معهد els في johnson city

الله يسعد الجميع.اول شي انا عادني في المعهد عشان كذا ما اعرف الكثير عن الجامعه لكن اذا في سؤال معين ممكن اسئلكم عنه.عن المعهد تدريسة (رأيي فيه) جيد ومريح والتفاهم معاهم سهل.الا الان بصراحة معظم الطلاب اللي فيه سعوديين اكثر من نص الطلاب (الطلاب اللي في المعهد كلهم تقريبا 27 بس.وهذا شي كويس يقل عدد الطلاب في الفصل) والمدرسين كويسين طيبين وشرحهم تمام.المدينة مريحة واهل المدينة برضو لكن اصعب شي هنا هو التنقلات.في الباصات وبعضها مجانا لطلاب الجامعة وطلاب المعهد لكن اللي يبغا يستخدمهم لازم يعرف نظامهم واوقاتهم عدل.طبعا التكاسي هنا غااااالية وانا ما اشجع اي احد يستخدمها.عشان كذا مافي الا طريقتين تشتري الاولى شرا سيارة والثانية تتعلمي على نظام الباصات

الدوام الرسمي حقهم فهو من 8ونص الى 3.45 اما اذا انتي على حسابك يمديكي تاخذي حصص اقل وبسعر اقل يعني ينتهي الدوام 12ونص والسعر اقل ب300 دولار تقريبا
ما ادري عن الماستر اختي بس بتاكد انشالله لكن اظن ان لو عديتي لفل 112 خلاص زي ما هو واضح في الرابط http://www.universityguideonline.org...tate=TN&dgre=M. اما الجي ار اي .شخصيا لاني ما بديت الجامعه ما ادري اش هو اساسا لكن بسال هل يطلبوه او لا

هلا اخوي (سويتها) عن المجمعات في مجمعات لكن لازم اللي انا فيه(وما انصحك فيه)اسمهgreenwood farms aptوفي تبع الجامعه بس اول شي اخوي وفي تبع الكامبس حق الجامعه ارخص من اللي انا فيها بس ما زرتها من قبل (يعني ما ادري كيف النظافة ) اذا انت متزوج انصحك تاخذ غرفتين واذا لا فانصحك تسكن مع روميت لان السعر بيكون ارخص
مجمعات مليانه بس ما اقرى الاسامي لكن بسال وبشوف انشالله.في شبكة باصات وبعضها مجاني للطلاب.

الله يعطيك العافيه اخوي

انا دخلت على موقع الشقق اللي انت فيها وعجبتني كثير من الصور بس اكيد الواقع يختلف

انت ليه ما تنصح فيه وش المساويء في مجمعك ؟

السلام عليكم ورحمة اللة وبركاتة

أختي لبنى بسالك ايش متطلبات قسم Clinical Nutrition انا خلصت المعهد و بدور على قبولات و خاصة انو البعثة شوية و تنتهي . جالسة في امريكا سنة و نص و مهتمة بهاذي الجامعة جدا لأني حابة اكمل في نفس تخصصي. ياريت تفيديني باي حاجة عن هاذي الجامعة و القسم . أنا قرأت في الموقع انو طالبين فقط درجة كويسة في الجي ار اي ماهم محددين درجة معينة minimum score مضبوط هذا الكلام . ياريت تفيديني
مع خالص الشكر

الله يعافيك اخوي هي حلوه لكن اكبر مشكلة فيها انها ماهي مؤثثه .طبعا فاتورة الكهرب انا ادفعها وسعر السكن 2 غرفة وصاله وحمام ومطبخ مجهز ب750 بالشهر.بعده عن الجامعه 1 كيلو (انا مقطع الطريق ذا كل صباح مشي وممتره تمتير)يعتبر حلو خاصة لو عندك اطفال لان الروضة هي المبنى اللي جنبنا على طول.

في وحده من اخواتي سالتني عن كورسات الاعداد لل جي ار اي اللي ما كنت فاهم اش هو اصلا.المشكلة في الجامعه ما تدري تسال مين والطلاب اللي جايين كلهم متخرجين من الثانوي لكن بعد ما بحثت في النت حصلت GRE Test Prep Classes Johnson City TN - Johnson City TN, GRE Test Prep Classes, Johnson City TN education, Johnson City TN graduate school, Johnson City TN GRE, Johnson City TN graduate record examination, Johnson City TN university, Johnson City TN
اتمنى هذا هو اللي تبحثين عنه اختي واذا مو هو وضحيلي لاني ماني فاهم الطبخة.

الباصات تبع الجامعه وقفت مؤقتا بسبب انه ترم صيفي وبتفتح مره ثانيه في الترم الجاي

السلام عليكم.احد الاخوات سالتني عن صعوبة تخصص clinical nutrition في الجامعه هذي.انا كذا طالب هنا.قالولي ان مستوى الصعوبه متوسط والدكاتره (المدرسين)تدريسهم حلو.ومعليش تاخرت على هذا الجواب لان ما في طلاب الترم هذا الا الجدد اللي في المعهد وقليل جدا من طلاب الترم الصيفي على ما اظن.وعذرا مره اخرى

طيب اخوي انا تخصصي cardiopulmonary في نفس الجامعه وجايني قبول ومعي عائلتي كيف الوضع هناك واذا تقدر تسئلي عن التخصص الله لايهينك