Syracuse University جامعة ومدينة سيراكيوز بولاية نيويورك .. ملف متكامل ..

شكرا ابو البتول.
طلب
1.رابط المعهد ورسوم الغة للفصل الواحد كم سعره ؟
2.مجمع ممتاز لسكن قريب منه مدرسةابتدائية تصنيفها من التعليم الامريكي 4 نجوم او5 .
والشكرموصول.

لو سمحتو ابا احتاج قبول مشروط لهذه الجامعه هل اقدم ع المعهد وهم يتواصلو مع القسم وهل في ابليكشن خاص للطلاب الدوليين
كم ياخذ القبول عندهم (مع العلم اني احتاج قبول مشروط من الجامعه عشان انقل من ولايتي)


( تمت المشاركة باستخدام تطبيق مبتعث )

جزاك الله خير وكثر من امثالك

مرحباً بالغالي .. يارب أشوفك قريبا في سيراكيوز .. متفائل والله .. الله ييسر لك ما تعسر يا حلو ..
محبك ابو البتول

حياك اخي الكريم ..
هذا رابط المعهد ..
English Language Institute - at Syracuse University
الرسوم .. تتراوح من 5 الى 6 آلاف دولار في الفصل الدراسي الواحد ..
السكن .. هنالك خيارات كثيرة جدا .. تعتمد على عدد أفراد الاسرة والقدرة المادية .. اغلب الأسر السعودية يسكنون في سكن النوب هيل و منطقة الجيمسفيل .. الباص ياخذ الطالب من امام الباب في النوب هيل .. أيضاً الباصات مجانية للجامعة .. مسألة النجوم ما اعرف والله .. بس اعتقد كل ما طلعت من وسط المدينة كلما ارتفع عدد النجوم ههههههههه .. موفق بحول الله ..
اخوك ابو البتول

حياك الله اخي الغالي ..
وجودك في معهد الجامعة يرفع من احتمالية قبولك .. مجرد انك تطلب تحويل على معهد سيراكيوز الملحقية بتوافق لك ( لان المعهد سمعته جيد في الملحقية ) .. القبول المشروط يكون من الأقسام مباشرة وفي الغالب يكون لطلاب البكالوريس وعدد بسيط جدا لطلاب الماجستير ..
اذا رغبت أفيدك اكثر ياليت تعطيني معلومات واضحة عن التخصص والمرحلة ومستوى اللغة وبحول الله ما نقصر معاك ..
هذا رابط المعهد اذا أردت التقديم عليهم .. وفرص القبول عالية جدا فيها ..
English Language Institute - at Syracuse University
موفق اخي الغالي ..
اخوك ابو البتول

اللهم امين .. أمثال هذه الدعوات الصادقة هي كل ما نبحث عنه ..
وفقك الرحمن وسددك اخي الغالي ..
محبك

لو سمعت ابغا اسال هل يوجد قبول مشروط لتخصص الصحافة في الجامعة للماستر ..؟
بالنسبة لدوام المعهد من كم لكم وكيف الواجبات ..؟

حياك الله Cute .. للأسف لايوجد قبول مشروط في كلية الاعلام نهائيا .. كلية مميزة جدا وما تعطي قبول مشروط لكل التخصصات التي تندرج تحتها ومن ضمنها الصحافة ..
ما يخص المعهد الدوام من الساعة 8.45 صباحا وحتى الساعة 3.15 عصرا .. ثلاث محاضرات يوميا بإستثناء يوم الجمعة ينتهي الدوام الساعة 12 ظهرا .. في بعض السيمسترات يتم تغيير الدوام، بحيث يكون هنالك مجموعتين .. كل مجموعة تدرس في فترة مخصصة لها صباحية او مسائية .. يبدأ الدوام من 8 الى 12.15 الطهر .. والفترة الثانية من 1 الى 5 العصر ..
الواجبات ضغط رهيب خلال البدايات .. لكن مع مرور الوقت يصبح الوضع اكثر بساطه ..
بالتوفيق ..

السلآم عليكم ، حصلت على قبول في هذي الجآمعه ومحتآج معلومآت بشكل سريع اللع يجزآكم خير ،
عن المعهد والجآمعه والمدينه بشكل عإم