تجمع طلاب جامعه +معهد University of Pennsylvania

الحمد لله عزوبي بالنسبة للسكن مو مشكلة غرفة شقة ستديو اي شي اهم شي ماتكون غالية وتكون قريبة من المعهد
اهم شي
لا تكون فوق 750 دولار

ومشكور اخوي فيلادلفي وانا شاء الله اجبلك تميس وانا جاي

حتزلوني عالتميس دا :'( خلاص مابغا شي منكم ..

هييييييي لا تصدقو .. اقول قبل ما تجو جيبو التميس ولا لا تجو خخخخخخخخخخخ

يا حبيبي مدام انك لحالك ما إلك الا هيفا اقولك هيا خخخخخخخخخ الانترناشيونال هاوس لو تبغا مطبخ يكلفك 770 ولو ما تبغا 600 دولار

www.ihousephilly.org دا الموقع احجز من دحيييين يا سيدي احسلك ...

ادخل الموقع وحتلاقي الاسعار وكمان شكل الغرف ... والي يعجبك احجزو بس وان شاء الله يكون لك يا سيدي ..

من طول الغيبات جاب الغنايم

حمدالله عالسلامة فيلاديلفي ... وين اختفيت

بما انك جالس تحل الاختبار بسألك .. كيف لغتك قبل تروح لامريكا والحين

والله يا ادميرال ابشرك انو هادا اجازة كانت وكل يوم اروح عند الشباب وندق الورق ونشفط في راس المعسل ونرجع البيت مع كثيرا من الفكاهة و القهقهة خخخخخخخخخخخ عجبتني القهقهة دي

المهم زي ما اقولك كنت مع الشباب والله...

هممممممممممم الغنايم جاية معاك من السعودية "" تميييييييييييس "" خخخخخخخخخخخخخخ

وووووايش اسمو اللغة والله في تحسن كبيييييييييييييييييييييييييييييييييييييييييير ... اول كنت شوية اتوتر لمن اتكلم مع احد لكن دحين الحمد لله اتكلم بطلاقة و آكسينت كويس ... في تحسن في السبيكنج .. وبسبب المعهد والله في كلمات جديدة اتعلمتها كتير الحمد لله ...
ايش كمااان ايش كمااان الكتابة برضو في تحسن الحمد لله اكتب بسرعة دحين اكتر وبتركيز اكتر كمان لأني قاعد اخد كلاس اسمو acadimic writing في المعهد والصراحة جددددددددددددددا ممتاز الكلاس دا ... ويعني طبعا القواعد العقدة اهو بنحاول نمشي حالنا ونسلك اوضاعنا بس برضو في تحسن .... يعني والله احس في تحسن ان شاء الله .. واحس لو دخلت البيبر توفل راح اجيب ال550 وانا اضحك ان شاء الله ... وبالنسبة للآي بي تي يمكن لو كان اسهل من الي اخدتو لأنو الي اخدتو كان اووول اختبار وجبت فيه 40 احتاج كمان 40 ههههههههههه .. احس لو دخلت دحين ان شاء الله اجيب 55 بالراحة ولو عندي حظ اجيب ال80 يااااااااااارب....

والله الموفق ... لغتي كويسة من قبل ما اجي الحمد لله لأني اخدت كورسين (( بس الي يسمع استفدت منهم والله نوم في الكلاسات بس خل عنك ))
ان شاء الله في تحسن على ما انا شايف يعني

اولا حمدلله على السلامه واقول ذاكر كويس لاتفشلنا مع الامريكان ههههههههههه
ديزني لاند بفلوريدا هاااااااا عاد جبت الذيب من ذيله ههههههههههه
وبالنسبه للمحل اللي وصفته دام فيه مراهنات مو مشكله اختك راعيه مراهنات هههههههههههههههههه من جنبها
بمزح بمزح لاتصدقوا
لامن جد مررررره مافي ملاهي

مالي شغل حاحول على اورلاندو عشان الرول كوستر

اقولك فلادلفي بالله حكينا ايش صار معاك اول ماوصلت هناك
يعني اول يوم رحت المعهد كيف استقبلوك اخذوك لفه على المعهد ههههههه
اختبروك ؟؟؟ يعني قول ايش ممكن يصير معانا شئ يحمس؟؟؟

تدرون .....نطلع في باص ونروح las vegas وهاااااااااااااااتك قمار .....عاد فيلادلفي شكله حريف بلوت انا بصراحه حتى الاونو ماعرفله ....وبدال ما نجيب شهادات نجيب دراهم ........
$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$
شرايكم .......
وننزل على مصر ونشتري شهادة دكتوراه من عـــــــين شمس

على العموم استفسرنا من واحد في وزارة التعليم العالي بخصوص الوظيفه الحاليه للطالب بعد صدور الترشيحات وقالولنا (انشالله خبر اكيد) انو مافي مشكله اهم شي قبل ماتسافرون تستقيلون ( من القطاع الحكومي) 267 حوووووووووووووووووووووووووووووووول

اقولك فلادلفي بالله حكينا ايش صار معاك اول ماوصلت هناك
يعني اول يوم رحت المعهد كيف استقبلوك اخذوك لفه على المعهد ههههههه
اختبروك ؟؟؟ يعني قول ايش ممكن يصير معانا شئ يحمس؟؟؟

اوووووووووووول ايش ابغا افتكرلك بالله !! بس يعني حتجي وتشوفي خليها مفاجعة خخخخخخخخ مو مفاجئة لأ مفاجعة..

الصراحة الي فاكرو ايوا ياخدوبكم لفة كدا على الكامبس حق الجامعة ويوروكم محل الجامعة و المستشفى و العيادة حقت الطلاب لمن تتعورو تعويرة خفيفة او زكام تروحوها وكمااان ايش كمااان كمان يوروكم فين تاكلو في البريك ويوروكم ستاربكس ويوروكم كمان المكتبة و كدا كم مبنى واظن يوروكم النادي كمان ... بعدييييييييييين الي فاكرو يعملو محاضرات وكدا حركات انو محاضرة السلامة ومحاضرة كيف تتصرف لمن يجيك homeless وكيف تتصرف لمن تشوف شي غريب وفي في كل بعد 5 امتار تقريبا سكيوريتي في الليل ممكن يمشي معاك من محل ما تبغا لحد ما تبغى بس طبعا لو مشوال طويل بيقولك خدلك تكسي وازهلها خخخخخخخخ .. الموهيم وكيف تختارو مواد ومدري ايش
وفي يوم تاني تختبرو اختبار تحديد المستوى تختبرو بعدين يحددولكم المستوى وكل مستوى يروحو قاعة وفي القاعة هادي تختارو المواد الي تبغو تدرسوها زي مثلا يعني من لفل اظن 4 او 5 الين 7 هدولا عندهم حصة غصبا عنهم ياخدوها يعني الزامي الي هيا ال core class ووووتختارو من اللستة كمان مادتين تبغوها تحسو نفسكم ضعاف فيها او تحتاجوها الي يبغا دراستو عن البزنس ما البزنس ممكن ياخد سبيكنج ان بزنس او مدري ايش كدا في كم كلاس .. والي يحس نفسو مو مرة مزبوط في الليسنينج ياخد كلاسات لسنينج والي يحس نفسو مو مزبوط في الكتابة ياخد ومالو والي يحس نفسو مو مزبوط في السبيكنج ياخد ومالو ... يعني تختارو كلاسين بالعربي...

انا حاليا اخدت كورسين وقاعد ادرس في كورسين غير الكورسين الاساسيين .. اخدت كورس اسمو focus in listening الصراحة كان غبي وانقهرت اني ضيعت وقتي فيه وأخدتو و واحد تاني اسمو reading and disscision يعني كويس مش بطال بس يخليك غصبا عنك تتعلم تقرا قصص وزي كدا بالانجيزي الصراحة جيد
وودحين بآخد كلاسين الصراحة مررررررررررة مزبوطين وحينفعووكم مرررررررررررررررة واختي تقول في كلاس مررررررررة مزبوط .. انا بآخد activating grammar دا جيييد والله لأنو المشكلة الي عندي في القواعد يتكلم عنها الكورس دا ... وفي كمان واحد تاني اسمو acadimic writing الصراحة ممتاز وعاجبني ... واختي تقول احسن اول شي الواحد ياخد writing workshop بعدها ياخد الاكاديميك رايتنج .. مدري نصيب..

المهم الصراحة حلو اليومين الاولى .. وانا دحين جايني النوم مين يصحيني في الليل احل واجباتي ؟

عز الله فلحناااااااااااااااااا

يماااااااااامي والله خفت ههههههههههههه
طيب كويس اول يوم يزبطونا مو على طول اختبار ومادري ايش شكله
وعلى فكره ايش يجيك homeless الله يهديك هههههههههه شايفنا متشردين
هههههههههههههههه معليش اخر الليل عندكم شكله هههههههههههه
الله يخلي لنا اختك ان شاء الله ههههههههه حتطبخلنا وتحل واجباتنا يعني لنا ملجا هههههههههههههههههه