتشيك متى الباص الجاي يجي,,
ويمديك تستخدم خراايط قووقل عشان تشيك عالباص الجاي,, وهدي انا دايما استخدمها
تكتب عنوانك اللي انتا فيه,, والمكان الالاخير اللي تبى توصلو,,
شوف الصورة للشرح ,,
photo uploader
لو تلاحظو انا مختار ايقونة الباص,, لانو في درااجة وبسيارة ورجولك,, لانو الطرق تختلف طبعا حسب خيارك,,
ولو مش متاكد من عنوان مكان معين,, اكتب اسمو في قووقل ويطلعلك عنوانو على طول انسخو وحطو في الخرايط,,
( طبعا لاتجربها في الشرق الاوسط عندنا عشان لا تنشل من الحووسة)
وكلها مجربها وكل وحدة لها متعتها,,
بس طبعا لما تركبوا الباصات كونو طبيعيين لانو ممكن تشوفو اشكاال غرييبة X_x
واحلى حاجة في الباصات في كامرات يعني اماان ان شالله 
في برنامج على الايفون اسمو.. ِ City Maps طيب للباصات ,, بس احيانا تكون فيه غلطات بسيطة,, زي خرايط الجهاز نفسو مع السوفت وير الجديد!!
تالتا::
ايجار السيارات.. افضل مكان وما يعقد الامور ( سوشل سيكورتي نمبر ,, عمرك +21 ) يعني يمشيلك الامور,, انك تاخدها من شركة هرتز Hertz من المطار BWI .. في شركات كترة بس شروطها معقدة شوية,,
لما تروح تستاجر حتى لو عندك رخصة امريكية.. خد السعودية استاجر بيها واعطيهم عنوان السعودية.. وحيطلبو منك 200$ تامين عشان ترجع السيارة سليمة.. السيارات العادية تقريبا بيكون سعرها على 100$ في اليوم
وحدة مسلمة الله شغالة هناك مررة كويسة احيانا تجي واحيانا لا ,, دوامها ملخبط,, المهم لو كانت موجودة تحب تساعد المسلمين,, وممكن حتى لو رحتلها بدون رخصة تاجرلك بس تسوي دسكااونت جباار
البنزين عليك.. والمايلات مفتووحة
ايجار السيارات من الشركة دي في الويك اند ارخصصص وفي الايام العادية الايجار اغلى بكتيير وممكن يوصل دبل
( طبعا انا افترض انك عارف كيف توصل,, يمديك تاخد باص الجامعة وتنزل في محطة القطار القريبة,, ومنها تاخد الباص المجاني اللي يوديك على السيارات والمطار برضو او بباص المدينة بطريقة الخرايط,, او تاكسي وفي طرق تانية كتيير يمديك تتصرف,, زي مثلا تاخد باص الهيلثورب وتنزل في محطة قطار هيلثوورب ومن هنا تاخد القطار على المطار وتروح عالسياارة)
صح فيها شوية هجولة,, لكن توفيييييييير وهنا الواحد لازم يوفر هنا غلى الدنيا
انا حسبتها تقريبا التكاسي لحالها الواحد كان يصرف عليها 400$ دولار اقل شي شهريا,, بس الوااحد عرف للباصات والقطارات خلاص الامور زبطت
او عندك طريقة ارخص للايجار,, بس لازم عمرك 21+ ,, حتى لو برخصة سعودية مدام انك طالب,, بس اظن مايكون عليك قسايم لانهم يشيكوا في موقع المروور ,,
في شركة اسمها Zipcar تعمل عضوية عندهم تقريبا بـ 30$ في السنة و 7$ في الشهر لتأمين السيارة ( عشان الحوادث لا قدر الله ,, الخ)..
وسعر سياراتهم من 65$ لـ 100$
ميزتهم انو عندهم فرووع في اماكن كتيير,, ولهم فرع في الجامعة.. بس لازم ترجع السيارة مكان ما تاخدها
تسجيل العضوية وحجز السيارات كل الحاجات دي بيكون اون لاين,, والبطاقة تجيك عالبريد.. ( البطاقة مررة مهمة.. تفتح بيها السيارات وتعتبر كرمز اتصال رئيسي بينك وبينهم في اي وقت)
احسن مافيهم خدماتهم,, يسيير اي شي اي شي ( كفر نايم,, السيارة يبالها صيانة,, بطاقتك تضيع ,,البوليس يوقفك الخ) لما تتصل عليهم يتعاونوا معااك
انا سارتلي مواقف كتير من ضمنها في يوم كنت برجع السيارة ومابقي الا خمسة دقايق ارجعها ولا بياخدوا فلووس زيادة من بطاقتي,, ( طبعا تتاخر محد يقلك شي,, بس هما حيعرفوا انك اتاخرت ما رجعتها لانو لسا ماقفلت السيارة ببطاقتك وفي الحالة دي على طول ياخدوا +50$ حسب مدة تاخييرك) المهم,, قربت من المكان لقيت الشاارع مقفول بيعملو حفريات ,, اتصلت عليهم وقلت لهم السالفة,, قالولي اوقفها في مكان قريب وارجع اتصل عليهم اديهم العنوان,, بدون ما ياخدوا فلس زيادة
البنزيين على الشرككة,,
لكن عندك 180 ميل في اليوم .. يعني تقريبا تنزل واشنطن وتطلع تلاتة مررات ( من بالتيمور لواشنطن 35 ميل )
في الويك اند ايجارهم اغلى بعشرة عشرين تقريبا
رابعا::
التكااسي ,, عندك شركة التكاسي في بالتيمور وهدرا رقمهم,, تديهم اسمك عنوانك ورقمك والمكان اللي بتروحوا,, ويرسلولك واححد.. 4102610000
وفي باكيستاني اسمو عمر سواق تاكسي مسلم وممرة اوكيه.. السعوديين بيتعاملوا معااه
ما يشغل عدااد.. ويعمل دسكاونت هدرا رقمو.. 4435702863
ماعندو اشكالية.. ممكن يجيك لو انك جي من المطار من دي سي .. بس تديق تحجز معااه اهم شي..
وبالنسبة للمطارات,, اذزا ماعندك سيارة وتبى تروح للمطار او ترجع بسعر رخيص.. في شرككة هدا موقعها Supershuttle.com
من المطار لمحيط الجامعة بـ 70$ للشخص ولكل شخص اضافي بـ 10$ ( هدا بالنسبة للفان العام )
عندهم عروض خاصة شوف اللي يناسبك
لو تركب تاكسي من المطار لبالتيمور اقل شي 150$
... خامسا:
نزلة دي سي ( السفارة او الملحقية في فرجينيا) لاني عاارف كتيير ودهم ينزلو يراجعو ,, يغلقو معاملات,, او ممكن بس اشتيااق D:
تركب القطار من اي محطة سواء ( الهيلثورب او محطة المطار BWI ) وتنزل في اخر محطة اسمها Union Station .. هدي في قلب دي سي .. من هناك تاخد المترو المناسب وتتجه مكان ماتبى..
طبعا لازم قبلها يكون عندك خلفية بالعنوان عشان تعرف فين تنزل في اي محطة او تركب اي قطاار لانها كتيية وممكن تلخبط وتضيع ,, اذا ماعرفت اسال في اي محطة الفنيين اللي شغالين وهما يدلوك,,
هرجة الخرايط كلها ممكن تسير بالجواال
الحكاية هدي حتكلفك في حدود 20$ رووحة ورجعة
وتقريبا حتاخدلك بين ساعة الى ساعة ونص عشان توصل الملحقية لانها ابعد..
نجي للجامعة والتعليم ..
انا ماعندي خلفية مرة كبيرة عن الجامعة .. يدووب حاجات بسيطة..
في الولاية طبعا في اكثر من جاآمعة معتمدة من قبل الملحقية في هدي الولاية .. مثل جامعة جون هوبكنز - الثالثة بعد هارفرد وبينسي - .. وجامعة تاوسن .. وجامعة ميريلاند .. وجامعة ميرلاند كولج باآرك
لـ كن محور حديثناآ .. على جامعة University Of Maryland - Baltimore County
.. لآني كنت حدرس فيها واعرف عنها حاآجات اكثر لاحتكاكي مع طلاب الجامعة
الجامعة ( قوية ) في دراآستها ويباآلها شدة .. والجامعة كل مالو في تطور وتقدم
وهدا احد اسباب قلة السعوديين فيهاآ .. !! يغلقوا اللغة وعلى طول يشوفولهم جامعة ثانية ! وهدا كلاآم احد السعوديين لانها صعبة
الجامعة ماخدة المرتبة الاولى في اخر تصنيف من ناحية احتوئها على افضل برنامج بكالوريوس والرابعة كافضل جامعة صاعدة
ومدير الجامعة مصنف من افضل عشرة قيادين على مستوى امريكاآ ..
ومن كلياتها ..
ادارة الاعمال
التعليم
الهندسة
الخدمات البشرية
العلوم الصحية
العلوم الاجتماعية
التكنلوجيا والحساب
وعلى حسب ماسمعت من الامريكان يقولوا انو اقوى حاجتين فيها تخصصات العلوم الصحية,,( بيولوجي, كيميستري,, طب طوارئ الخ) وتخصصات الكمبيوتر
الجامعة عندها قبول مشروط بانهاء اللغة من معهدها وداآيركت تخش الجامعة بدون توفل او ايلتس .!
وبالنسبة للاطفال,, في حضانات وفي مدارس,, واعرف كتير متزوجين والحمدلله عيالهم مبسوطين ومافي اي مشاكل.. ومعروف التعليم في ميريلاند بصفة عامة جداا ممتااز
لكن ماعندي معلوومات كافية عن الاسعار ةالاماكن وكدا.. لكن بازن لما تجي هنا حتقابلهم ويدلوك على كل حاجة والمعهد بيساعدك على كدا كماان
.......
......
فندق قريب من الجامعة,,
فندق اسمو Comfort Inn اقل من عشرة دقايق بالسيارة.. بالتاكسي عشرة دولار
انا اسميه فندق لانو انضف واحد من موتيلات الموجودة حول الجامعة,, وفيه فناادق تانية كتييرة بس هدا اقررب,, عنوانو
Baltimore National Pike 5801
Catonsville, MD 21228
رقمهم,, 4107445000
العنوان تحتاجوا لو جاي عليه,, اطبعو وخليه معاك مع الرقم طبعا,, احتياط لو تبى تتصل عليهم,, ولو كان فل مافي حجز,, موتيلات حوله,, بس اول شي شوف دا,,
الليلة عندهم تقريبا 90$
طبيعي في البداية تحتااج كم يوم لغاية ماتزبط امور الشقة وكدا,, وفي المعهد لما تجي سواء قابلت سعودين او لا محد حيقصر معاك ان شالله.. حيعرفوك بانواع السكن وتختار اللي يناسبك محد حيقصر معاك ان شالله,, وانا افضل انك تشةفةا عالطبيعة لانو مهما اوصفلك ممكن محى تجي الصورة في بالك.!
مخررج ..//
وعلى فكرة .. في مدينة اليكوت سيتي -وهي احدى مدن ولاية ميريلاند- صنفت كافضل ثاني مكاآن للعيش في امريكا ... وفي احد الاعوام حصلت على الاول وهيا في تفاوت بين عام واخر!
>> عشت مع العيلة فيها وكانت تجربة جدا حلوة ..
وتبعد عن الجامعة 15 لـ 20 دقيقة
وبالاضافة لكولومبيا برضو,, نفس الحكايو جددا حلوة والناس اللي فيها ارقى,, وفيها مول حلوو اسمو كولومبيا مول
بس مشكلتة المنطقتين هدي انو لاازم سياارة لانهم في مقاطعة تانية غير مقاطعة الجامعة.. وليهم سيستم في الباصات لحال.. اول جرتها بس نسيت .. لاني ماكملت فيها كتيير
وبرضو من الجامعة لهنا تقريبا 20 دقيقة..
والايجارات في المدينتين هدي اغلى طبعا ..
سوري الموضوع ملخبط شوية
بس اي استفساآر انا جاآهز,, وان شالله بحاول ارد بسرعة,,
وان شالله تكونوا استفدتوا منو..
( الموضووع جهد شخصي,, وكل التجارب اللي فيه كانت شخصية,, بنفسي مجربها)
ودعوااااآتكم ..
[ .. ]
مححدث بتاريخ,, Dec/10/2012
مشكووور وماقصرت ... والله يوفقك يارب
اذا عندك فكرة عن معاهد ولاية واشنطن بمدينه سياتل اذا عندك فكرة عنها اكتبلي المعاهد ونظام دراسته
الله يجزاك الف خير اخوي
دلع شرقاوي November 18th, 2011, 12:43 AM
7 " مشكور على المعلومات
سؤال افضل سكن للعوائل سواء في الجامعه أو خارجها؟
Light15 November 18th, 2011, 04:16 PM
7 " شكرا لك أخوي ebbo موضوعك جميل و جى بوقته
لكن ..
أفهم من كلامك إنه مافيه باصات عمومية ؟ او ميترو ؟ ينفع للتنقلات و التمشيات ؟!
أنهآر حلم! November 20th, 2011, 09:31 PM
7 " طبعا هي تختلف عن university of maryland college park صح ؟
عندك فكرة عن عدد السعودين في university of maryland college park ؟
شكرا لك
أنهآر حلم! November 20th, 2011, 09:37 PM
7 " طيب يا خوي انا ودي اسجل فيها
انا طالبة ماستر و ابي قبول مشروط
انا الان حاليا في فرجينيا
ودي احول عليها
لكني ما اعرف كيف ....
ممكن تفيدني بهذي النقطه
و اكون شاكرة لك
لني كنت ابي اروح لها بس خوفوني منها قالوا لي خطططيره
ارجوووووووووووووووووووووووووووووووك
ساعدني
بقايا من الماضي November 22nd, 2011, 07:50 AM
7 " 
LinkBack URL
About LinkBacks
November 17th, 2011, 08:42 AM
مدخل ..//
الجامعة University Of Maryland - Baltimore County
UMBC
المعهد ELI >> وهو تاآبع للجاآمعة
( ميريلاند - بالتيمور )
شوف الصورة.. عشان تعرف موقع الجامعة والملحقية وتاوسون الخ
upload pics
طبعا اغلبية الكلام حيكون بالعامية ..
بس ان شالله بحاآول اكتب المفيد عن المعهد والجامعة والمدينة ..
اهم شي لا تنسى كوب الشاهي جنبك ومشاهدة ممتعة لوول
الموضوع احفظوا عندك.. محى تستوعب كل الاشياء دحين,, في اشياء حتحاجها وقت الوصول ,, واشياء بعد الوصول والاستقرار المبدئي,,
نجي للمدينة اول شي ..
طبعا سكان الولاية بصفة عامة يعتبروا شوية مرفهين ..! ومثقفين وكتيير موظفين بوظايف حلوة وكتيير فقراء..!
والاغلبية فرندلي طبعا .. ومالهم وماآل العنصرية ابدا .. ويحبوا المسااعدة ..
اما المدينة هاآدئة .. وراآيقة .. واآماكن الفلة بشكل عام في الولاية مش مرة كثيرة هدى احد الاسباب اللي يخلي السعوديين يشردوا منهاآ ايضا .! لانها تعتبر دراآسية اكثر من انها سياحية ( ازا نقارنها بـ نيويورك او لوس انجلوس مثلا)
اما مقارنة بمدن تاانية كتيير في ولايات الطلاب ,, بالتيموووور احلى
فيها اماكن فلة كويسة ومولات وسينمهات وصالات ترفيه للالعاب المعتادة .. ليزر قيم .. بلياردوا .. بولينق .. الخ .!
ومع انو بالعكس هدي بتعتبر ميزة لانك بتركز على دراآستك .. بعيد عن الزحمة والدوشة والصجة ووو
وفيهاا كافيهات عربية ووو..
وفي نفس الوقت هيا موقعها حلو .. لانها قريبة من نيو جيرسي ونيويورك .. تبعد عنها تقريبا تلاتة ساعات بالسيارة .. وفيلاديلفيا ساعتين.. وفرجينيا و واشنطن دي سي تبعد 30 لـ 45 دقيقة ..!
يعني في حاآجات بتعوض عليك .. وتقدر تفلها في الويك اند وتنبسط ..
وغير انو مطاآر واشنطن IAD يبعد ساعة
والجامعة تبعد عن السفارة والملحقية اقل من ساعة .. !
اسعاآرها غالية شوية.. يعني المكافأة بالقووة تكفي
والسكن متوفر وعلى سبيل المثال بامكانك تجد عائلة في حدود 850 شهريا مع وجبتين في اليوم الخ .. س قليلة العوايل هنا
وتوجد شقق قريب من الجامعة مثلا مكونة من تلاتة غرف وحمامين بمعدل 1600$ شهريا.. وتبعد دقيقتين بالسيارة ! او انك تاخد باص الجامعة او باص المدينة!!
ومعدل الغرفتين تقريبا1200$
الغرفة 1000$
انا طبعا ما اقدر احدد اش افضل نوع سكن ,, لانو كل واحد لو رأيوا وكل واحد يروح المكان اللي يلاقي فيه احتاجاتوا,, كل مجمع شقق لو ميزة حولو
او سكن الجامعة كحل اخير .. مع اني ما افضل لانو يكون شوية غالي .. !!
عدد السعوديين كان جدا قليل في السنوات الماضية, لكن اليومين دي العدد زاد والمعهد شبه مقفول! لكن اللي اصلا عندهم قبول من قبل ما يقفلوه يعني ان شالله اوكي وضعهم ةهما اللي حيعدوا بتجربة المعهد الممتعة والمرهقة
وعشان كداآ اكييد المعلومات لسا قليلة في المنتدى هنا ..!
وعارف اغلب اللي بيدوروا معلومات عن الجامعة تعبوا وهما يدورا وفي النهاية طلعوا بكلمة او كلمتين .. وسلبية كماآن .. لانو الامور مش متضحة ..!
وحتى السعوديين في المعهد للاسف بيتناقلوا الكلاآم .. بدون مصدر موثوق او بدون توضيح للامور !
وانا عن نفسي قبل ما اجي الولاية كنت مخطط في اول كم اسبوع احاول انقل .! مع الكلام اللي قريته في النت .. لكن الان الاموور اختلفت الان بعد اتضحت الامور .!
لاني الحمدلله طحت في جماآعة وضحولي الامور .. وبدات اتعمق في الاسئلة لغاية ما اخدت فكرة كاملة عنها مع الايام .. وخصوصا انهم من مواليد الولاية ! وفي من ضمنهم واحد شغال في البوليس ديبارتمنت
صحيح انو في جراآئم .. لكن اغلبيتها في المنطقة المش محبوبة - في بعض اطراف الداون تاون - الموجودة في بالتيمور سيتي .. والجامعة في بالتيمور كاونتي ..! لانو فيه فرق !
وزيهاآ زي باآقي الولاآيات .. يعني لاتخرج في الليل وابعد عن الاماكن المشبوهة واتوكل على ربك .. وان شالله مافي الا كل خخير ..
نتكلم عن المعهد ..
English Language Institute
عشان تعديه وتتطلع للجامعة لازم تعدي الليفلات الخمسة ازا كنت بكالوريوس .. وبالنسبة للماستر فهي ستة
الليفل الواحد= 4 شهور
بس فيه حرركة حللوة,,
من ليفل 1 الى 3 ,, في نص الترم اذا درجتك طيبة يمديك تطلب اختبار تجاوز المستوى بحيث انك تتطلع للمستوى اللي اعلى منو
في كتييير طبعاا استفاادوا من الحركة دي,, مثال: جو المعهد على ليفل 2 ومع اختبار تجاوز المستوى خلال ستة شهور انتهوا من الرابع كمان وطلعوا الخامس
المعهد في رأيي طريقة تدريسو حلوة
والمدرسين ولا أروع .. ما اقوول كلهم مثاآلين .. لان كل مكان فيه النوعين .. بس الاغلبية كويسين
ولاننسى انو المعهد يديك الزبدة ويوصلك المعلومة .. وانتي عليك الباقي وتحاول تمارس الحاجة دي .!
المعهد مشدد ويزيدوا في القوانين,,
زي مثلا على نهاية المستوى الخامس,, عشان تطلع الجامعة لازم تجيب A or B + تاخد اختبار الميتشقان تيست وتجيب درجة يحددوها هما كل مررة ,, بس العادة حول السبعين
( بس الماستر اللي ياخدوا ليفل سكس,, ماعندهم الكلام دا,, يغلقوا لغة ويخشو على طول جامعة)
بس المعهد يعني بصرااحة يعللم صحح وما يعديه الا واحد خلاص اوكيه في اللغة
وغير الخدمات المميزة اللي بيقدمها المعهد ..!
رحلات مجانية لبعض الولايات ..
والخدمات المجانية الكثيرة داآخل الجامعة او برسووم اضافية للترفيه وكدا
وبالاضافة للتامين الصحي طبعا لازم لو ماعندك بعثة وعلى تامين الملحقية
وفي نظام حلو كمان من برامج المعهد في نظاآم الـ conversation partners .. نظام المحادثة والتعارف .. المعهد بينسق مع طلاآب الجامعة بحيث انهم يتطوعوا ويساعدوك في اي شي تحتاجو عن الجامعة او برا الجامعة .. يعني نظام تعارف
انا عن نفسي علاقتي كانت اوكي بيني وبين البارتنرز اللي جوني,, انا جوني اتنين قبل سنة بالضبط,, وليوومك متواصل معاهم ونخرج سوا ولعب وفلة سوا الخ ,, يعني على حسب انت لو حاب تستفيد من البرنامج دا وتاخدها كصداقة حقيقة يمديك تسويها
والتسجيل فيها بيكون اختياآري .. وبناءً على هواياتك وملفك الشخصي حيجيك الطالب لانو شخصياتكم متقاربة طبعاآ ..
( مررة مفيدة هدي الخطوة )
وفي حاجة حلوة كمان في المعهد.. لما توصل ليفل فايف.. في كلاس الليسننق والسبيكنق بتكون مجبور تحضر كم كلااس جامعي مع الطلاب وتلخص المحاضرة بعدين .. لانو جزء من المنهج عشان تعديه
خطووة مررة حلوة لانها بتديك فكررة عن الجاامعة وتشيل القلق من رااسك
وبمجرد قبولك في المعهد .. تتم معاملتك على اساس انك طاآلب اكاديمي منتظم! ليك نفس خدمات طلاب الجامعة والباص المجااني,,
البااص المجاني اهم شي,, لانو كتير بيعتمدوا عليه في اختيار مكان السكن وجاي فيها تحت بالتفصيل ان شالله ( على خفيف )
**** على حسب علمي انو المعهد مقفول حاليا,, طلاب كتير فيلو بس سمعت انو فيها استثناءات طبعا اتواصل مع الوزارة او الملحقية واتاكدت منها
المواصلاات,,
طبعا المواصلات هنا مش بطالة,, ولو اتعودت عليها يمشي حالك,, واحلى شي فيها التوفيير
اولا: يمديك تستخدم باصات الجامعة في التنقل والزيارة الخ,,
طبعا الحلو فيها انك تركب مكان ماتبى وتنزل مكان ماتبى,, يعني مو شرط تركب من الجامعة او تنزل في الجامعة!
في ابلكيشن موجود عالايفون اسمو Transloc يمديك تتابع الباص في يمشي في الخريطة وتعرف مكانو,, في النادر الابلكيشن ما يشتغل صح والباص يكون متاخر في الخريطة,, تقريبا مرة في الشهر تسير واحيانا ازا الشبكة ضعيفة ما يشتغل كويس
( حتستخدم الايفوون كتيير هنا ينفع,, براامج باصات واشياء تانية) وحتحتاجها كتيير,, هنا مررة مو زي السعودية .. لو واحد بيوصف ,,
( رووح سييدا سيييدا ,, وخد يميين وتاني يميين,,
واحيانا تستخدموا وتضيع,, سوا بسيارتك او بالباص ,, المهم,, نرجع لموضوعنا,,
خدمة المواصلات الجامعية المجانية مقسمة على عدة باصات اهمها,, واظن كلها فيها واي فاي
Arbutus Line
Catonsville Line
BWI and Mark station Line
Halethorpe Line
Arundel Mall Line
نبدا بـ Arbutus Line
بس انا انصح الطلاآب الجدد في البداآية انهم يسكنو في المناطق القريبة من الجامعة بحيث الباص المجاني الخاص بالجامعة يقدروا يستخدموه ويستفيدوا منه ..
وفي نفس الوقت لانو الباصات العامة بتكون متوفرة في هدي المنطقة ويقدروا يروحوا المولاآت ..الخ
على الاقل لغاية ما ياخدولهم سيارة واحوالهم تستقر ويتعرفوا بنفسهم عالاجواء والمكان .!
في الصورة انا موضوح مسار سيروو,,
image upload
الدوار معناها الاماكن المححدة للباص يوقف فيها,,
واغلبية شقق السكن موجودة على مسار الباص,,
يشتغل طول الاسبوع ( تقريبا كل ساعة يطلع من الجامعة لغاية 11 في الليل)
Catonsville Line
free photo hosting
يشتغل طول الاسبوع
( جدولو قريب من اللي قبلو)
Halethorpe Line
upload
يشتغل طول الاسبوع بس مو على طول ( يعني ممكن ياخد لفة الساعة تمنية الصباح واللفة التانية العصر)
ويعدي على محطة قطار بنفس اسمو ( هيلثورب )
Arundel Mall Line
photo storage
في مول يبعد تقريبا 20 دقيقة ,, الباص يروحلو لكن يشتغل بس ويك اند
BWI and Mark station Line
هدى يروح على محطة القطار اللي جنب المطار,, ومن محطة القطار في باص مجاني للمطار,,
وتحت بتكلم عن فايدة القطار,,
upload pic
بس يشتغل ايام الدوام ( الاثنين - الجمعة )
الجدول موجود على موقع الجامعة.. UMBC Transit
او لو حاب تعرف عنو بزيادة,, روح الموقوع وشيك على قسم الترانزيت
تانيا,,
يمديك تستخدم باصات المدينة نفسها,, تابعة لشركة MTA واغلبية باصاتها تقريبا شغالة 24 ساعة
سعر التيكيت ( 1,60) للون واي ,, لو تباها لليوم باكملو بـ 3,50 وطبعا اووفففر لو بتستخدم الباصات كتير,,
على حسب مكان سكنك حتبدا تستخدم الباصات لو ما عندك سيارة,,
في اماكن تاخد منها الباص رقم 10 وفي 46, *35, 77,99, 23
وتتنقل مسلا من سكنك للداون تاون**,, عالمطار ,, محطات القطار,, مولات وباقي ارجاء المقاطعة
(10 + 23 + 46 + 35 ) هدي بتكون في اماكن السكن اللي يمر عليها باص الجامعة وتروح الداون تاون
المسافة تقريبا من الجامعة للداون تاون بالباص ( 30 دقيقة لانو يوقف )
*ميزة 35 انو يعدي برضو على الجامعة ويوقف فيها
**من الدااون تاون يمديك تنتشر لكاافة ارجاء بالتيمور,, ومنها يمديك تطلع على تاوسون ( مديينة حلوووة وفيها مول حلو ومطاعم عربية وكافيهات الخ)
مثلا لو حاب تطلع تاوسن حتاخد باصين,, اي باص وديك الداون تاون وبعدها تاخد باص 8 او 48 وعلى تاوسون
والمسافة برضو تقريبا 30 دقيقة
شوف الصورة عشان توصل اكتر
pic hosting
طبعا يمديك عن طريق موقع MTA تشيك ع الجدااول وتشيك متى الباص الجاي يجي,,
ويمديك تستخدم خراايط قووقل عشان تشيك عالباص الجاي,, وهدي انا دايما استخدمها
تكتب عنوانك اللي انتا فيه,, والمكان الالاخير اللي تبى توصلو,,
شوف الصورة للشرح ,,
photo uploader
لو تلاحظو انا مختار ايقونة الباص,, لانو في درااجة وبسيارة ورجولك,, لانو الطرق تختلف طبعا حسب خيارك,,
ولو مش متاكد من عنوان مكان معين,, اكتب اسمو في قووقل ويطلعلك عنوانو على طول انسخو وحطو في الخرايط,,
( طبعا لاتجربها في الشرق الاوسط عندنا عشان لا تنشل من الحووسة)
وكلها مجربها وكل وحدة لها متعتها,,
بس طبعا لما تركبوا الباصات كونو طبيعيين لانو ممكن تشوفو اشكاال غرييبة X_x
واحلى حاجة في الباصات في كامرات يعني اماان ان شالله
في برنامج على الايفون اسمو.. ِ City Maps طيب للباصات ,, بس احيانا تكون فيه غلطات بسيطة,, زي خرايط الجهاز نفسو مع السوفت وير الجديد!!
تالتا::
ايجار السيارات.. افضل مكان وما يعقد الامور ( سوشل سيكورتي نمبر ,, عمرك +21 ) يعني يمشيلك الامور,, انك تاخدها من شركة هرتز Hertz من المطار BWI .. في شركات كترة بس شروطها معقدة شوية,,
لما تروح تستاجر حتى لو عندك رخصة امريكية.. خد السعودية استاجر بيها واعطيهم عنوان السعودية.. وحيطلبو منك 200$ تامين عشان ترجع السيارة سليمة.. السيارات العادية تقريبا بيكون سعرها على 100$ في اليوم
وحدة مسلمة الله شغالة هناك مررة كويسة احيانا تجي واحيانا لا ,, دوامها ملخبط,, المهم لو كانت موجودة تحب تساعد المسلمين,, وممكن حتى لو رحتلها بدون رخصة تاجرلك
البنزين عليك.. والمايلات مفتووحة
ايجار السيارات من الشركة دي في الويك اند ارخصصص وفي الايام العادية الايجار اغلى بكتيير وممكن يوصل دبل
( طبعا انا افترض انك عارف كيف توصل,, يمديك تاخد باص الجامعة وتنزل في محطة القطار القريبة,, ومنها تاخد الباص المجاني اللي يوديك على السيارات والمطار برضو او بباص المدينة بطريقة الخرايط,, او تاكسي وفي طرق تانية كتيير يمديك تتصرف,, زي مثلا تاخد باص الهيلثورب وتنزل في محطة قطار هيلثوورب ومن هنا تاخد القطار على المطار وتروح عالسياارة)
صح فيها شوية هجولة,, لكن توفيييييييير وهنا الواحد لازم يوفر هنا غلى الدنيا
انا حسبتها تقريبا التكاسي لحالها الواحد كان يصرف عليها 400$ دولار اقل شي شهريا,, بس الوااحد عرف للباصات والقطارات خلاص الامور زبطت
او عندك طريقة ارخص للايجار,, بس لازم عمرك 21+ ,, حتى لو برخصة سعودية مدام انك طالب,, بس اظن مايكون عليك قسايم لانهم يشيكوا في موقع المروور ,,
في شركة اسمها Zipcar تعمل عضوية عندهم تقريبا بـ 30$ في السنة و 7$ في الشهر لتأمين السيارة ( عشان الحوادث لا قدر الله ,, الخ)..
وسعر سياراتهم من 65$ لـ 100$
ميزتهم انو عندهم فرووع في اماكن كتيير,, ولهم فرع في الجامعة.. بس لازم ترجع السيارة مكان ما تاخدها
تسجيل العضوية وحجز السيارات كل الحاجات دي بيكون اون لاين,, والبطاقة تجيك عالبريد.. ( البطاقة مررة مهمة.. تفتح بيها السيارات وتعتبر كرمز اتصال رئيسي بينك وبينهم في اي وقت)
احسن مافيهم خدماتهم,, يسيير اي شي اي شي ( كفر نايم,, السيارة يبالها صيانة,, بطاقتك تضيع ,,البوليس يوقفك الخ) لما تتصل عليهم يتعاونوا معااك
انا سارتلي مواقف كتير من ضمنها في يوم كنت برجع السيارة ومابقي الا خمسة دقايق ارجعها ولا بياخدوا فلووس زيادة من بطاقتي,, ( طبعا تتاخر محد يقلك شي,, بس هما حيعرفوا انك اتاخرت ما رجعتها لانو لسا ماقفلت السيارة ببطاقتك وفي الحالة دي على طول ياخدوا +50$ حسب مدة تاخييرك) المهم,, قربت من المكان لقيت الشاارع مقفول بيعملو حفريات ,, اتصلت عليهم وقلت لهم السالفة,, قالولي اوقفها في مكان قريب وارجع اتصل عليهم اديهم العنوان,, بدون ما ياخدوا فلس زيادة
البنزيين على الشرككة,,
لكن عندك 180 ميل في اليوم .. يعني تقريبا تنزل واشنطن وتطلع تلاتة مررات ( من بالتيمور لواشنطن 35 ميل )
في الويك اند ايجارهم اغلى بعشرة عشرين تقريبا
رابعا::
التكااسي ,, عندك شركة التكاسي في بالتيمور وهدرا رقمهم,, تديهم اسمك عنوانك ورقمك والمكان اللي بتروحوا,, ويرسلولك واححد.. 4102610000
وفي باكيستاني اسمو عمر سواق تاكسي مسلم وممرة اوكيه.. السعوديين بيتعاملوا معااه
ما يشغل عدااد.. ويعمل دسكاونت هدرا رقمو.. 4435702863
ماعندو اشكالية.. ممكن يجيك لو انك جي من المطار من دي سي .. بس تديق تحجز معااه اهم شي..
وبالنسبة للمطارات,, اذزا ماعندك سيارة وتبى تروح للمطار او ترجع بسعر رخيص.. في شرككة هدا موقعها Supershuttle.com
من المطار لمحيط الجامعة بـ 70$ للشخص ولكل شخص اضافي بـ 10$ ( هدا بالنسبة للفان العام )
عندهم عروض خاصة شوف اللي يناسبك
لو تركب تاكسي من المطار لبالتيمور اقل شي 150$
... خامسا:
نزلة دي سي ( السفارة او الملحقية في فرجينيا) لاني عاارف كتيير ودهم ينزلو يراجعو ,, يغلقو معاملات,, او ممكن بس اشتيااق D:
تركب القطار من اي محطة سواء ( الهيلثورب او محطة المطار BWI ) وتنزل في اخر محطة اسمها Union Station .. هدي في قلب دي سي .. من هناك تاخد المترو المناسب وتتجه مكان ماتبى..
طبعا لازم قبلها يكون عندك خلفية بالعنوان عشان تعرف فين تنزل في اي محطة او تركب اي قطاار لانها كتيية وممكن تلخبط وتضيع ,, اذا ماعرفت اسال في اي محطة الفنيين اللي شغالين وهما يدلوك,,
هرجة الخرايط كلها ممكن تسير بالجواال
الحكاية هدي حتكلفك في حدود 20$ رووحة ورجعة
وتقريبا حتاخدلك بين ساعة الى ساعة ونص عشان توصل الملحقية لانها ابعد..
نجي للجامعة والتعليم ..
انا ماعندي خلفية مرة كبيرة عن الجامعة .. يدووب حاجات بسيطة..
في الولاية طبعا في اكثر من جاآمعة معتمدة من قبل الملحقية في هدي الولاية .. مثل جامعة جون هوبكنز - الثالثة بعد هارفرد وبينسي - .. وجامعة تاوسن .. وجامعة ميريلاند .. وجامعة ميرلاند كولج باآرك
لـ كن محور حديثناآ .. على جامعة University Of Maryland - Baltimore County
.. لآني كنت حدرس فيها واعرف عنها حاآجات اكثر لاحتكاكي مع طلاب الجامعة
الجامعة ( قوية ) في دراآستها ويباآلها شدة .. والجامعة كل مالو في تطور وتقدم
وهدا احد اسباب قلة السعوديين فيهاآ .. !! يغلقوا اللغة وعلى طول يشوفولهم جامعة ثانية ! وهدا كلاآم احد السعوديين لانها صعبة
الجامعة ماخدة المرتبة الاولى في اخر تصنيف من ناحية احتوئها على افضل برنامج بكالوريوس والرابعة كافضل جامعة صاعدة
ومدير الجامعة مصنف من افضل عشرة قيادين على مستوى امريكاآ ..
ومن كلياتها ..
ادارة الاعمال
التعليم
الهندسة
الخدمات البشرية
العلوم الصحية
العلوم الاجتماعية
التكنلوجيا والحساب
وعلى حسب ماسمعت من الامريكان يقولوا انو اقوى حاجتين فيها تخصصات العلوم الصحية,,( بيولوجي, كيميستري,, طب طوارئ الخ) وتخصصات الكمبيوتر
الجامعة عندها قبول مشروط بانهاء اللغة من معهدها وداآيركت تخش الجامعة بدون توفل او ايلتس .!
وبالنسبة للاطفال,, في حضانات وفي مدارس,, واعرف كتير متزوجين والحمدلله عيالهم مبسوطين ومافي اي مشاكل.. ومعروف التعليم في ميريلاند بصفة عامة جداا ممتااز
لكن ماعندي معلوومات كافية عن الاسعار ةالاماكن وكدا.. لكن بازن لما تجي هنا حتقابلهم ويدلوك على كل حاجة والمعهد بيساعدك على كدا كماان
.......
......
فندق قريب من الجامعة,,
فندق اسمو Comfort Inn اقل من عشرة دقايق بالسيارة.. بالتاكسي عشرة دولار
انا اسميه فندق لانو انضف واحد من موتيلات الموجودة حول الجامعة,, وفيه فناادق تانية كتييرة بس هدا اقررب,, عنوانو
Baltimore National Pike 5801
Catonsville, MD 21228
رقمهم,, 4107445000
العنوان تحتاجوا لو جاي عليه,, اطبعو وخليه معاك مع الرقم طبعا,, احتياط لو تبى تتصل عليهم,, ولو كان فل مافي حجز,, موتيلات حوله,, بس اول شي شوف دا,,
الليلة عندهم تقريبا 90$
طبيعي في البداية تحتااج كم يوم لغاية ماتزبط امور الشقة وكدا,, وفي المعهد لما تجي سواء قابلت سعودين او لا محد حيقصر معاك ان شالله.. حيعرفوك بانواع السكن وتختار اللي يناسبك محد حيقصر معاك ان شالله,, وانا افضل انك تشةفةا عالطبيعة لانو مهما اوصفلك ممكن محى تجي الصورة في بالك.!
مخررج ..//
وعلى فكرة .. في مدينة اليكوت سيتي -وهي احدى مدن ولاية ميريلاند- صنفت كافضل ثاني مكاآن للعيش في امريكا ... وفي احد الاعوام حصلت على الاول وهيا في تفاوت بين عام واخر!
وتبعد عن الجامعة 15 لـ 20 دقيقة
وبالاضافة لكولومبيا برضو,, نفس الحكايو جددا حلوة والناس اللي فيها ارقى,, وفيها مول حلوو اسمو كولومبيا مول
بس مشكلتة المنطقتين هدي انو لاازم سياارة لانهم في مقاطعة تانية غير مقاطعة الجامعة.. وليهم سيستم في الباصات لحال.. اول جرتها بس نسيت .. لاني ماكملت فيها كتيير
وبرضو من الجامعة لهنا تقريبا 20 دقيقة..
والايجارات في المدينتين هدي اغلى طبعا ..
سوري الموضوع ملخبط شوية
بس اي استفساآر انا جاآهز,, وان شالله بحاول ارد بسرعة,,
وان شالله تكونوا استفدتوا منو..
( الموضووع جهد شخصي,, وكل التجارب اللي فيه كانت شخصية,, بنفسي مجربها)
ودعوااااآتكم ..
[ .. ]