مطلوب سكن في مدينه ارلينغتون

طيب ممكن تنصحني بمعاهد ومدن معينه

لان صار لي ١٠ ايام ادور معهد كويس ورخيص وكمان ديره رخيصه

ماني عارف اختار واقرر لان تجهلني المعلومات الكافيه لاتخاذ قرار اني اختار المعهد او المدينه

فا ابغى نصيحتك بمعهد او اكثر
ومدينة هالمعاهد الي بتعطينياهم


( تمت المشاركة باستخدام تطبيق مبتعث )

الولايات الوسطى و الجنوبيه هي الرخيصه
ساوث كارولينا ، اريزونا ، اوريغون

انا انصحك باوريغون خصوصا ان ما فيها ضرايب
بس مَ اعرف معاهدهم الصراحه بس معروف المعيشه بهالمناطق تكون رخيصه
ادخل ع المعاهد و الجامعات المعترف فيها بهالمناطق و شوف اللي يناسبك من تخصصات

ارشحلك تكسس
معهد ٢٤٠٠ دولار لاربع أشهر + سكن من ٦٥٠ غرفتين ويعتمد حسب المنطقه ويصل ل١٠٠٠ دولار
واذا معاك روم ميت ٤٥٠ الى ٥٠٠ تقريبا شامل الخدمات
والمعيشه تعتمد عليك بالاضافه الى ان الاكل فيها ماعليه ضرايب

وفيه ملاحظه مهمه ،، اذا انت ناوي الالتحاق بالبعثه اختار معهد نظام تقاريره اما شهري او كل شهرين او اربعه
وحاول تبتعد عن بو ٣ اشهر لانك بتضطر تكمل ٦ اشهر عشان ترفع طلب الحاق
واذا احتجت اي خدمه راسلني ولا يهمك

طبعا فيه مناطق فيها معاهد رخيصه لاكن السكن والمعيشه فيها غاليه مثل كالفونيا لاكن الخيار راجعلك


" ما شاء الله لا قوه إلا بالله"

طيب اخ عبدالله انا ابغى في ولاية اوريغون
وماني عارف اطلع معهد كويس هناك وياليت تخدمني بهالسالفه واكون لك من الشاكرين
اذا كنت فاضي وعندك خلفيه بهالامور

وحنا تخبر ماحنا عارفين شي ،

ولاية اوريغون الله لايهينگ


( تمت المشاركة باستخدام تطبيق مبتعث )

تبغى اورغن بشكل عام ولا تحديداً بورتلاند؟
لان بورتلاند فيها معهد واحد مفتوح ورخيص تقريبا لاكن نظام الدراسه فيه ٣ اشهر
اما اذا تبي اي مكان في اورغن بعملك بحث سريع واردلك خبر


" ما شاء الله لا قوه إلا بالله"

لاعادي مافيه مشكله بورتلاند او غيره
فيه ديره بجنوب بورتلاند تبعد عن بورت لاند ٢٠ دقيقه ماني عارف اسمها والله لاكن ياليت تفيدني بهالشي


( تمت المشاركة باستخدام تطبيق مبتعث )

طبعا ماعندي مشكلة بمراسلة المعهد او الجامعه

لاكن الاشكالية بالشروط ماعرف اطلبها مثلا ابي عند عليه ، وابي مثلا الوجبات وابي شخص يستقبلني من المعهد وكذا هاذي ماعرف اطلبها من المعهد ياليت افيدني بهالشغله كييف اطلبها

واكون لك شاكر ❤️🌷


( تمت المشاركة باستخدام تطبيق مبتعث )

طبعا كلمت معهد ثاني قالي الطلبات وكذا وتوافقتت معي ،

طبعا راح تكلفني كامله من غير الفيزا ٢٦ الف ريال

من غير الفيزاء والتذاكر والمصرف الخاص !

هل هو مناسب او لا ،

واذا فيه معاهم ارخص ، بالولاية ذي او غيرها

وتكون مناسبة

ومعليش كثر الاسستفسارات ، بس التايه يسال والطيبين الي مثلك وشرواك يبي الله يعينهم على فعل الشي الطيب 🌹 والله يجزاك خير


( تمت المشاركة باستخدام تطبيق مبتعث )

اخي المعذره فقد يتأخر ردي هاليومين أو ارد على عجاله لان شوي مشغول، واتمنى ماتكون مستعجل عشان أقدر افيدك بالشكل المطلوب

طبعاً حسب القائمه المفتوحه للمعاهد فالمعاهد الغير متكدسه
Linn Benton Community College - ELCI
هذا المعهد شوي نظامه مختلف عن غيره ، اسعاره تختلف حسب المده الي انت بتسجلها ( مثلا من اسبوع الى ثمان اسابيع يكون سعر الاسبوع ٣٢٥ ويوصل الى ٢٤٠ اذا ماوي تكمل عندهم سنتين طبعا هذا للدوام كامل
وعندهم دراسه لدوام جزئي والسعر أقل بيكون

عموما هو فمنطقه صغيره ، أعرف ان هي قريبه من كورفالس والسكن في عايله عن طريق المعهد شامل التأمين الصحي ب٧٠٠ دولار تقريبا
وتدويسه حسب ما عرفت انه عادي واذا تحب اتأكدلك منه اكثر خبرني ، لان اعرف اشخاص درسو فيه...

،،،،،،،،
معهد Clackamas community college
له فرعين معتمدين واحد فمنطقه اورغن قريبه من بورتلاند وتقريبا تابعه لها
والثاني فمنطقه سليم وهي العاصمه لولايه اورغن

عموماً المعهد نظامه كل ٣ اشهر للسكستر الواحد والمبلغ تقريباً ١٠٠٠ دولار للسمستر
المعهد جيد الى متوسط وحسب ظني افضل من الاول بشوي
،،،،،،



" ما شاء الله لا قوه إلا بالله"

الله يعطيك العافيه
بخصوص المبلغ هذا لفتره كم؟ وهل هو شامل السكن والمعهد؟

وسؤال ثاني بخصوص خطتك المستقبليه ايش بالضبط، ناوي تلتحق بالبعثه؟ وكم ممكن تصبر لين ترفع اوراقك ؟
لان مثل ماذكرت قبل مده الترم تختلف من معهد لثاني،

اما بخصوص استقبالك من المطار ، وش رقم المعهد واسمه وبكلمهم اذا حبيت
وإن شاء الله إذا كنت أنا فالمنطقه فوقت وصولك أخدمك من عيوني إن شاء الله ولا تهتم

والاخوه هم بعد مايقصرون فالمنتدى كلهم فيهم الخير والبركه ، وإن شاء الله نكون عند حسن الظن


" ما شاء الله لا قوه إلا بالله"