أي تساؤلات عن جامعة ويست فرجينيا في مورقان تاون؟؟!! ان شاء الله اقدر افيدك

السلام عليكم
اخوي حسام الله يجزاك خير ويحقق امانيك دنيا واخرة
ماتتخيل قد ايش موضوعك وردودك افادتنا جعلها الله في ميزان حسناتك


عندي تساؤلات منها تساؤل بسيط
هل الجو رطب مثل ماقريت ؟؟؟
لان الرطوبه شي مهم بالنسبه لي ما اعرف اعيش في مكان رطب

وياليت تحدد مدى الرطوبه هناك

ان شاءالله ماتغيب كثير عن الموضوع اخوي

كيف دراسه الماجستير رياضيات سهاله ؟

سلام عليكم ........ اخوي حاب اسئل هل الجامعه فيها ماجستير قانون ... وهل تعطي قبول مشروط ... يعني اكمل المعهد وادخل الجامعه

وشكرا لك لمجهودك مع ابناء وطنك ... والله يوفقك في دنياك واخرتك

حياك الله اخوي,,,

اجابة على اسئلتك,,,

1. جامعتنا ماعليها كلام بتخصص الكهرباء وزي ماذكرت قبل يعتبر من المتوسطه بالصعوبه,, لي خوي يدرس بكلوريوس كهرباء,,, وللامانه مقدر افيدك عن الماستر غير انه بعضه كورسات وبعضه رساله (الكهرب يمكن يكون الإثنين او واحد منهم)

2. المدينه من وجهة نظري ( اختلفت وجهة النظر عن بداية الموضوع) المعهد بدأ يتدهور مستواه,,, والسبب كثرة السعوديين (مب عشان الكثره) اليوم بعد زيارتي للمعهد لقيت الدنيا فوضه وللأسف اغلبها من السعوديين بالكلاس فوضى وعدم احترام للمعلمين,,, الآن بصراحه ماانصح احد يروحه للفتره الحاليه وعلما بأنه قاعدة (اللي يبي بيلاقي) لازالت قائمه يعني اللي يبي العلم والله بيلاقيه لو كل اللي حوله يحاولون يشوشون عليه بس برضو هذا مب عذر لكنه قد يكون سبب.

3. بالنسبة للمعهد نعم انصحك ولكن الجامعه جدا ممتازه,,

حياك الله اخوي واي شي ثاني انا حاضر,,
اخوك حسام

حياك الله اختي,,,

ههههههههه بصراحه سؤالك عجيييييييييب جدا,,, لكن حاضرين وانا اخوك بجاوبك عليه,,,

الرطوبه تكون في اسوأ حالاتها بالصيف وخصوصا شهر يوليو واغسطس تتراوح مابين 65 - 70 % ,,,,

وعسى الله يكون بعونك اختي,,, نصيحه بسيطه,,, سمعت الولايات الشماليه وكولورادو مافيها رطوبه,,,

وحياك الله يااختي

- - - مشاركة محدثة - - -

حياك الله اخوي,,,,

والله مالي ذاك العلم فيها بصراحه,,, لكن الماستر يختلف من محاضرات الى بحث,,, والله اعلم,,

بالتوفيق,
اخوك حسام

حياك الله اخوي,,,

اي نعم فيها قانون (بس ترا قانون المحاماه والدستور الأمريكي,, هل ناوي تعيش بامريكا؟؟؟!! )

نعم تعطي قبول مشروط واذا كملت المعهد تدخل الجامعه,,


العفو اخوي وامين للمسلمين اجمعين,
اخوك حسام

السلام عليكم أخوي .. الله يعطيك العافيه ويوفقك . موضوع رائع .. في ميزان حسناتك يارب..

أنا بعد أسبوعين جاي على موريغون تاون إن شاء الله .. بداية دراستي على سمر2 في 2 - 7 ،، وبصراحه انت ريحتني وعطيتني انطباع حلو ومريح عن المدينة من خلال كلامك مع الاخوان من قبلي..

أنا جاي على واشنطن وبجلس في واشنطن ليلة أو ليلتين لاني جاي على حسابي وبمر الملحقية بقدم طلب ألتحاق بالبعثة،،

حياك الله اخوي حمدان,,,

1. سمعت عن شباب يسكنون بفندق اسمه دبل تري ويقولون قريب من الملحقيه (والله اعلم),,

2. فيه طيارتين يوميا من مطار دولوس على خطوط يونايتد الى مورقن تاون وحده الساعه 12 الظهر ووحده اتوقع 4:45 او 5:30 (ماني متأكد تماما) لكنها بالفتره هذي,,, وامكانية احد يستقبلك والله مقدر افيدك فيها لكن اتوقع انها ممكنه

3. هذا رابط واتر فرونت هوتيل Morgantown, WV Hotel – The Waterfront Place Hotel in Morgantown , West Virginia وهذا رابط يورو سويتس Euro Suites Hotel مع اني افضل انك تحجزها من موقع اكسبيديا عشان تطلع ارخص,,,

4. بالنسبه للبنك زي ماذكرت سابقا بالموضوع اايد بنك بي بي اند تي وبنك بي ان سي,,, وبالنسبه للشريحه عندك اي تي تي وعندك يو اس سيليولار,,,

5. المول بصراحه قد لايعجب البعض لكن ععالعموم فيه اوتلت يبعد حوالي 80 كيلو هذا بتلاقي فيه الملابس اشكال والوان واللي في بالك,,, ولكن المول من وجهة نظري انا ملاقي فيه كل شي,,, طبعا بتسبرق احدى المدن اللي انصح الواحد وبقوه يروح لها فيها كل ماتشتهي نفسك,,,


والعفو اخوي وحياك لا ثقلت ولا شي الا طلتك حلوه علينا,,
اخوك حسام

يعطيك ربي الصحه والعافيه والله يوفقك يارب ويسهل امورك ....
اخوي انا كنت استفسر عن ماجستير في اداره الاعمال او اداره المشاريع ....وهل الاقسام هذي معترف بها من قبل الوزاره اذا كنت بروح علي حسابي واقدم اوراقي علي الملحقيه هل سيقبلون بالتخصص ولا لازم اكمل قي نفس قسمي