ولاية جورجيا Valdosta State Univeristy

هذي قريبه مني
وباقولك معلومات عامه
المدينة رخيصة جدا وجامعة ممتازة جدا بالنسبة لي ، الاسعار من 400 الى 800
الخدمات وغيره مادري لسى مارحتها بس اتوقع انها هادئة وحلوه جدا للدراسة والتركيز

مافيها سعوديين ممكن ثلاثه او اقل
فيها مطاعم هندية واتوقع مسلمين بس قليل ومو عرب
قريبة من فلوريدا ساعتين توصل
وانصحك انك تروح ولكن مشكلة الجنوب هنا ان كلامهم ملعوص وحالته حاله انا لي اربعه اشهر ويادوب بديت افهم لغت امهم الملخبطة .
ربي يوفقك

الله يعطيك العافية
بس ممكن سوال انت في اي ولاية ؟

الله يسهلك امورك ..

الله يجزاك خير ...

أخ ايفون ,
أنا ادرس في هذا المعهد ,
1- مدينة صغيرة جدا
2- اسعار رخصية جدا - الشقة 500 دولار غرفتين يعني مع روميت تطلع 250 بالشهر
3-السود اكثر بكثير من البيض, الاكسنت ابوكلب
4-السعوديين عددهم حول 25
5- فيه مسجد واحد و صغير جدا
6- مافي ولا بقالة عربية
7- المعهد جيد جدا
8- كلاسات المعهد في الجامعة وأغلب السعوديين تقريبا ساكنين بالكامبس
الجو حار ممطر صيفا , ماهوب بارد بالشتاء
المدينة شوي وتصير تبع فلوريدا , اورلاندو 3 ساعات جاكسنفل ساعتين ونص
و أي أستفسار انا حاضر

الله يعطيك العافية ابو حمدان ماقصرت مشكور على هالمعلومات
بس عندي كذا سؤال
السؤال الاول
كيف مستوى الامن في المدينة
السؤال الثاني
كم سعر السكن في الجامعة
السؤال الثالث
اذا ابي اسكن في شقة كيف الطريقة واذا ابي اسكن في الجامعة ايضا كيف الطريقة
وشكرا ياابو حمدان ...

الله يجزاك خير ...

السؤال الاول
الأمن , امريكا كلها بعد الساعة 11 لاتطلع , السعوديين ساكنين حول الجامعة والامن جدا ممتاز لكن اذا تبعد ممكن في خطر بالليل
السكن بالجامعة ولله مادري لان مافي سعوديين ساكنين بالدورم لكن اضن السعر اغلى شوي
اما السكن في الشقق المستقلة سهل جدا , في مجمع سكن مؤثث تختار كم روميت تبي اذا ثلاثة يطلع عليك تقريبا 300 اذا اثنين 400 اذا انت وواحد 500
هذا رابط السكن Blanton Common - Mobile Version , ترى صور الغرف نصب شوي
وفي شقق أخرى ارخص
الأمور تساهيل , انت اذا جيت تلقى من يساعدك بالسكن كلنا السعوديين ساعد بعض
دعواتك لي

الله يعطيك العافية ابو حمدان

انا ان شاء الله جاي في يوم 25 يوليو 2013
بس عندي سؤال
انا ناوي ان شاء الله اسكن في سكن الجامعة كم سعر السكن وكيف اسدد الرسوم اسدد اذا جيت
ولامن هينا اسدد تدرس اي مرحلة ياابو حمدان بكالوريوس ولاماجستير
انا مبتعث ماجستير تسويق وهل فيه عوائل سعودية ولاكلهم عزاب بس طبعا اقصد السعوديين

ومرة ثاني مشكور وماقصرت ياابو حمدان والقاك ان شاء الله هناك في فولدستا على خير

الله يوفقك ويسهل امورك