استفسار عن ديزني وورلد / عاجل الله يعافيكم

الداون تاون يوجد فيه الماركت بليس وهو منطقة مفتوحة لا تحتاج تذاكر وهي منطقة تسوق ومطاعم ويوجد العاب اطفال عادية واسعارها رخيصة , بالنسبة للمدن الترفيهية فهي اريع مناطق او اكثر , انا من سكان فلوريدا ولنا عرض خاص وهو ثلاث دخولات ب 99 $ للفرد والاطفال اقل من ثلاث سنوات مجاني وتاكد من العمر , اذا رحت لاحدى المدن هذه مثلا ماجيك كيندوم وكنت بسيارتك تدفع 17 $ لدخول السيارة اذا دخلت المدينة كل الالعاب مجانية , بالنسبة للسكن ممكن تبحث لأني سكنت بعيد ارخص , أما اسعار التذاكر لغير المقيمين في فلوريدا فلا اعلم وممكن تبحث في الرابط الذي وضعتعه انت

قهر انك تروح ولا تلعب ايش الفايدة اجل ..


على فكرة العاب ما قد شفتها بحياتك شيء خياال حرام انك تدخل ولا تلعب الا اذا ظروفك ما تسمح لك باللعب هذا شيء ثاني ..

انا اخر مرة رحت الشهر الي راح تعبت من المحلات الي تبيع تذاكر رخيصة والصراحة اغلبهم ماعندهم سالفة هوا سعر التذكرة نفسه الي تشتريه من البوابة نفسه في كل محل بس ممكن في النت ارخص شوية مادري بس اعتقد انه لازم يرسلوه لكم بالبريد الله اعلم لاكن ترى مو فرق مرة. اشتري الاتذاكر من البوابة وريحوا نفسكم.
المرة الاولى اخدت تذاكر من احد المحلات الي على النترناشيونال درايف اعطاني تذاكر مستعملة وباقي فيها يومين بس لمن رحت البوابة ماشتغلت وهيا اسئلة من فين جبتها وكيف وليش و و و و و امتحنوني رحت قلتلهم اني شكلي اخذت تاكر اصحابي الي في الفندق بس عشان اصرفهم ورجعت للراجل ورجعلي فلوسي.
بس صراحة هادي المرة اشتريت التذاكر من واحد ب90 دولار بس ميزتها انها تدخلك كل الحدايق ومدتها يوم صراحة عجبتيني الحديقة الي ماتعجبني اخرج منها واروح تانية. حتى هادي التذاكر ماهي بشكل رسمي هما موظفين في ديزني وركبت معايا الحرمة في السيارة ودخلنا معاها على اساس اننا مرافقين واعطتنا التذاكر جوة وسوت انها شوية بتلعب معانا وبعدين مشيت بس الصراحة محترمة مررررة كانت.
بعض المحلات يقولولك تعال الفندق حقنا زيارة لمدة 45 دقيقة ونعطيك التذاكر ب60 بس راح يمتحنو اهلكم هناك وتاخدوا ساعات عندم ويضيعوا عليكم اليوم وفي الاخير يطلبوا اشتراك سنوي في الفندق حقم .....المهم نصابين.
ماعتقد التذاكر لها دخل في السكن نهائيا
سوري على الاطالة بس اتمنى المعلومات مفيدة

انا مع كلا ايبو 333 و جداً الكلام واقعي , يعني احنا نفكر اننا في امريكا و فيه قانون و نظام و هذا الكلام صحيح و لكن الاحتيال على النظام فن ثاني و محترفينه اهل اورلاندو يعني , انا اتذكر رحت هناك و دوغري اشتريت التذاكر من الشباك و استمتعت الحقيقه كان الجو مره حلو, و كل مدينه من مدن ديزني لاند يالله يبغى لها يوم عشان تلفها كلها و تستمتع (بأغلب) الخدمات هناك.

انا انصحك توفر من ناحية الاكل , يعني تحاول تجيب معاك اكل عادي تقدر تحطه بشنطه و تدخل به عشانك راح تقظي نهار كامل هناك والاكل عندهم اسعار خياليه ,

الزبده انه ما يستاهل انك تظيع وقتك تدور تخفيض يا دوب عشرين دولار عبعضها و بالمقابل حط لك خطه عن اي مدينة ديزني راح تزورها افضل لك عشان توفر وقت و توفر مصاريف اكل و تستهدف الاماكن اللي تحبها , و اشتري تذاكر حقت ابو دخول يومي و استمتع يا عم

اشترى النت احسن لك بكثيييير جدا
ومافيه شي ماابغى العب التذكره تشمل الدخول+اللعب وسكان اورلاندو لهم تخفيضات

التذاكر تشمل كل شي لو ماراح تلعبين
من النت ارخص