مساعدة طلاب تامبا فلوريدا Florida, Tampa

دور في المنتدى اكيد بتحصل معلومات كثيرة عن المدينة

لكن حبيت افيدك في قبول المعهد، ترى المكاتب نصابة وراح يسلخونك فلوس

ترى تعبئة الابليكيشن جدا بسيط حق INTO
واذا تبغاني اساعدك انا حاضر

الله يعطيك العافية اخوي (فزعة اغراب) ماشاء الله عليك اسم على مسمى
بالنسبة للمكتب عن طريق الوزارة !
ماياخذ مني رسوم
الله يجزاك خير على عرض المساعدة
ولكن ممكن احد يفيدنا عن وضع المعهد والمدينة
وهل فعلا المعهد دراسة المستوى فيه سمستر كامل؟
تقبل تحياتي

هذا واجبنا يا اخوي
بالنسبة للمدينة ممتازة وفيها نسبة عرب كبيرة
رالمعهد ممتاز لكن مشكلته انه الدراسة فيه سمستر كامل
انا ما درست فيه لكن كل الي درسوا فيه يمدحوا المعهد

ماشاء الله عليك!
سمستر كامل!!! يعني ياخذ مني سنة دراسة مستويين!
طيب بالنسبة للي درسوا، هل المعهد كورسه غير مكثف؟ ام انه المستوى يعادل مستويين من معهد اخر؟!
لانه العمر محسوب علينا وماودنا نتاخذ قرار الا عن قناعة
والزين غالبا مايكمل
يسر الله لنا ولكم ..ياكريم

عموما المعهد عندهم ٥ مستويات
ولا عندي خبرة كبيرة فيه لاني ما درست فيه
لكن السمستر الواحد فيه يعادل لفلين من المعاهد الاخرى التي يكون فيها الفل شهرين
وعلما ان عندهم صيفي يعني في السنة تدرس ٣ مستويات

هذا الي اعرفه

وبالتوفيق