تكفون ساعدوني متوهق ؟؟؟؟؟؟

ايوة يستقبلونك بالملحقية. ولكن اذا كنت سوف تذهب لواشنطن عشان الملحقية أنصحك تذهب لمدينتك مباشرة. لان كل شي أون لاين. إشعار بوصول مبتعث جديد الى واشنطن العاصمة

كيف يعن ما فهمت انا حجزت على واشنطون وش الحل يعني

ولو سمحتم اول ما اوصل واشنطون وش الاجراءات اللي لازم اسويها

اخوي اذا راح تروح الملحقية عشان فتح ملف غير حجزك ورح لمدينتك مباشرة لان كل شي أون لاين. واذا حاب تروح لواشنطن راح يستقبلك سواق الملحقية وتروح للفندق المتعامله معاه الملحقية. الله يوفقك

هلا ومرحبا اخوي
توصل بالسلامة ان شاء الله
مافي داعي تغير حجزك مطار دالاس يبعد عن بالتيمور ساعه تقريباً
اوصل وخذ لك قطار او لموزين
اذا ماعندك اي خلفية كيف تقدر تاخذ قطار انصحك باللموزين لان القطار مشواره تقريباً ساعتين وفيه لحسة مخ شوي
بالنسبة للملحقية اذا هي تستقبلك او لا
في شخص يستقبلك بالمطار وغالباً يكون متواجد بانتظار الطلاب على رحلة الخطوط السعودية
راح تسجل اسمك معاه وبعدين راح يوجهك تاخذ اي باص عشان تروح للفندق
هذا اللي صار معي بالضبط بعد ماوصلت لامريكا
بالتوفيق اخوي

اي نعم زي ما قالو الشباب , الاستقبال لجميع الطلبه السعوديون و ما يحتاج تترك خبر لأحد لأن مندوبين الملحقيّه الله يجزاهم خير متواجدين هناك بشكل مستمر ... بياخذونك للفنادق المتعاقده مع الملحقيّه و جيب معاك جبن و خبز لزوم الجوع في الفندق احسن من انهم يسلخونك باسعارهم بس حط اي اكل في الشناط اللي بتدخل العفش موب الطياره ... و وسّع صدرك سهالات باذن الله ..

بس قبل ما تجي ... جبت قبول من الوزاره ؟ يعني انك تدرس ع حسابك الخاص ؟ ترى فتح الملف الآن من عندكم حسب ما نسمع ...

عموماً بعد ما تروّق لك يوم في الفندق ( وانتبه تشرب القهوه اللي في الغرفه! تراها ببلاش كانك رحت الشيراتون بس ياهي بتسهّرك شهر ...


بعد يوم ترتاح فيه يكون تاخذ لك ( سوبر شتل ) , هذولا نظامهم ياخذونك مع كم شخص في فان مريح و كويّس لمناطق معينه بس زي ما قالو الشباب وانا معهم ديرتك قريبه ...

بس ترى زي ما تفظلوا الشباب جلستك في واشنطن مالها لازم ... الا كانك حاجز و منظم امورك فهذا شي ثاني ... اهم شي تقتح ملف من عندكم قبل تجي لأن الملحقيّه وقفوا فتح الملفّات قبل امس

اذا كانك تبغى تدرعم من المطار لديرتك دايركت شل شناطك و امش مع العالم كأنك طالع اول ما تطلع راح تلاقي مندوب الملحقيّه , سلم عليه و امش ( و على فكره هنا اذا ما لقيته ونتا طالع برظو درعم ..
تدرعم يالحبيب اتذكّر تلف يسار و سيييده لين يجيك اخر المبنى من جوا و على يمينك درج ( نازل موب طالع! ) تنزل تلاقي الباب قدامك و كراسي يسارك و مكاتب يسار الباب ...

المكتب الثاني من اليسار هو السوبر شتل ( نسيت يمكن الاول بس انت اسأله وش اسمكم يا حبيايب؟ ), يكون تعطيه عنوانك في بالتيمور و يقول لك جب ميه و لا ميه و شوي انقد له وانتظر تسمع اسمك يناديك سواقهم تجر شناطك و يوديك ... و نفس الشي اذا ما لقيتا مندوب الملحقيّه ونت تحتاج الجلسه يعني يكون تقعد على ذالكراسي و تدير بالك على شناطك ( خصوصاً اللي فيها اوراقك واللي سهلة الحمل هذي ) و تطالع يمين و يسار و يا ليت تفهّي شوي عشان اذا شافك حق الملحقيّه يدري انك ... مظيع

المهم بالسلامه يالحبيب ...

نسيت ما اعطيك موقع السوبر شتل :
SuperShuttle Super Shuttle Blue Van | airport shuttle transportation & transfer service reservation

يعطيكم العافيه حبايب و ما قصرتو

فديتكم و الله

اخوي الموضوع سهل جدا

اذا ماتعرف تتكلم انجليزي
موظف الملحقيه بيروح معاك ويتفق معاهم


يعني ووسع صدرك والموضوع اسهل مماتتوقع


توصل بالسلامه انشاء الله

من يدلني الله يعافيكم على معاهد مع الجامعه وقبول مشروط . لاني الان في سبرينقفلد ميزوري ودي اطلع منها باسرع وقت لان الديره تجيب الكآبه وكلها قبور

- - - مشاركة محدثة - - -

من يدلني الله يعافيكم على معاهد مع الجامعه وقبول مشروط . لاني الان في سبرينقفلد ميزوري ودي اطلع منها باسرع وقت لان الديره تجيب الكآبه وكلها قبور

- - - مشاركة محدثة - - -

من يدلني الله يعافيكم على معاهد مع الجامعه وقبول مشروط . لاني الان في سبرينقفلد ميزوري ودي اطلع منها باسرع وقت لان الديره تجيب الكآبه وكلها قبور