اي استفسار عن ولاية MASSACHUSETTS مدينة بوسطن كامبرج او اي مدينه من الولايه....تفضل

مرحبا اخي متى وصولك لبوسطن؟

السلام عليكم اخوي ماجد

داخل على الله ثم عليك

والله ورطان حدي

انا ناقل الشهر الجاي بوسطن

وجاي من ولاية الاباما

وما اعرف شي في بوسطن

رايح انا معهد ELS فرع كامبريدج

كل اللي ابيه بس

( السكن )

والله شايل همه

شوف يا خوي

انا أؤمن بشي اسمه النصيحة

والله ان لولا الله ثم نصايح الاخوان المبتعثين كان ما فلحت ولا مشيت في هالبلد

وش تنصح

اسكن مع عيله
والا الدورم
والا اشوف لي سكن

مع العلم اني زوجتي راح تجي في اول السنة وتكمل ماستر معي
وحاليا انا ادور اللي يضبط اموري

وبعدين اشوف زوجتي والبيت وهالامور

وش تنصح ؟ بس هذا اللي ابيه

حاليا على الوضع الحالي

طالب بمكافأة قادم الى بوسطن

وش تنصحه ؟ في السكن بس

الباقي قريته في موضوعتك واستفدت كثير

بس السكن اللي عجزت عليه

ولو مؤقت

وش تنصح اني اروح حاليا

وسلامتك يا ذيب

انشالله 17 سبتمبر

خير الناس أنفعهم للناس:

كما بيَّن ذلك النبي صلى الله عليه وسلم حين قال: "أحب الناس إلى الله تعالى أنفعهم للناس،
وأحب الأعمال إلى الله تعالى سرور تدخله على مسلم،

أو تكشف عنه كربة،
أو تقضي عنه دينًا،

أو تطرد عنه جوعًا،
ولأن أمشي مع أخي في حاجة أحب إلي من أن أعتكف في هذا المسجد - يعني مسجد المدينة - شهرًا،

ومن كفَّ غضبه ستر الله عورته،
ومن كظم غيظه ولو شاء أن يمضيه أمضاه ملأ الله قلبه رضى يوم القيامة،

ومن مشى مع أخيه في حاجة حتى يثبتها له أثبت الله قدمه يوم تزول الأقدام"

رواه الطبراني وحسنه الألباني

جعلك الله منهم يا أخي

.............


............

السلام عليكم ورحمة الله وبركاته
جزاك الله خير أخوي على الموضوع المفيد جدا حبيت استفسر كم استفسار ان شالله تقدر تفيدني فيهم
س1: ابغى معهد لغه قوي في مدينة كامبردج ؟
س2: المستوى كم ياخذ من الفترة زمنية ؟؟يعني هل يمكنني أخلص اللغه بحد أقصى 6 شهور ؟؟ولا مستحيل
شكرا جزيلا لك مقدما والله يسهل عليك ويوفقك

السلام عليكم
و كل سنه و انت طيب
ابي اعرف الجو كيف يكون في شهر سبتمبر و اكتوبر ؟
وش ينلبس بالضبط ؟

السلام أخوي ممكن موقع معهد els بنيوتن ضروري

وكيف اغير الولايه ؟؟

اخوي وش رايك في جامعة NORTHEASTERN UNIVERSITY

هل مكافأة الابتعاث تكفيني للبلد دي ؟

بعد إذن الأخ majed.s.k

بالنسبة لسؤال معهد لغة قوي، إجابته حبيبتي تعمد على أشياء
كثيرة و ممكن مثل ماهو معتاد قوي في البداية و لما الكل فيه
يرجع المستوى على وراء مثل ما يخبروني.
لكن بغض النظر عن مستوى المعهد لازم إنت أختي تكون
عندك الإرادة على تعلم اللغة و الإجتهاد الذاتي قبل أي شيء.

طيب الآن لو رجعتي للصفحة الأول ستجدي معهد يسمى NESE
فقط خذي خلفية عن الأسعار لا أكثر و إن شاء الله لو فيه أحد
يفيدك يكون أفضل.
أ-رسوم تفدع في البداية و لا ترد قيمتها
Application Fee $140
Tuition Deposit $150

ب-رسوم الدراسة لكل مستوى يتكون من أربع أسابيع
Tuition fee $1525

ج-رسوم السكن لوحدها و يمكن تراجعي نفس الموقع
لهم.

د-رسوم المواصلات لوحدها موضحة في موقعهم.

فقط خذي خلفية عن الأسعار و إن شاء الله تخلصين
قبل 6 شهور بس شدي حيلك.

فقط ملاحظة : أختي هذا المعهد NESE مكتظ كما هو ظاهر
من كلام الأخوان هنا و سألت عنه و لم أجد رد فلو يهمك
هذا موضوع الإكتظاظ حاولي تفكري بغيره و أكيد
الأخوان و الأخوات يساعدونك.