تجمع طلاب ولايه جورجيا مدينه اتلانتا

السكن مع اجانب تتواصل مع السكن واسالهم قل ابي روميت هل توفرون لي هالخدمه لان اوقات يكون فيه ناس حاجزه و ناقصهم واحد عشان يكملون شقه و يستاجرون فانت اتصل و اسال و هم يوفرون لك هالشغله عادي .. او راسلهم ايميل ..

واذا استصعب عليك كلمني و ححاول اشوف لك بس ترى و الله عندي اختبارات جامعتي كل يومين اختبار وواجبات وخلها على الله فيعني لاتستعجل علي كثير

اخوي مازن ماتقصر

والله يعينك انا ابغى اتواصل معاهم واعطيك خبر

يا اهل اتلانتا عندكم علم عن هذه الجامعه ؟ CLARK ATLANTA UNIVERSITY

كيف الجامعه وكيف معهدها ؟

استفسار بسيط ..
هل سكن centennial ارضيته مفروشة ام سيراميك .. لان كل الصور التي اتطلعت عليها بها بساط وفرش على الارض ؟؟

انا بصرااحه مالقيت معهد اسوأ من معهد التابع لجامعه مرسر
الوضع يانااس مزري سيئ لابعد الحدود تعاملا وتدريسا والطلاب كمان
المدرسات خلاص صاروا يتكلمون عربي . الكلاس الواحد عشره سعوديين وواحد افريقي ونسبه قليله اللي تعدي
بالاضافه الى الانظمه ابدا مافي التزام المدرسه ترسبك تنجحك الاداره مالها تدخل
همهم الوحيد الفلوووس بألأضافه الى الغرامات اللي يفرضونها على الطلاب بغير وجه حق
انا طالبه من جامعه جورجيا ستيت وعرفت بمعانات الطلاب حتى من غير ادرس بالمعهد
المدرسه تشرح والكل يتكلم عربي ولا في التزام بالتعليم حتى وصلت انو بعض الطلاب يحضرون الكلاس سكارى اعوذ بالله

اغلبية الشقق غرف النوم فرش بيج فاتح اما الصاله و صالة الطعام باركيه خشبي .. و نفس الباركيه لدورات المياه و المطبخ اعزكم الله

الف شكر ..
يعطيــــــــــــــــــــــــــــــــــــــــــــــ ك العافية

[QUOTE=مجتهد99;1062241672]

اخوي ويست مارت عندهم مزايا اوك و عندهم عيوب بس انا اقول للي متقاوي يشتري سياره فهذا افضل له بكثييير بس عيبه شي بسيط .. الشقه مفروشه اوك

بس الجدار صبه و الارض صبه يعني فيها غرفة النوم كاملة بتسريحة و كلامها الكثير بس الفرش مافيها فيه ناس تشتري هنا و فيه ناس عادي ماتشتري .. فيها صاله مؤثثه كنبتين .. ممكن اذا تبون انزل لكم كم صورة له و فيه مجمعات سكنية حلوه فلا تعتمدون على اللي قلته بس فانا مجرد اقول لكم اللي اعرفه

اما للي يبي يسكن جنب تك فيه سينتينيال هذي انا ساكن فيها .. حلوه بس بدون فرش و ايجارها الارخص بالمنطقه و المجمعات الثانيه زعلانه من هالشي و يطلعون لك العيبه في المجمع ..

فيه مجمعات ورا شركة الكوكاكولا على طريق ايكيا و تارقيت حلوه .. فيه اثنين واحد منهم غالي جدا الغرفه بصاله 1200 انا ساكن بهالسعر غرفتين و صاله كبيييره و صاله طعام بس برضو هو مدلع و الثاني كبير و سعره معقول و برضو فخم و راقي ..

وفيه مجمعات كثييييييييييييييره بمنطقة لينكس هي بعيده شوي بس الناس تحب تروح هناك عشان المول ومدري ليه بصراحة يعني ناس ساكنه هناك و لمن شافت البعد و التعب اللي كل يوم ندمت و اعرف واحد دافع تأمين 5500 دولار ليه مادري ؟ وتاكد انك مرتاح جدا بالمنطقه .. وبرضو لاتاخذو دور اول الا اذا مرررررره انجبرتم


اما السكن مع عائله و الله فيه واحد اعرفه قد قلت لكم عنه و كلمته اني احط رقمه هنا بالموقع بس رفض يقول انا يالله لي بنفسي و مستصعب الموضوع و يقول مشغول فمعذور الرجال ..

بحاول اشوف اي احد ساكن مع عائله يفيدكم لان و الله هالقوانين انا مادري عنها وودي افيدكم

طبعا اللي انصح الاخوان فيه قبل لايوقع عقد طبعا اغلب المجمعات تشترط ان يكون عقدك لمدة معينة فلا تستاجر الا و انت متاكد 100% لان كسر العقد ممكن يكلفك 3000 دولار ببعض المجمعات ..

السلام عليكم

انا باذن الله دراستي تبداء في 4 مارس في Mercer

ورحلتي يوم 1 مارس الصراحه مدري وش اسوي بالسكن ياليت اللي يدرس بهذي الجامعه يدلني علي شقق مفروشه حلوه وقريب من الجامعه او سكن مع عايله

وابي اسألكم عن النادي السعودي في اتلانا ادورت عليهم في الفيس بوك مالقيتهم اللي يعرف ايميلهم او رابطهم ياليت يرسله لي