تجمع طلاب جامعه +معهد University of Pennsylvania

نداء الى البطه الحمراء......
تقدري تاخذي موعد في السفاره ....وتحطي رقم اي تونتي n00000000 اذا مستعجله بس اعتقد عجلي
زي ماقالولنا لانو انا عندي رقم سيفيس بس المدام لسى ماوصلت الاي تونتي (تناحت معهد دركسون البسكليته) دريكسل ....قلنالها ارسلوها لو على حسابنا قالت الخواجيه اسمها مارشا مدري برشا ....
اسف خبيبي روه استلام قوبلات من mohe ....هذا نظام مش لعبه
( كاني في مسلسل اخوة التراب وا بالاصح ( كوم الحجر )بطولة الاحدعشري تابعوه على الام بي سي سبعه ونص المغرب لا يفوتكم....اطلق من باب الحاره وحركات ابو عصام ...يالي مصخهها بدلاخته ....( من جد تحس انهم دلوخ ...بس حلو المسلسل يخليك لاخر يوم تفكر) وش بيصير

المهم نرجعلك يا بطه حمراء....
اقول خلاص خلص الموضوع ..................................... .215حووووووووول

هههه البطة الصفرا البطة البيضا السودة اي شي
على فكرة يازوينة كل سنة وانتي تيبة وانشاء الله راح نستقبلك بالكيك وانتي عليكي الهدايا

ايوة ما عندي اي توني من قبل ورسوم السيفيس كيف ادفعها برضو عن طريق الفيزا او الماستر كارد ؟ وللا اروح البنك ادفعها ؟ وكم الرسوم تبع السيفيس ؟؟ تحياتي تمارا

نداء الى مللون البطات على كيفو هههههه
هههههههه انا اللي اعرفو واللي سمعتو انو البطات لها الوان محددة... بيضة ...سمعنا
سودة عرفنا....... صفرا ممكن........ حمرا هادي ما سمعتها مررةالا منك بس منكم نستفيد برضو
على العموم شكلي راح استلم القبول او اخلي احد ينوب عني ويستلمو ويسلو بالفيدكس لانو مشواار من جدة للرياض وحجز وشغلة ولمن يجي القبول اكتب رقم السيفيس وانا متاخرة ما سويت موعد لانو ماعندي فيزا ولا كرتيدكارد بس لحد يضحك عليا

انتي ويوسف لمن اقرا ردودكم احس نفسي على الاخر وخصوصا البشمهندس يوسف علية طلعات

السلام عليكم ... مساء الخيرات

وش اخباركم ...

فلاديلفي طول الغيبة .. عسى المانع خير

يوسف مسلسل باب الحارة من بعد الاحدعشري كلام فاضي

- يا بطه زرقاء .......................... عادي عندي عمى الوان ...
..
- رسوم الموعد في السفاره 45 ريال عن طريق الماستر كارد او الفيزا فقط ......وانا عندي اميركان اكسبرس ..وما رضيت تندفع فاخذت بطاقة اخوي وسددت فيها ....دبري بطاقه من هنا ولا من هنا جارتك ولد حارتكم ام صاحبتكم السواق اي شي

- السيفيس لمن يوصلك الي اتونتي سدديه عن طريق البنك الامريكي سامبا تقدري تدفعيها كاش مبلغ 380 ريال

- رسوم الفيزا الامريكيه 380 ريال عن طريق البنك الامريكي سامبا كاش

اول شي خذي موعد انا توني اخذت موعد قبل عشره مدري خمسطعش دقيقه وشغلانه وموعدي انشالله السبت 3 مايو اقرب شي حصلته لانو اقرب موعد متاح يوم ثلاثاء اخر ابريل وذا من جد مالو داعي منها ويكند في الرياض وارجع جده السبت .......تخطيط

شو يا ادميرال منو شو شوبنـــــــــــــــــــــــــــــــــا عقيــــــــــــــــد والله اشـــــــــــــــــو حكي ...............................................256 حووووووووووووووول

اهلين يوسف .. مانبا شي

بحثت في المنتدى عن التوصيات لقيت الوضع مايطمن بعضهم يقول كل جامعة تطلب توصيه معينه

وبعض يقول عادي وبعض يقول تقيم وبعض يقول التوصية بظرف ومختوم ..

الحوسه هذي لمبتعثين كندا

مدري اذا جامعات امريكا نفس الشي او لا

http://www.mbt3th.us/vb/showthread.p...CA%E6%D5%ED%E5

http://www.mbt3th.us/vb/showthread.php?t=39850
احترنا ...

الزبده اللي لغته تمام يدخل على الجامعة يشوف اذا فيه نموذج معين طالبينه في التوصية

أنا هووووووووووووووووووووووون يا حيليويييين ... معليش انشغلت مع الويك اند خي خي خي ...

الموهييييييييييم .. كيف حالكم ؟؟ انا دحين في بريك وقاعد في ستاربكس star bakas لوول
وجالس اشرب كاراميل مكياتو "" يا حبي لدا الدرنك "" و قاعد اسمع اغاني والمنتدى وقاعد احل الاختبار الي لازم اسلمو بعد ساعة ونص خخخخخخخخخخ ... فشل فشل معليش بس انا سايبو للبريك عشان احلو بدل ما اطفش (( سوى فيها تركو بالعنية الا دوبو مفتكرو خخخخخخخخخخخ ))

المهم .. انتو كيفكم طيبين اخبار علوم ؟؟ وبالنسبة للملاهي عندكم ملاهي قريييييييييييبة اسمها ديزني لاند في فلوريدا ان شاء الله تروحيها في الصيف وانتي طيبة خخخخخخخخخخخخخخخخخ قال ملاهي قال ... مافي ملاهي هنا مساكين احنا بس يعني لو تحبي مراهنات و بوكر و هديك الي تختاري رقم واحمر وترمي ومدري ايش البلاهات دي تلاقي قريب في اتلانتك سيتي لووول .. بس في عندهم مطعم خطييييييير والله لازم نروحو كولنا "" حلني ""

الموهيم اي استفشارات ؟؟؟ >> مسوي المستشار العام لفيلاديلفيا بوجهي خخخخخخخخخخخخخخخخ

الا اقووووووووووول مين حجزلو سكن ومين حجزلو شقة ومين ومين سوى وفعل ؟؟

تراااااااا لا تتأخرو راح تتشنبرو (( كلمة جداوية مكاوية معناها راح تتشنبرو )) فسر الماء بالماء خخخخخخخخخخخخ اقصد انو كدا تتشنبرو والله مدري كيف اشرحها .. المهم انو ما تحصلو يمكن لول بإختصار يعني..

الاستاذ فيلادلفي نبغى سكن رخيص وقريب من الجامعه واذا ماعليك كلفة تحطلنا الاسعار

يا اخويا انتا نايم شكلك ... انتا متزوج ولا اعزب ولا ايش حكايتك ؟؟ جاوبني وانا اجاوبك خخخخخخخخخخخخ

لا من جد عشان اقولك السكن المناسب .... المشكلة ما تتابع حلقات فيلاديلفيا مع فيلاديلفي الي اعرضها كل يومين هنا .. لو تلاحظ المشاهدين كثير وكانو يستنوني عشان البرنامج انا غبت عنه يومين .. يلا معليش بس تابعنا خخخخخخخخخخخخخخخ ... المهم دحين قولي كيف تبغا السكن ؟ شقة ولا غرفة وكم شخص معاك ؟ متزوج ولا اعزب يعني وكم السعر الي تبغاه ... وابشر بعزك يا سيدي..