مساعدة يا اخوان طلاب جورجيا ارجو المساعده

وعليكم السلام ورحمة الله وبركاته ..,

حياك الله ويتنورنا ..

التخصصات والله ماعندي اي علم عنها بس انت لاتشغل بالك بالتخصص دامك تبي تاخذ ايلتس او توفل .. لان تقدر تدرس باي معهد وبعدين تدرس باي جامعه بشهادة التوفل او الايلتس ..

اما المعاهد التجاريه اذا باقي ماقدمت حاول تشوف غيرها لان فيه اثنين للحين يشتكون من معاهدهم اللي باتلانتا .. اذا انت جاي تبي فله وماتبي تدرس خلك فيها اما اذا تبي تستفيد وتتاسس صح خلك بالمعاهد اللي تابعه للجامعات و القوية ..

الانضمام اذا انت مبلغ الوزارة قبل ماتسافر اصلا بسفرك وحصلت على الموافقه بالدراسه على حسابك بالخارج اوك هنا على طول بعد اربع شهور من ابتعاثك ترفع كشف الدرجات للملحقية وتلتحق بالبعثه وكثير اللي سوو هالحركه ومشت امورهم ولله الحمد .. بس اهم شي اول سمستر تدفع وتحاول انك تضمن لك مقعد بالبعثه بدرجاتك ..

اما سالفة المعاهد الي تابعه للجامعات اكيد مافيه اصلا معهد يبدا معك من الصفر .. يعني مستحيل تجي معهد يعلمك ABC...Z ولا يعلمك CAR OR BOOK هذي المفروض عارفها لانهم متوقعين الي مبتعثين متوفقين وعندهم قاعده بسييييييطه من الانجليزي .. حيبدو معك من القرامر من IS HE SHE IT & HAVE HAS ولا تخاف اعرف ناس جايو من السعودية مايعرفون ولا شي الا خرابيط .. وشفهم اللحين بعد 9 شهور مشاء الله عليهم مبدعين ..

اما المدينة السود فيها نسبتهم عاليه مقارنة بالولايات الشماليه .. لكن انت وش عليك منهم !! خلك في حالك وبالعكس لاتخاف منهم ولاتسمع كثير .. ولو الولاية تخوف ماكان فيها اعداد كبيره من السعوديين .. معهدي فيه 66 سعودي !! يعني العدد مو قليل المحاضره الواحده 10 سعوديين 1 صيني 2 كولمبيين 1 فيتنامي 1 افريقي يعني اعداد السعوديين كثييييره فلا تشغل بالك ..

اما الاسعار حلوه ماهي غاليه ولا هي رخيصه يعني حالنا افضل من غيرنا ولله الحمد .. مو مره رخيصه زي الولايات الفقيره ولا هي مره غاليه زي الولايات اللي مستوى معيشتها مقارب لنا .. الضرايب 8%

المواصلات جيده فيه مارتا باصات وقطارات .. فيه تكاسي .. المارتا قطاراته تقص المدينة بشكل علامة + من الشمال للجنوب ومن الشرق للغرب .. ولها محطات كثييييييييييره والباصات كل 15 دقيقه تلاقيها بالموقف ..

بس انت صلي صلاة استخاره وشف رب العالمين ايش كاتب لك .. لاتعتمد على كلام احد انت شوف ايش يناسبك وقرر

اخوي مازن اسعد الله اوقاتك بكل خير حبيت استفسر من كاخوي مشى امس وابغى ارفع له المواعفقه دراسه على حسابه وارسلها لهم هل يلتحق بااذن الله بالبعثه بعد اربع اشهر وشكراؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤ ؤؤؤؤؤؤؤؤؤؤؤؤؤؤبررااخوي

اخوي مازن اسعد الله اوقاتك بكل خير ومحبه عندي اخوي وصل قبل قليل الى اتلانتا وحبيت اسألك يابعد راسي وتحملني شوي

- اخوي سافر ولسى مارفع الموفقه لوزارة التعليم العالي دراسه على حسابه وراح اعبي لهم غدا بااذن الله

وارسلها لهم مره ثانيه هل فيه مشكله او يتاخر على ضمه للبعثه وماهي المده المتوقعه للانضمام للبعثه

- حبيت استفسر منك عن جامعة kennesaw ومعهدها التابع لها leb يعني مارايك بالمعهد هل هو ممتاز

وترى الولد الانقليزي عنده 1 % يعني لاقواعد ولاغيره زين يعرف مفردات هل فيه صعوبه بالغه في فهم الانقليزي

وشكرا على رحابة صدرك

يا بعد راسي يا مازن ..والله ما قصرت ..من جد عطيتني معلومات ممتازه ..والله يوفقك ..

بس ودي اقولك اني قدمت على EFما ادري ارجع اغير ولا ادرس فيه اربع شهور او خمس لين انضم للبعثه وبعدين احول لمعهد تابع للجامعه.

واسف على الازعاج

الله يوفق اخوك وييسر له امره و يكتب له كل خير باذن الله رب العالمين

حقول لك نفس اللي قلته لواحد متورط بنفس جامعتك اتوقع ..

ادرس وارضى بالمقسوم لين تنظم للبعثه و بعدين حتكون خبره مع الايام وتعرف ايش اللي ينفعك وايش اللي يفيدك .. وانقل اذا شفت ان النقل يصب بمصلحتك ويفيدك ..

بس لو تراجعت اللحين حتتكاسل بعدين وتبدا توسوس فخلاص انت رب العالمين كاتب لك انك تروح هالمعهد عشان تستفيد شي بس وشو رب العالمين ادرى ..

الله يعافيك ويكتب لك الاجر انت ماعنك اي معلومه عن الجامعه وقوة المعهد ؟؟

الله يعطيكم العافيه ..

ومثل ما قلت ابي ادرس واحاول اشد حيلي بغض النظر عن قوة المعهد..
وبالاخير كل شي بقدرة رب العالمين .


وبالنسبه للمعهد ما عندي اي خلفيه .لكن سكن تامين دراسه وجبتين في اليوم وكتب كل شي عليهم المبلغ 32000الف ريال لمدة اربع شهور.

وبالنسبه للضرائب 8% مو مشكله اخاف ياثر على المصروف؟

الضرائب تعتبر قليله بنسبة لولايات اخرى ..

اما الدراسه فشد حيلك انت ورب العالمين حييسر لك .. ولا يغرونك بوجبتين ترى ماحتاكل الا وحده .. اللي هي العشا بس اما الفطور يالله تقوم و ع الدوام ..