أي تساؤلات عن جامعة ويست فرجينيا في مورقان تاون؟؟!! ان شاء الله اقدر افيدك

[QUOTE=CROCO;1061801269]الموضوع واضح من عنوانه,,,

اي تساؤلات عن جامعة وست فرجينيا في مدينة مورقان تاون انا مستعد ان شاء الله للإجابه عنها,,,

وحياكم الله,

حياك الله اختي,,,, المعهد (حسب كلام اللي يدرسون فيه حاليا) مستواه متوسط,, يغلب على المعهد عدد الطلبه السعوديين والسعوديات اكثر من اي جنسيه اخرى (قيل والله اعلم ان فيه عنصريه شوي) لكن انا كوجهة نظر لا يوجد شي اسمه عنصريه لان ماتبين لي بعد ماتحققت في الموضوع ان السعوديين مسوين دوشه (كعادتهم رعاهم الله وحفظهم) واتوقع هذا السبب اللي خلا تصير عنصريه.

المعهد حلو عالعموم من وجهة نظري وقريب جدا من الجامعه او بالإحرى في الجامعه ويسمح لك تختلطين بطلاب الجامعه,,, ميزتين المعهد انه غير مغلق من الملحقيه (إلى الآن) + فيه اعفاء من التوفل والآيلتس اذا خلصتي المستوى المطلوب,, الحل البديل انك تجيبين 61 بالتوفل (وعلى الفكره المعهد عنده اختبارات توفل خاصه فيه جدا سهله) او تجيبين ايلتس 6 (ماني متاكد اذا 6 او 6.5 لكن اغلب الظن 6) مااعرف كيف اوصف لك حسب طلبك عن قوة المعهد بس معهد بيكفي ويوفي ولاتنسين الطالب/الطالبه عليهم 60% من الحصيله (المعهد مو كل شي)

الجامعه من اقوى الجامعات (ولا اعني باقوى اصعب بل سهله جدا) في التخصصات اللي انتي ذكرتيها وفيها دكاتره وبروفيسرات وطلاب دكتوراه وماجستير وكلن مستعد يخدمك على قدم وساق,, احلى من كذا (مبنى علوم الحياه) اللي يحتوي على هالتخصصات من اجدد واكبر وافخم مباني الجامعه,,, انا عن نفسي اخذت كورس اختياري علم النفس 101 ووصراحه كان جدا ممتع,, لكن بحكم اني طالب هندسه كيميائيه فما تستهويني الشغله حقت علم النفس ابدا ابدا ولا كان خليت كل الكورسات الإضافيه في علم النفس.


الأمان عند الله وانا اخوك,, اتبعي المقوله (من خاف سلم) او المقوله (امش جنب الجدار يحتار فيك عدوك),,,, المدينه مدينه جامعيه وعدد طلاب الجامعه هالسنه 31500 طالب وطالبه يعني الجامعه كبيره جدا (هذا الشي مايعجبني ) ولكن فيه ناس يحبون ان يكون حرم الجامعه كبير. المدينه جدا جدا جدا آمنه وحتى مااقدر اوصف لك قد ايش الأمان فيها,,,(بعد الله) . كلهم طلاب, بينما مدينة بتسبرق تبعد عننا 120 كيلو من اخطر مدن امريكا,,

السكن متوفر بشكل كبير جدا وعلى ذوقك وعلى كيفك تبين السكن ردئ, عادي, جيد جدا , ممتاز , فخم , ملكي اللي خاطرك فيه وهذا اللي انا شفته بصراحه,,, تبين اختصر لك؟ انا ساكن في شقق اسمها وست رن وتصنف من انها الشقق الفخمهWEST RUN APARTMENTS شوفي صورها بقوقل ويوتيوب

ميزاتها : حرم خاص + مواقف خاصه + فيها كلوب هاوس فيه يوميا فطور ودونات وقهوه مجاني وفيها صالة العاب تنس وبلياردو ومسبح وجاكوزي وسينما وفيها مركز عمل (كمبيوترات وطابعات الخ...) وفيها صالة رياضيه كامله (والكامل وجهه سبحانه) من حديد والعاب لياقه + الكهرب عليهم والمويه عليهم والنت عليهم والنت سريع جدا جدا بالإضافه الى ان ماحد يقدر يدخل العماره غير سكانها ولها زي المفتاح الالكتروني,,,,,, وكل هذا بـ 549 دولار بالشهر (ماشاء الله).

عموما المدينه والولايه ارخص من غيرها., مايعيبها من وجهة نظري طابعها الجبلي (زي الطايف طلعات ونزللات) اذا انتي من اهل السعوديه بتعرفين ايش اقصد + البنزين فيها غالي اذا عندك سياره حوالي 4 دولار للقالون

[QUOTE=TLOPEZ;1061808558]
Hello Tariq. Glad to have a mountaineer participating with us here. Sir, the IEP program offers paper based TOEFL every three months if I am not mistaken (not sure about the required score though). Regarding the GMAT, They announce every once and while in the Mountainlair building and in the Audotorioum. Unfortunately I must tell you that you've missed a GMAT test that was held somewhere around the campus that took place in the 3rd of March.

Good luck with your degree bro.

سلام عليكم اخ حسام .. يالسمي

ابغ اعرف كم تقريبا عدد الطلاب السعوديين في الجامعه ..

وكيف "الانترتينمنت" في البلد بالنسبه للمتزوجين هل في محلات شوبنق .. ماركات .. مطاعم

واخيرا وليس اخرا .. انا تخصصي هندسه كهربائيه في جامعه كنديه وباحول ان شالله لجامعه ويست فيرجينيا .. كيف الدراسه .. هل صعبه او سهله بشكل عام

thanks in advance

حياك الله يالسمي,, عدد الطلاب السعوديين في الجامعه حوالي 200 او 220 من 31500 طالب وطالبه,,, الانتيرمنت في المدينه هذي بالذات ضعيف,, هي اصلا مدينة جامعيه,, فيها مول واحد كويس والماركات قليله,, لكن بتسبرق جنبنا بحوالي 45 دقيقه بالسياره حقت ويك اند وفيها كل مايخطر على بالك,,, المطاعم في مورقان تاون وش ابدا وش اخلي,,, كل انواع الاكل موجود هندي عربي امريكي مكسيكي ايطالي صيني ياباني كلللللل شي ,,, ههههههه مقولة مورقان تاون النحيف يطلع من عندنا دب,,, وفعلا ياخي كل من درس بهالجامعه زاد وزنه (تعبير مجازي) لان بصراحه المطاعم فللللله وكثيره

الهندسه الكهربائيه جدا حلوه,, وتعتبر من التخصصات المتوسطه بالجامعه,,, فيه تخصصات صعبه مثل الهندسه الكيميائيه (اللي انا فيها الحين) وهندسة البترول وفيه تخصصات متوسطه مثل الكمبيوتر والكهرباء وفيه السهله مثل الهندسه الصناعيه والمدنيه ووووو


والعفو يالسمي ,,, شرفت ونورت

الموضوع يااخواني واخواتي لازال قائم,,,, والله يقدرني بافادتكم

تسلــــم أخوي ربي يعطيكـ آلعــآفيه ..
أنآ دخلت على موقـــع آلجآمعه .. وعلى معهـــدهم ..


أنآ مرآفق لأختي .. وكلنآ بندرس تخصص MBA ..
وعندي كم سؤآل بشــكل مبدئي ..

ــ إذآ دخلت معهـــد آلجآمعـــه .. هل يأهلني بعــدين أدخل للجآمعه ويتغآضون عن آلجيمآت للمآستر .. وكم نسبة آلعرب كتقدير .. ومدى قوته من نآحية آلتأهيل للدرآسه آلجآمعيه ..
ــ آلجآمعه على حسب مآ قرأت قويه .. لكــن هل فيهآ أي تعقيدآت ؟ .. من نآحية آلقبول آلجآمعي .. وآلدرآسه ..
ــ آلمدينه : من كلآمكـ إنهآ رخيصه وآمنه .. آلبحث عن سكــن هل متعب .. وآلعقود سنويه ؟! وهل شآمله للمآء وآلكهربآء ..
ــ جو آلمدينه بشكــل عآم .. بآرد ولآ حآر ..!!
ــ تقييمكـ للمدينه من 10 .. من حيث :
الأمآن ..
آلمعيشه ..
آلترفيــه ..
أهل آلمدينه وطبيعة أخلآقهم ..

تقريبآ هذآ أللي بخآطري آلآن ..
أي أسئله تخطر في بآلي .. رح أرجع للموضوع من جديد .. وتحملني هههههههه

وربي يووفقكـ إن شآء الله .. وتحصل على أعلى آلشهآدآت ..

السلام عليكم ..اولا اشكرك على موضوعك ..
تانيا عندي سؤالين فقط لانو حروف متناثره مابقى شي اسأله خخخخخ المهم
1-بسالك عن تخصص ماستر لينجويستك ( لغويات) كيف دراسته صعبه ولا سهله ؟ والتيتشرز متعاونين ولا عنصريين مع الاجانب ؟
2-المدينه فيها مواصلات ؟ لانو على حد علمي انها صغيره وجامعيه فما ادري كيف المواصلات فيها!!
وشكرا ماقصرت
موفق يارب