فيرجينيا

انا ساكنه لفرجينيا واسعار السكن ومستوياته مختلفه انا مثلا ساكنه باستديو ب 1500 دولار وبعض المناطق غرفه نوم وصاله ومطبخ ب 1600 يعنى بصراحه شوي غاليه وما اعتقد تلقين اقل من 1200 دولار الا اذا سكن ماراح يريحك ومنطقه الفيرفاكس مره هاديه والتاكس فيها مو غالى 5%
بس راح تحتاجى سياره لان فرجينا كبيره والتنقل فيها صعب كل محل تلقينه بعيد عن الثانى .

واي سوال انا في الخدمة

السلام عليكم ورحمة الله وبركاته

اهلا فيك اختي


انا من سكان منطقة فيينا - فيير فاكس في فرجينيا

ودرست شهر كامل في معهد اللغة جورج ميسون

اول شي المعهد جدا فاشل وغيرته

اذا كنتي تدرسين على حسابك فسعره غالي جدا

وعنده 8 مستويات كل مستوى سمستر كامل

اظيفي الى سوء طرق التدريس وسوء نوعية المدرسين بشكل فظيع

بالنسبة لفيرفاكس فيينا منطقة جدا ممتازة

امنه وفيها اجانب كثير وعرب ومحلات عربية ومطاعم وفيها افضل مجمع تايسون كورنر ..

نصيحة اخوية بالنسبة للمعاهد النظام الشهري افضل ..

واي شي ثاني اختي انا في الخدمة

شي ثاني بالنسبة للسكن انا ساكن في شقة 1200 دولار بالشهر غرفتين وصالة ومطبخ وحمام ..شقة ولا اروع وفي مجمع جدا ممتاز في موقع رائع في فيينا

اخوك/دكتور فيصل

ناس تقول السكن من 500 - 700 $ وناس تقول اقل شي 1200$
حيرتونا .

Princesss
شكرا جزيلا على مشاركتك


Dr.faisal
جزاك الله الف خير .. وعندي لك سؤال (المعهد اللي تنصح فيه؟) ممكن ترشح لي المعاهد الممتازه بالمنطقه؟

اهلا فيك اختي ..

بالنسبة للمعاهد انا راح اقولك ..

نوفا + ميسون = المستوى سمستر كامل و المدرسين والطلاب سيئين جدا

معهد جامعه كاثوليك = مستويين فقط وكل مستوى سمستر ولكن يتطلب ان يكون مستواك عالي في الانجليزي اضافة الى ان كله سعوديين وسعوديات..ويبدأ الدوام من 9 الى 12 ولكن عندما تنهين المستويين تدخلين الجامعه دايركت بدون توفل ..واالجامعه في واشنطن ..( عندها محطة مترو)

معهد الاي ال س المعتمد من قبل الجامعه الامريكية في واشنطن (بعيد نوعا ما): يبدا الدوام فيه من 8 الى 4 العصر وبريك ساعه واحده فقط وكل مستوى شهر وهي 12 مستوى بامكانك انهائها ودخول الجامعه الامريكية دايركت بدون توفل وبرضة زحمة سعوديين.( قريبة نوعا ما من محطة مترو)

المعهد الي ادرس فيه حااليا ( انلنجوا ) : معهد ممتاز جدا طرق التدريس فيه روعه والمدرسين يخلونك تحضرين الكلاس عن حب للدراسة شي مو طبيعي .. ولا يوجد سعوديين كله اجانب من اوروبا وساوث اميركا بالتحدبد .. ممتاز جدا للسبيكنح والجرامر وخصوصا السبيكنج..خذيها قاعده اختي اللغة الانجليزية كلها شواذ والطريقة االوحيدة للتعلم هي السبيكنج( طبعا هم مايركزون عالسبيكنج لكن الاختلاط الاجباري مع الاجانب بيفيدك ..المعهد طبيعي يركز عالجرامر عشان التوفل) ..طبعا المعهد يمتلك 12 مستوى ولديه برنامج تهيئة للتوفل ( توفل بريبيريشن) اضافة الى انه مقابل محطة مترو قريبة عند حدود فرجينيا مع واشنطن دي سي..ولكن لا يوجد شي كامل عيبه الوحيد في نظري ( ان الدوام فقط من 9 الى 1) بس بالامكان اخذ كورسات اضافية كالرايتنج والسبيكينج (تسمى بالوورك شوب)

اتمنى اني افدتك اختي

واي شي ثاني انا حاظر

والله يوفقك يارب

Dr.faisal شكرا جزييييييلا لك ويعيك ألف عافية ....

الله يوفقك يا دكتور فيصل...

انا كنت بحيره اي معهد اختار وكنت بحول على معهد الجورج مايسن.

لكن اخوي تقدر تقولي اسم المعهد(انلنجوا) الي انت موجود فيه بالانجليزي لو سمحت.

معهد اللنقوا جمب بيتى انا ساكنة في منطقة اسمها Rosslyn
على فكره المعهد مره بسيط يمكن كلام الاخ دكتور فيصل بس على فكره ما ياهلك اكاديمى بس الدراسه فيه زي ماقال حلوه لانها مو ضغط وقليل عدد الساعات وبوجه نظري لما تكون عدد الساعات اكثر يكون من صالحلك

على فكره اختيا ر المعهد مو شي سهل وكل شخص بقولك رايه وراح تلقيها مختلفه لانه تختلف مستوى اللبغه من شخص لثانى

انا مثلا درست في معهد كابلن شهرين وبصارحه استفدت منه كثير بس لاحظ صادق اللى درسونى كويسين والا الباقي لو تسالهم راح يذمون كابلن في دي سي او غيره من ناحيه الانجلش .

درست ايضا سمستر في جامعه جورج تاون بصراحه التدريس مره على مستوى اكاديمى وعالى وعلي فكره ها الجامعه رقم واحد هنا في منطقه واشنطن وفرجينيا وطول الوقت بكونى مشغوله والدوام من 9 وربع الى 3 و10 وفيه ساعه ونص بريك لكن من ناحيتى دخلت سمستر فقط لان السمستر طويل 4 شهور والسمستر لفل واحد وهذا اكبر عيب .

بنصحيتى وحسب تجربتى اختاري معهد في مكان اللى فيه قبولك الاكاديمى يمكن جامعتك يكون فيها معهد وبكذا ترتاح.

بالتوفيق

انا معك اختي لكن انا ناوي اغير الجامعه والمعهد والمنطقه الي انا فيها الى فرجينيا.....


فابغى معهد كويس ومجرب....

وارجع واقول يا دكتور فيصل اسم معهدك بالانجليزي تكفى....