استفسار بخصوص زوجتي

أعتقد ياخوي انك طالع دوره عسكريه (تأسيسيه أو متقدمه) وبالتالي مالك تعامل رسمي مع الملحقيه أو وزارة التعليم العالي فما تعتبر مبتعث انت أساسا عشان زوجتك تلتحق بالبعثه!!

ان شاء الله اذا ابتعثوك لمرحله علميه أو حتى لغه انجليزيه فقط وفتحت ملف في الملحقيه فيحق لك تدخل زوجتك معهد لغه انجليزيه على حساب الملحقيه، واذا قدرت زوجتك تجيب قبول نهائي لمرحله علميه لاتتجاوز مدة دراستها مدة ابتعاثك فيحق لها تلتحق بالبعثه، بمعنى، اذا انت طلعت بعثه لغه انجليزيه وماجستير لمدة ثلاث سنوات، وزوجتك درست لغه انجليزيه سنه وحصلت على قبول نهائي من جامعه معترف بها، فراح توافق الملحقيه على الحاقها بالبعثه ومعاملتها كمبتعثه اذا مدة الدراسه اللي هي تبيها تساوي او تقل عن سنتين (اللي هي الفتره المتبقيه من بعثتك انت). هذا العلم اللي عندي واذا فيه من عنده معلومات اضافيه ياليت مايبخل علينا...

موفق اخوي
طرررررررررراع
هذا استعداد وتحيه قبل الانصراف

الله يعطيك العافيه اخوي فهد ادري ان الملحلقيه مالها دخل ببعثتي بس ودي اخليها تدرس وانا محرم معها واذا قبلتها الملحقيه راح يجي اخوها يكمل معها
يعني كأنها طالعه ع حسابها فهمت علي
يعني تضيفها الملحقيه للبعثه بعد كم شهر من دراستها والا لا؟


( تمت المشاركة باستخدام تطبيق مبتعث )

خلنا نتفق على شي طال عمرك، أولا مافي بعثه من الأساس عشان تضاف لها زوجتك! أثناء دورتك العسكريه، مايفرق وجود زوجتك في أمريكا عن السعوديه بالنسبه للملحقيه! اوك!
وحتى اذا بغت زوجتك تدرس لغه فراح يكون على حسابك.
ثانيا، الطرق الوحيده اللي ممكن تحصل فيها زوجتك على بعثه:
1- تقدم على برنامج الملك عبدالله للابتعاث واذا انطبقت عليها الشروط. وتمت الموافقه على طلبها فيحق لك انت او اخوها مرافقتها اثناء بعثتها.
2- (في حالة انك كاش أو طلعت لك قرض محترم) تدرس زوجتك لغه على حسابك ثم تحصل على قبول في تخصص (مطلوب) ومن جامعه معترف بها وتكمل دراسه على حسابك من ستة أشهر الى سنه (سواء انت كنت المرافق أو أخوها) وخلال دراستها ترفع طلب الحاق ببعثات الملك وغالبا راح يتم الموافقه على طلبكم اذا التخصص مطلوب والجامعه معترف بها وسيتم تعويضك عن المبالغ اللي دفعتها وتصير مبتعثه بشكل رسمي.

غير مذا مافي حل اخر على حد علمي!
آسف اذا كان ردي ماعجبك..

السلام عليكم
الله يهديك عقدت الرجل ي اخي 😂
اخي صاحب الموضوع ايوه تقدر تدخل زوجتك معهد وتدرس على حسابك الخاص وبعد ٤ شهور ترفع طلب الحاق وتضمها الملحقيه للبعثة باذن الله ، كلامك سليم جدا ، واذا تبي اضمن حل قبل تطلع من السعوديه سوي لها قبول فى معهد امريكي وسو لها فيزا دراسيه ، واذا وصلتو ل امريكا بالسلامه تفتح لها ملف طالب دارس على حسابه الخاص وان شاء الله تمشي اموركم ، واذا عندك سؤال ثاني تفضل انا اجاوبك ، انا اساسا ب امريكا وادرس على حسابي الخاص ورفعت طلب الحاق اتمني خلال هاليومين تخلص اموري على خير بإذن الله ، والله يوفقك ويوفق زوجتك ويسهل امركم

استغفر الله العلي العظيم واتوب اليه
اللهم صل وسلم على محمد وآل محمد


( تمت المشاركة باستخدام تطبيق مبتعث )

الله يعطيكم العافيه


( تمت المشاركة باستخدام تطبيق مبتعث )

الله يوفقك اخت شيخه وان شاء الله تبشرينا بخبر قبولك بالبعثه
طيب هل جميع المعاهد معترفه من الملحقيه والا معاهد معينه؟


( تمت المشاركة باستخدام تطبيق مبتعث )

اللهم امين ، الله يجزاك خير اخوي سند ويوفقك ، ايوه فى معاهد معتمده ، انا بعلمك اسهل طريقه ، روح مكتب متخصص فى القبولات بس انتبه اغلب المكاتب ياخذون فلوس بالهبل ، انا جيت عن طريق مكتب ، اذا حاب اعطيك رقمه وتواصل معه ، بالسعوديه المكتب طبعا ☺️، والله يسهل امرك .


( تمت المشاركة باستخدام تطبيق مبتعث )

الله يعطيك العافيه انا بروح بعد العيد ان شاء الله وهي بتلحقني بعد شهر
وانا ان شاءالله راح ابحث لها عن المعهد هناك بنفسي
بحثت عن كذا معهد لقيت اقل شي ب ٤٥٠٠
بس سمعت ان المعهد اللي لقيته مادي درجه اولى
وانا بصراحه ودي انها تستفيد



( تمت المشاركة باستخدام تطبيق مبتعث )

تدرين عطيني رقمهم بستفسر منهم


( تمت المشاركة باستخدام تطبيق مبتعث )