ميامي ( فلوريدا ) ؟؟ السكن هاجس وحيره !!

حبايبي لاتهتموووون من ناحيه السكن راح اعطيكم موقع للبحث عن سكن بأي ولايه وبأي مدينه واللي اعطانياه واحد امريكي وقالي انه ذا الموقع مشهور عندهم ويستخدمووونه كثير وهذا خاص بمدينه ميامي
http://miami.craigslist.org/بالتوفيق وعلى فكره انا ساكن بسكن رخيص وحصلت السكن من ذا الموقع

يعطيك العافية أخوي tmt, و أتمنى المزيد من التفاعل من الأخوان..

مرحبا,

سؤالي لأخوي tmt, الموقع جيد و فيه أسعار جيدة, لكن هل فيه مصداقية في المميزات و الصور, ياليت تحكي تجربتك ( هل فيه مصداقية في المميزات و الصور, يعني مثلا إذا قال المسافة من السكن إلى الجامعة تبعد أقل من ميل واحد هل فعلا نفس الواقع, ايش الأشياء اللازمة الّلي تسأل عنها.. مثلا مدة العقد, كم عدد الأشخاص الموجودين في نفس البيت و مين هم .. ايش الأشياء المتضمنة و الغير متضمنة في العقد..الخ)

لك الشكر..

السلااام عليكم .... واعذرني اخوي نادر عن التأخير لاني توي داخل الموقع ,,, المهم
الموقع طبعا يعرض في اسفل عرض الغرفه او البيت google map بس اضغط عليه ويطلعلك الخريطه بالتمام يعني مايقدر يكذب عليك صاحب العرض انت بنفسك تشوف كم يبعد السكن عن الجامعه . بالنسبه للاشياء المتظمنه يختلف من عرض لعرض بس عاده يكتبلك صاحب العرض المميزات وطريقه دفع الكهرباء والماء وغيره اما بالنسبه للعقد بعد يفرق بعض العروض مايلزمك بعقد متى ماتبي تطلع تطلع والبعض الثاني يلزمك. صراحه الموقع بالنسبه لي في المصداقية العاليه وانا من تجربه انصحكم فيه .

أخوي tmt, شكراً على ردّك الجميل, لكن هناك فيه إشكالية بالنسبة لي بالنسبة لدفع قيمة التأمين( Security Deposit ), يعني فيه شخص طلب مني ارسال قيمة تأمين ب 750$ و معلوماتي المالية, طيب كيف أثق بالشخص هذا و ايش الّي يثبت لي أنه صاحب المنزل, و ما فيه أي شيء يدل أن الموقع آمن مثل أمازون و غيرها.. لو كان لديك ما يثبت غير ذلك, أرجو إفادتي.. بمعنى هل فيه شركة عقار موثوقة مثلا, ترسل لها المبلغ, هل الدفع يكون عند و صولك و مقابلة الشخص هو الأئمن فقط, أم فيه خيارات أخرى.. لأنه تعلمت شيء في تخصصي الحاسب و في متابعة الإنترنت أنه دائما أفترض سوء الظن عند استخدامك للأشياء المالية عن طريق الإنترنت..

السلاام عليكم ,,, هلا اخوي نادي

بالنسبه للدفع صعب انك ترسله فلوس عن طريق النت لانو مثل ماقلت هذا الموقع مفتوح لأي شخص يعلن فيه ماهي شركه موثوق فيها. ولاكن نصيحتي لك انك بعد ماتوصل مدينتك تاخذ فندق لمده اسبوع بالكثير وتبدأ بمراسله اصحاب العقار او انك تكلم الجامعه توفرلك سكن مؤقت على بال ماتحصل سكن . بالنسبه للمده اعتقد ومن تجربه انك راح تحصل سكن بأقل من اسبوع وبالتوفيق

الدفع يكون عند و صولك و مقابلة الشخص هو الأئمن فقط
فعلا صحيح هذا بالنسبه للموقع اللي عندك

يعطيك العافية أخوي tmt على ردّك الرائع و ما قصرت..

تمنياتي لك بالتوفيق..

حبيبي نادر انا تحت الخدمه

ياشباب

مادري لقيتم سكن حلوا ولا لا؟؟

ماشوف احد حطلنا اسماء معينه ,,,, الهمه ياشباب

=(