ما طرق دفع الآجار ؟

عن نفسي شيك .. بس ليش محتارة ؟ اسألي السكن أي طريقة دفع مقبولة عندهم

شيك

او اون لاين

أعطوني مجموعة خيارات
فحبيت أسأل أشوف الأكثر شيوعا والأكثر أمان

فعلا كثير يقولوا مثل كلامك الشيك أفضل

شكرا لك

غالبية الشقق فقط يتعاملون بالشيكات البنكيه او الشيكات المدفوعه مسبقا Money Order ...
وهذا النظام السائد تقريبا في جميع الشقق ..

لكن فيه شقق تقبل الدفع عن طريق الاون لاين .. وفيه شقق تقبل الدفع عن طريق الفيزا دايركت من الاوفيس ..

كل الطرق سليمه ولا فيها مشاكل ..

فقط مسألة الدفع عن طريق الاون لاين هو اللي ممكن تحصل فيه مشكله والسبب يعتمد على قوة حماية الموقع + حماية جهازك ..

اما لو الشقق موفر لك الدفع عن طريق الشبكه .. فما فيه خوف باذن الله ..


شخصيا انا اتعامل بالشيكات مع الشقق لانهم مايقبلون غير الشيكات او Money Order ...

واما عن الفيزا او الدفع اون لاين .. فانا استخدمه لكافة فواتيري الاخرى .. ولا صادفت مشاكل معهم لله الحمد من سنوات ..

ألف شكر بصراحة
رد شامل .. واستفدت منه
دعواتنا لك بالتوفيق

شيكات أحسن شئ بس لأتنسين تخلينهم يعطونك صورة من الشيك انه وصلهم اضمن لك

Money Order افضل شي: لانه ينسحب لك من الرصيد بنفس اللحظه
الشيك ينسحب ممكن بعد ايام او اسبوع وبكذا ممكن تتوهق اذا انت مثلي ورصيدك يكون بالسالب

مايحتاج اختي .. لان الشيك اذا انصرف تسجلت في عمليات حسابك الخاص .. والان كل البنوك يضعون صوره للشيك من الامام والخلف في العمليات ..
وتكون رسميه بعد .. فكل اللي عليك انك تدخلين حسابك بالاون لاين وتشيكين على عمليات الشيكات المصدره وبتلاقين خيار يظهر لك صوره للشيك .. وبإمكانك طباعته ..
وايضا البنك نفسه يحتفظ بالنسخه الاصليه من الشيك ومن الرسيت .. حتى لو حصلت مشكله بإمكانك الرجوع للبنك نفسه وهم يخلصون لك الامور ..
بس اللي عليك انك تعرفين رقم الشيك وهم عليهم الباقي ..

هذا والله اعلم ..