أي تساؤلات عن جامعة ويست فرجينيا في مورقان تاون؟؟!! ان شاء الله اقدر افيدك

ايش الطيران المناسب الا يوصل لمورقن تاون
الخطوط السعودية توصل لواشنطن وبعدين شلون اروح للمدينة بطريقة مناسبة

وجزاك الله خير

القبول المشروط بيجيك لو كان عندك نواقص في اللغة الانقليزيه وفي هذي الحاله راح يحولونك للمعهد,, في المعهد اما انك تكمل دورة المعهد ويسقط عنك شرط التوفل والايلتس او تجرب تختبر توفل وايلتس واذا حالفك الحظ وجبت الدرجه تخش الجامعة ابتداءا من السمستر الجاي علطول

حسام الى فهمته منك انه مايدوني القبول المشروط الا اذا درست في المعهد التابع لهم ًًًانا عندي قبول معهد وبدرس فيه ان شاء الله بس ابي قبول منهم مشروط هل يوافقون ام انهم يجب روني ع الدخول بمعهدهم مع العلم ان لغتي بالبدايات وماهي شروط القبول المشروط (المستندات المطلوبة

يعطيك ألف عافية أخوي على المجهودات الرائعة.....,,
أخوي أنا خريج علوم طبية تقنية مختبرات طبية وناوي أدرس ماجستير في تخصص جينات وراثية
راسلت الجامعة على أساس أخذ قبول مشروط للماستر وردوا لي أنهم يقبولون اذا استوفيت الشروط الأكاديمية
ياليت لو تقدر تفيدني كيف أقدر أقدم على المعهد وأخذ القبول المشروط....؟؟؟

حياك الله يااختي,,,

تقدرين تحجزين عالخطوط السعوديه من المدينة اللي انتي فيها الا مورقن تاون,,, لكن اغلب الظن ان رحلتك لمن تحجزين راح تكون من السعوديه لواشنطن (مطار دولوس الدولي) وبعدين من دولوس واشنطن الى مطار مورقن تاون,, لان مطار مورقن تاون صغير ومافيه رحلات دوليه قادمه له علطول

عزيزي مشعل,,

القبول المشروط معناه انك استوفيت جميع الشروط للجامعه ماعدا شرط او اثنين,, هالشرط او الشرطين مو شرط تكون اللغه مثلا انا ممكن اقدم على جامعه لشهادة الماجستير وعندي توفل وايلتس بس برضو يعطوني قبول مشروط (بسبب اني ماقدمت الترانسكربت او ماشابه) مثلا يعني يعطونك قبول مشروط بانك لازم تخلص اول سمستر بالجامعه بمعدل 2.5 وفوق من 4 هذي كلها مجرد امثله عالقبول المشروط,,,

اغلب الظن او بالعاده القبول المشروط يكون اللغه الانقليزيه بالنسبه للاجانب,, انا ماقلت انه لازم تدرس بمعهدهم (بمعنى انه يامعهدهم يالا) بس قصدي لو كان ناقصتك اللغه بيقولون لك ياتخش المعهد او تجيب الايلتس او التوفل او تروح لاي معهد بامريكا احنا معترفين فيه وتخلص لنا المستوى الفلاني (مثلا),,,,

مافي شي اسمه ياعزيزي شروط القبول المشروط,, القبول المشروط معناه انك قدمت حالك حال اي شخص ثاني ولكن كان عندك كم من شغله ناقصه,, فـ بدل مايرفضونك او مايقبلونك يقولون لك احنا قبلناك لكن كمل اوراقك او متطلباتنا عشان نعطيك القبول الكامل,,,

عزيزي مشعل اتمنى وصلت الفكره واي شي ثاني حاضر ولايردك الا الكيبورد وانا اخوك,,
اخوك حسام

حياك الله اخوي وليد,,, قدم عليهم بالابلكيشن اللي على موقعهم www.wvu.edu واذا كان فيه شي ناقص من اوراقك بيعطونك قبول مشروط (اي توني بس فيه بعض الشروط) ولو كان مثلا ناقص عندك اللغه فهم دايركت بيحولونك عالمعهد,, لكن انتبه تقدم عالمعهد علطول لانك كذا تعتبر قدمت عالمعهد وليس الجامعه,, لازم تقدم عالجامعه اول وهم يقررون يحولونك للمعهد او لا

حسام كلام وافي طيب وانا أخوك أنا ان شاء الله ان شروطهم مستوفيها ماعدا اللغه والجي أر إيه فهم ع كذا ممكن يعطوني قبول مشروط الماستر للرياضيات طريقة التقديم ممكن تفيدني فيها أسف اذا كثرتها عليك اذا فيه طريقة لتواصل معك امل ان تفيدني فيها

الله يجزاك خير ممكن تتكلم أكثر عن السكن
دخلت على موقع السكن الاي كتبت عنه بالصفحة الاولى و بصفحة التسجيل اخترت الكورس الاي ابدرسه طلع لي دايركت تاريخ ما يمدي اعدل عليه تقريبايعني انا دراستي ٢١/٥ طلع لي ١٨/٥ يعني افهم من كذا انه السكن يلزمني بالتاريخ الا استأجر فيه المكان

يا ليت تشرح لنا بالضبط عن آليه التأجير و شكرا

امممممممممممممم

والله حيرتني يامشعل,, لكن وعد لك من اخ لاخوه اني بسألك اكثر عن موضوع الجي ار ايه واذا فيه تنازل عنه من قبل الجامعه,,, عاد تصدق سبحان الله بالصدفه قابلت رجال سعودي والله طيب مثلك وشرواك وكنا نسولف (هو ماستر رياضيات) لكن للاسف نسيت اساله عن الجي ار اي


عموما حبيبي لا كثرت ولا شي انا ماحطيت هالموضوع الا طلبا للاجر ولمساعدة اخواني واخواتي
اللي بخاطرك اكتبه

عزيزتي الاخت mrsh-2007

ماادري عن المواقع لكن اذا وصلتي هنا لمورقن تاون تقدرين تكلمين رئيسة المبتعثات وبتساعدك كثير,, و رئيس النادي السعودي بيساعدك كثير,,, عالعموم احب اطمنك بشغلة وحده,,, مافي شي اسمه ماراح تلقين سكن زي ماذكرت فيه فنادق رخيصه مؤقته وفيه شقق من كل المستويات (سيئة و بسيطه وعاديه ومتوسطه ورائعه وفخمه ) وكل واحد وفلوسه,,, السكن ابد ابد ابد مو مشكلة هنا بمورقن تاون,,,

بالنسبه لالية التأجير حسب المالك,, لكن فيه ناس هنا تاجر بعقود 6 شهور وبعقود سنويه وفيه ناس تأجر لك شهري (عادة الشقق الفخمه ماتاجر شهري) وانما بعض الشقق العاديه تأجر شهري,,,

انا عن نفسي اول ماوصلت لمورقن تاون سكنت بفندق وبعدين سكنت بشقه بسيطه وعاديه جدا جدا كان اجارها 400 بالشهر فيها مطبخ وصاله وحمام (اعزك الله) وغرفة النوم,, للاسف ماكملت فيها وذلك بسبب وضعها المتردي لكن هي كانت مجرد شهر (ترا مااقول ان الشقه زباله ) بس يعني ماهي الشقه اللي ودي اقعد فيها علطول لفترة ابتعاثي,,, فاخذتها شهر عشان ادور برواقه وتركيز اكثر لين مالله يسر لي ولقيت شقتي الحاليه