تجمع طلاب ولايه جورجيا مدينه اتلانتا

كيف اقدر اطلع السوشل سكيورتي نمبر؟؟؟؟ تكفون ماني عارفه كيف اقدر اطلعه محتاجينه ضروري ..
.................................................. ...................

عن موضوع العفش ...فعلا ايكيا جدا رخيص وحلو اشترينا منه ولقينا شركه حملته لنا وركبته ب 375 دولار..
اخ مازن الله يجزاك خير ويوفقك وين مارحت ..عن جد انت تكتب اشياء جدا من مفيده ومن تجربه كثيره استفدنا من ردودك وتفاعلك بالمنتدى

اذا عرفت شيء عن هالمضوع قولي اللي هو السوشل سيكروتي نمبر .. او الاي دي نمبر كمان يقولون افضل لك عشان ما تدور في جواز سفرك ويصير هو هويتك بعد .. بس مدري شلون ومن وين نقدر نطلعه

السوشل سيكورتي يطلع بحالة واحده فقط .. وهو انك تحصل على وضيفه بالجامعه فقط .. و لمن تتوضف بالجامعه تاخذ منهم رساله انك تشتغل عندهم و وقتها تروح تقدم عليه ..

لكن فيه شي ثاني بس بدون سوشل سيكورتي اللي يبي يطلع رخصه او طالبين منه اثبات انه بالجامعه يروح الجامعه او المعهد ويطلب منهم رساله تثبت انه طالب بالجامعه ويروح مكتب السوشل سيكورتي و يعطونه شي بدل السوشل سيكورتي

بس اتوقع ماحد حيحتاج السوشل السيكورتي او الطريقه الثانيه الا اذا يبي ياخذ سياره اقساط او يبي يطلع رخصه ..

واذا احد طلبك اياها قل له انه ماعندك ويغرمونك 50 دولار انه ماعندك خاصه عند استاجار شقه انا لمن جيت استاجر طلبو سوشل سيكورتي وماعندي غرموني 50 دولار عشان ماعندي وبس وللحين عايش بدون سوشل سيكورتي شريت سياره و شريت عفش وسافرت و جيت ولا حد طلب مني سوشل سيكورتي

اليوم كنا نبي نطلع واي فاي من شركةt and t قالو لازم سوشل سيكورتي ..مانقدر نطلع لك بدونه ...(وصراحه الواي فاي ضروري جدا اذا في شركه تركب واي فاي بدون سوشل ياليت تفيدونا)
وكنا ناوين نطلع رخصه قياده امريكيه لان نبي نشتري السياره ..بس واضح من كلامك انك قدرت تشتري سياره برخصه الدوليه او السعوديه
زوجي معه رخصه دوليه..يعني نقدر نشتري...حلو

شركة الانترنت لاتاخذون الا كوم كاست [ اكس انفنتي ] هي شركة وحده بدون سوشل سيكورتي ولا شي انا مطلع بس نصيحة خذي نت بس بحاولون يغرونك بالتلفزيون بس لاتاخذين كلها كم قناه وتجيب المغص كله مكرر .. بعدين لا استقريتي فيه شي تشتركين فيه بالنت وتشغلينه بسبعه دولار الشهر .. كوم كاست النت مع التفزيون بـ 70 دولار بدون تلفزيون اخصمي 40 دولار .. ولا يطلبون سوشل سيكورتي ولا شي بس جوازك .. والمودم برضو لاتاخذونه من عندهم روحو اشترو من تارقت .. شركة كوم كاست تعطيكم مودم باشتراك شهري تقريبا 20 دولار بس الاوفر هالمودم لان لاجيتي مسافره تقدرين تبيعينة ..

اما السياره عااااادي تقدرين تشترين برخصتك السعوديه بس الافضل طبعا قبل تشترون انكم تطلعون رخصة امريكية عشان توفر عليكم فلوس كثير زي :
التامين بالرخصة السعوديه بـ 156 دولار و بالامريكية 48 دولار ( شركة قلوبال )
اللوحة بالرخصه السعودية 300 دولار وبالامريكية 20 دولار وتتوصل للبيت ..

لاجيتم لسالفة السياره اول شي دورو بالنت بعدين خلو اخر خياراتكم الديلرز او وكالات السيارات تبيع مستعمل باسعار حلوه و سيارات نضيفه ( بس شرط وكالات السيارات ان يكون عندك رخصه جورجيا )
واذا تبون ديلرز فيه واحد فلسطيني محترم بس ما اقدر اقول اكثر من كذا لانه ساعدني والله يجزاه بالخير ويوفقه ماقصر اختار لي السياره ورحنا فحصناها سوا ..
والتامين تعرفت انا على وحده مكسيكية هي اللي زبطت لي كل شي ولا عبيت ولا ابلكشين ولا حتى لوحه رحت سويتها هي سوتها بس طبعا المبلغ من الولايه مفروض هو 300 وعطيتها المبلغ بمني اوردر وسوتها لي ورحت استلمتها من عندها ..


النت قبل لاتروحين تشتري من تارقت المودم تاكدي السلك اللي يطلع من الجدار كيف .. بعضها تكون اسلاك زي تبع الرسيفر .. وبعضها سلك زي تبع التلفون بس اكبر شوي من التلفون .. وش اللي يطلع من جدارك وروحي اشتري مودم ع حسب اللي عندك

المودم اللي انصح فيه للي عندهم الجدار فيه بس فتحه زي الرسيفر .. مودم motorola sbg6580 سعره 135 دولار

ولاتنغرين بالمودمات الرخيصة تري بعضها بس مودم بدون واي فاي انا جربت و اكلتها .. وانتبهي لشغله كمان ان لمن تشترين شي مايكون مستعمل لان تارقت يسمح لك بالترجيع خلال 60 يوم وفيه ناس ترجع وانتي تجين تشترين الرجيع .. ولمن تجين تسجلينه بشركة الانترنت مايتسجل .. لانه مستعمل ..

كيف تفرقين بين المستعمل و الجديد ؟

ببساطه المستعمل يكون عليه سلك من برا و جهاز ينور السلك بشكل اكس و الجهاز دائري بالنص .. اما الجديد ماعليه ولا شي لاسلك ولا جهاز

اللي يبي مقاضي للبيت برضو لايروح يطبح على طول فيه شي عندهم اسمه كوسكو سوبر ماركت كبير بالجمله يعني تشتري لك وللزمن وتاريخ انتهائه بعد سنه اقل شي .. ورخيصصصصص انا انصدمت بالاسعار

كرتون الكولا 32 حبه بـ 10 دولار
12 علبه سكر 300 جرام بـ 12 دولار وهي تباع الحبه باربعه دولار في كروقر
كل شي بالجمله ورخيص بهالمجمع وحلو انا لانقصني شي رحت هذا اول واخذ اللي ناقصني واوقات مالاقي اللي ابيه فاروح اكمل الباقي من كروقر ..
الدخول فيه باشتراك بـ 44 دولار .. يعطونك بطاقه تدخل وتشتري .. فيه كل شي تتخيله عفش بيت تلفزيونات جوالات لاب توبات .. كنب طاولات .. فواكه .. مثلجات [ كل شي مثلج فيه ] بس تاكدو انه حلال .. وبرضو ادوات التنضيف .. والرحلات


وفيه سوبر ماركت عربي اسمه المدينة عنوانه مايحضرني اللحين بس هو من عند مخرج 99 بس كبير و فيه كل شي من اندومي الى جبنة وقشطه بوك .. والرز تليدا و اللحم الحلال و الدجاج الحلال و الخبز العربي و فيه مطعم عربي في نفس السوبر ماركت .. و فيه كل انواع البهارات كل شي بالسعودية او الوطن العربي ممكن تلاقيه بهالسوبر ماركت .. وفيه سوبر ماركت ثاني اسمه بسم الله .. بس هذا هندي اكثر من انه عربي .. وفيه واحد اسمه مدينة .. بس بشرق اتلانتا مو كبير بس قريب فيه اللحوم الحلال ..

افضل محل للفواكه و الخضار طبعا هو كروقر .. فواكهم طازجه وفيه انواع الخضار اللي نعرفها من شبت و بقدونس و كزبره و نعناع بس الحبق مافيه ..

هذي شركة النت
Comcast Official Site: High-Speed Internet, Cable TV, and Phone Services Deals – XFINITYآ® from Comcast

وهذي شركة الغاز
There's Only One | Georgia Natural Gas | Home

وهذي شركة الكهربا ( لازم تروح عندهم اول شي عشان تفتح حساب )
Home | Energy saving tips, paperless billing, outdoor lighting, EnergyDirect and property management tools and SelectGeorgia business relocation help. | Georgia Power



فيه شركات غاز بتغريكم بس هالشركة حسب كلام جارتي امريكية تقول هي الارخص .. بس عيبها انها ماتوصل كل المناطق .. لان فيهم بين الشركات مشاكل ومن هالحكي ع كلامها الامريكية ..
جورجيا بور ماتوقع احد مايعرفها ..
كوم كاست تبع النت ذي كويسه و مجربها انا عال العال وسرعتها كويسه ولا يفصل ولا شي ..


بس انتبه لتاريخ السداد الفواتير كل يوم بيومه لان التاخير عندهم مخالفه بقيمة 60 دولار اغلب الشركات كذا الكهربا و الغاز و النت .. انا مسدد مخالفه الشهر اللي فات وفصلو علي الغاز 8 ايام عقوبه عشان التاخير .. فخلي عندك تقويم مسجل فيه كل شي .. التسديد من النت سهل جدا .. ماعدا الكهربا تمر عليهم بالمكتب و تسدد .. مع انو فيه طريقه تسدد بالنت بس معقده شوي و سحبت عليها انا كسلان

اللي حايسين مره تقدرو تتواصلو مع تجمع الطلبه غيرو الاداره اللي باتلانتا قبل كم يوم و الحقو عليهم باقي متحمسين و طايرين فاستفيدو من حماسهم لانهم جدد و حيفيدوكم ..

فيه واحد ولد جزاه الله خير مايقصر وبرضو فيه بنت ماتقصر والله يعطيهم العافيه على مجهوداتهم ..

تواصلو معاهم ترو يتقابلون بشكل شبه اسبوعي وتقدرون تسالونهم متى التجمع عشان نبي نحضر ونستفيد لمن تقابل ناس لهم تجربه وخاصه لمن تكون شاب او بنت وجاي لحالك وحالك منكوب

مساء الخير مافي معلومات عن جامعة او احد يدرس فيها ياليت يفيدنا

MERCER UNIVERSITY