مساعدة جامعة CARSON NEWMAN

عليكم السلام ورحمة الله وبركاته..
طبعا الجامعة تقدم ماستر في TESOL وفيه 4 سعوديين فقط وماشكوا من الصعوبه في الدراسه
وبالنسبة للمدينه JEFFERSON CITY صغيره فيها الول مارت ومطاعم وبحيره وقريبه من جبال السموكي ماونتن تقريبا 45 دقيقه وفيه مدينه تبعد 15 دقيقه تقريبا فيها أسواق وكذا . واكبر مدينه قريبه تبعد 40 دقيقه فيها كل الخدمات وفيها كم مطعم ومحل عربي . الأجواء جميلة جدا تشوف كل فصول السنه ..
معليش ردي مختصر لاكن أتمنى اني افدتك واي سؤال انا حاضر ان شاءالله .

ممكن معلومات اكثر عن المدينه من ناحيه الامان , ايجارات الشقق, الجو, تقبل الناس للمحجبات خصوصا الحجاب الكامل الملثمات ..
وعن الجامعه : هل الاساتذه متساعدين مع الطلاب خصوصا تخصص التيسول. وكيف معهد الجامعه ؟ وكم التقييم له من 10؟

شكراً

بحكم تواجدي هنا لمدة سيمسترين/ المدينة جداُ أمنه بعد الله و صغيره, طبيعه خلابه.
الإيجارات من 400 إلى 700$ .
الجو / الفصول الأربعه.
بالنسبة للمحجبات لا يوجد أي محجبه هنا, ومااقدر اقول متقبلين او لا. لكن الناس هنا مره فريندلي وبعض الطلاب ساكنين في مدينة نوكسفيل ويعرفون محجبات وكذا.
الجامعه مسيحية و متدينة و تعاملهم معنا نحن كمسليمن جداُ محترم.
أنا أدرس في المعهد الأن و هو عبارة عن 4 مستويات، كل مستوئ 4 شهور (سيمستر). المعهد يعتبر معهد أكاديمي لأنه تابع للجامعة. التقييم صعب لأنه اول معهد أدرس فيه هنا. ( أستفدت جداُ منه)
بالنسبة لمدرسي المعهد بعضهم لديه خبرة في التعامل مع المحجبات لأنهم يدرسون في معاهد أخرى.
بالنسبة ل تخصص التيسول: أصحابي جداُ مستمتعين فيه ويمدحونه و ماخذين راحتهم ع الآخر فيه. الدكاترة جداُ متعاونين. و تخصص يعتبر سهل و جميل و ممتع.

لأي سؤال انا حاضر إن شاء الله

طيب ايش اسم المعهد ؟؟ لأني بحثت عنه بموقع المعاهد المعترف فيها باسم الجامعة ومالقيته!!

شكـراً.

اسم المعهد ( English Language Institute (ELI المعهد معترف فيه من الملحقيه لكن مو موجود في قاىمة المعاهد.. وانا سبق استفسرت من مسؤول المعاهد في الملحقية د فالح الحقباني ورد علي المعهد معترف فيه ..

زوجي بيدرس فيها وبنروح معه بإذن الله قريبا وعلئ كلام اصدقائه انها مدينه امنه بعد الله اذا حابه اي استفسار ان شاء الله مااقصر معك

ام عبودي كرما انا بانتظار اجابتك عن اول انطباع لك في المدينة ياليت ان امكن تفصيل خصوصا في قضية الحجاب والدراسة

السلام عليكم
عندي قبول لجامعة كارسون نيومان يبدأ في فول ٢٠١٥م، ولا استغني عن خدماتكم خاصة ان عائلتي معي.
وشكراً

السلام عليكم ..
لو سمحت ممكن تعطيني تقييمك للمعهد بعد ما درست فيه من ناحيه مستوى المعهد وقوته ويأهل أكاديميا أو لا
والدوام من متى لمتى وهل من السهل القى سكن مع عائله
ياااااارب تفتح الموضوع بعد هالوقت .. وشكرا مقدما