ابي مساعده في القبول المشروط تكفون ..

اولا السلام عليكم ...

ثانيا : القبول المشروط سهل .. وتقدر تجيبه .. لكن بخطوات :

قبل كل شي - ترسل شهادتك لإحدى شركات المعادلة اللي تعادل لك شهادتك وتترجمها بالنظام الأمريكي. مثل WES وهذا رابطهم World Education Services - International Education Intelligence

المرحلة الأولى:
1- تحدد الولايات اللي تبيها و مجموعة من الجامعات اللي تبي تدرس فيها .. وتتأكد انها معترف فيها ومو مقفلة من الملحقية. كل ما كثرت جامعات كل
ما كان فرصة حصولك على قبول اسرع ( بعد توفيق الله ) .. ويا حبذا تشوف من الجامعات اللي معروف عنها تعطي قبول مشروط وتلقاها هنا في المنتدى.

2- تعبي الابليكيشن لكل جامعة وتدفع الرسوم.
3- ترسل ايميل لمسؤل القبول للطلاب الدوليين وتقول ابي قبول مشروط. وترفق له رقم الابليكيشن اللي عبيته. بعضهم بيطنش وهذا قليل
وبعضهم بيعتذر منك .. وبعضهم بيقول نعطيك قبول مشروط.


المرحلة الثانية:

- تجهز المستندات التالية :

1- صورة جوازك.
2- صورة طبق الاصل لشهادتك.
3- صورة معادلة شهادتك
4- صورة للضمان المالي ( اذا كان موجود ) أو شهادة من البنك لحساب الراعي تبعك لو كان ولي امرك
او صورة لحسابك اذا انت المسؤول عن نفسك,
4- توصيات ( اذا متوفر )..

طبعا تسوي كم نسخه من المستندات اللي فوق .. وتحطها في ظروف .. تكون جاهزة للإرسال.

أخيرا .. ترسل كل باكج للجامعة اللي عبيت فيها ابليكيشن..

وبعدين خلال فترة بيجيك اكثر من قبول وخذ اللي تبي منهم ..

واذا بغيت اي استفسار انا تحت امرك ..

اهلين اخوي ابو عبدالله .. الطريقة جدا حلوة .. بس مكلفة لان الاوراق ترسلها من الرياض لاي ولاية في امريكا ب300 ريال وافرض اخترت 5 جامعات هذا 1500 ارسالية بدون رسوم الابلكيشن
اتوقع لو اعطي مكتب 1500 او شخص فاهم بالموضوع بيكون اسهل .. لان اتوقع يستقبلون الاوراق على الايميل ما يحتاج ارسلها لكم عن طريق الفيدكس او الدي اتش ال

وكل الطلبات موجوده عندي الشهادة والضمان المالي وجواز السفر وقبول المعهد وتذكرة الطيران .. بس اللي باقي لي ومتورط فيه القبول المشروط للجامعه